அணுக்களைப் பொறுத்து கரிம சேர்மங்களின் வகைகள்
கரிமச்
சேர்மங்களில் கார்பனைத் தவிர ஹைட்ரஜன், ஆக்சிஜன்,
நைட்ரஜன் போன்ற அணுக்களும் கார்பனுடன் பிணைப்பை
ஏற்படுத்தியிருக்கும். இதனைப் பொறுத்தும் நாம் கரிமச் சேர்மங்களை வகைப்படுத்தலாம்.
அதில் சில வகைகளை இங்கு காண்போம்.
கார்பன்
மற்றும் ஹைட்ரஜன் மட்டுமே இணைந்து உருவாகும் சேர்மங்கள் ஹைட்ரோ கார்பன்கள் ஆகும்.
கார்பன் அணுக்கள் இணைந்து சேர்மத்தின் கட்டமைப்பை உருவாக்குகின்றன. ஹைட்ரோகார்பன்
தவிர மற்ற கரிமச் சேர்மங்கள் யாவும் ஒன்று அல்லது அதற்கு மேற்பட்ட ஹைட்ரஜன்
அணுக்களுக்கு பதிலாக மற்ற அணுக்களையோ அல்லது அணுக்களின் தொகுதிகளையோ பதிலீடு
செய்யப்படுவதன் மூலம் பெறப்படுவதால் ஹைட்ரோ கார்பன்கள் தாய்வழி கரிமச் சேர்மங்களாக
கருதப்படுகின்றன. ஹைட்ரோகார்பன்கள் மேலும் மூன்று வகைகளாக பிரிக்கப்படுகின்றன.
அ. அல்கேன்கள்
CnH2n+2
என்ற பொது வாய்ப்பாட்டினைக் கொண்டு (n = 1,2,3,........) கார்பன்களுக்கிடையே ஒற்றைப் பிணைப்பினை பெற்றுள்ள சேர்மங்கள் அல்கேன்கள்
ஆகும். n = 1 என எடுத்துக்கொள்ளும் போது அதன் முதல் உறுப்பான
மீத்தேன் (CH4) கிடைக்கிறது.
ஆ. அல்கீன்கள்
CnH2n என்ற பொது வாய்ப்பாட்டினைக் கொண்டு கார்பன்களுக்கிடையே
இரட்டைப்பிணைப்பினை பெற்றுள்ள சேர்மங்கள் அல்கீன்கள் ஆகும். n = 2 என எடுத்துக் கொள்ளும் போது அதன் முதல் உறுப்பான எத்திலீன் C2H4
கிடைக்கிறது. இவை நிறைவுறா கரிமச் சேர்மங்கள் ஆகும்.
இ. அல்கைன்கள்
CnH2n+2 என்ற பொது வாய்ப்பாட்டினைக் கொண்டு கார்பன்களுக்கிடையே முப்பிணைப்பினை
பெற்றுள்ள சேர்மங்கள் அல்கைன்கள் ஆகும். இதன் முதல் உறுப்பு அசிட்டிலின் C2H2
ஆகும். இவையும் நிறைவுறா கரிமச் சேர்மங்கள் ஆகும் மேற்கண்ட மூன்று
வகை ஹைட்ரோ கார்பன் சேர்மங்களின் குடும்பத்தில் உள்ள முதல் ஐந்து சேர்மங்கள்
அட்டவணை 11.1ல் அட்டவணைப்படுத்தப்பட்டுள்ளது.
� குறைவான
கார்பன் எண்ணிக்கையைக் கொண்டிருக்கும் ஹைட்ரோ கார்பன்கள் அறை வெப்பநிலையில்
வாயுக்களாக உள்ளன. (மீத்தேன், ஈத்தேன் ஆகியவை வாயுக்கள்)
� ஹைட்ரோ கார்பன்கள்
நிறம் மற்றும் மணம் இல்லாதவைகள்.
� கார்பன்
எண்ணிக்கை அதிகரிக்கும் போது ஹைட்ரோகார்பனின் கொதிநிலை அதிகரிக்கும்.
� ஆக்சிஜனுடன்
வினைபுரிந்து இவை கார்பன்டை ஆக்சைடு மற்றும் நீரை கொடுக்கின்றன.
� மற்ற ஹைட்ரோ
கார்பனுடன் ஒப்பிடும்போது அல்கேன்கள் குறைவான வினை திறன் கொண்டவை.
� அல்கைன்களில்
முப்பிணைப்பு காணப்படுவதால் அவை அதிக வினை திறன் கொண்டுள்ளன. அல்கேன்கள் நிறைவுற்ற
கரிமச் சேர்மங்கள், அல்கீன்களும் அல்கைன்களும் நிறைவுறா
கரிமச் சேர்மங்கள் ஆகும்.
� ஹைட்ரோ
கார்பன்கள் நீரில் கரையாது.
நிறைவுற்ற மற்றும் நிறைவுறா சேர்மங்களை கண்டுபிடிப்பதற்கான சோதனை
� சோதனை
குழாயில் சிறிதளவு மாதிரிக் கரைசலை எடுத்துக் கொள்ளவும்
� புரோமின்
நீரின் சில சொட்டுகளை சோதனை குழாய்க்குள் விட்டு கரைசலின் நிறம் மாறுகிறதா என
கவனியுங்கள்
� கரைசலின்
நிறம் மாறினால் கொடுக்கப்பட்டுள்ள மாதிரி நிறைவுறா சேர்மம் கரைசலின் நிறம்
மாறவில்லையென்றால் கொடுக்கப்பட்டுள்ள மாதிரி நிறைவுற்ற சேர்மம் ஆகும்
3. வினைச் செயல் தொகுதியின் அடிப்படையில் கரிமச் சேர்மங்களின் வகைப்பாடு
குறைவான
வினை திறன் கொண்ட கார்பன், ஹைட்ரஜன் அணுக்களை பயன்படுத்தியே
கரிமச் சேர்மங்களின் கட்டமைப்பு அமைந்துள்ளது. ஆனால் இத்தகைய கரிமச் சேர்மங்களுடன்
மேலும் சில அணுக்களை சேர்த்தால் பிற சேர்மங்களுடன் வினைபுரியும் தன்மை
அதிகரிக்கும். இது சேர்மங்களின் வேதியியல் பண்புகளிலும் பிரதிபலிக்கும். ஓர்
சேர்மத்தின் வேதிப் பண்புகளுக்கு காரணமான ஓர் அணு அல்லது அணுக்கள் அடங்கிய
தொகுதியே அச்சேர்மத்தின் வினைச் செயல் தொகுதியாகும். ஒரு கரிமச் சேர்மத்தின் வேதி
பண்புகள் அனைத்தும் அதன் வினைச் செயல் தொகுதியால் உறுதிப்படுத்தப்படுகின்றன. ஆனால்
அச்சேர்மத்தின் இயற்பியல் பண்புகள் மூலக்கூறின் எஞ்சிய பகுதியால்
உறுதிப்படுத்தப்படுகின்றன. கார்பன்களுக்கிடையே இருக்கும் பிணைப்புக்களின்
எண்ணிக்கையும் (C = C, C ≡ C) வேதியியல் பண்பை தீர்மானிக்கும். - OH, - CHO, - COOH, ஆகியவை சில வினைச் செயல் தொகுதிகள் ஆகும். உதாரணமாக ஈத்தேன் என்பது ஒரு
ஹைட்ரோகார்பன். இதன் மூலக்கூறு வாய்ப்பாடு C2H6 இதில் இருக்கும் ஒரு ஹைட்ரஜனை எடுத்துவிட்டு ஒரு OH தொகுதியை
சேர்க்கும் போது நமக்கு ஆல்கஹால் கிடைக்கிறது. -OH என்ற
வினைத் தொகுதியை தவிர மீதமுள்ள அமைப்பை R என
எடுத்துக் கொண்டால் ஆல்கஹாலை R - OH என்ற வாய்ப்பாட்டால்
குறிப்பிடலாம்.
ஒரே
வினை செயல் தொகுதியை வைத்து உருவாக்கப்படும் கரிமச் சேர்மங்களை ஒரே வகையைச்
சார்ந்தவை எனக் கருதலாம். அட்டவணை 11.2 பல்வேறு
சேர்மங்களின் கரிமச் சேர்மங்களின் வகைகள் மற்றும் வினைச் செயல் தொகுதிகள்
அட்டவணைப்படுத்தப்பட்டுள்ளது.