Home | 12 ஆம் வகுப்பு | 12வது தாவரவியல் | பல்வேறு முகவர்கள் மூலம் கனிகள் மற்றும் விதைகள் பரவுதல்

பதப்படுத்தப்பட்ட மாதிரிகள் - தாவரவியல் செய்முறைகள் - பல்வேறு முகவர்கள் மூலம் கனிகள் மற்றும் விதைகள் பரவுதல் | 12th Botany : Practicals

   Posted On :  10.08.2022 02:06 am

12 வது தாவரவியல் : செய்முறைகள்

பல்வேறு முகவர்கள் மூலம் கனிகள் மற்றும் விதைகள் பரவுதல்

நோக்கம்: கனிகள் மற்றும் விதைகள் பரவுதலில் உதவும் முகவர்களைப் பற்றி அறிதல் மற்றும் அடையாளம் காணுதல்.

பதப்படுத்தப்பட்ட மாதிரிகள்


சோதனை எண்7: பல்வேறு முகவர்கள் மூலம் கனிகள் மற்றும் விதைகள் பரவுதல்

நோக்கம்: கனிகள் மற்றும் விதைகள் பரவுதலில் உதவும் முகவர்களைப் பற்றி அறிதல் மற்றும் அடையாளம் காணுதல்.

கொள்கை: ஒரு தாய் தாவரத்திலிருந்து பல்வேறு தூரத்திற்குக் கனிகள் மற்றும் விதைகள் பரவுதலே விதை மற்றும் கனி பரவுதல் என்றழைக்கப்படுகிறது. இது காற்று, நீர் மற்றும் விலங்குகள் போன்ற சூழ்நிலையியல் காரணிகளின் உதவியுடன் நடைபெறுகிறது.

தேவையானவை: டிரைடாக்ஸ், தேங்காய் மற்றும் நாயுருவி (அக்கிரான்தஸ்), கத்தி, இடுக்கிகள், பெட்ரி தட்டுகள், கை லென்ஸ் முதலியன.


அ. காற்றின் மூலம் பரவுதல் - (எடுத்துக்காட்டு: டிரைடாக்ஸ்)

கண்டறியும் பண்புகள்

• கனிகள் லேசானவை எனவே அவற்றைக் காற்று சுமந்து செல்லக்கூடிய வகையில் உள்ளது.

• கனிகள் நுண்ணியவை, மிகமிகச் சிறியவை, தட்டையான வெளிஉறையினைக் கொண்டுள்ளன.

• கனிகள் பரவுதலில் இறகு வடிவ இணையுறுப்புகள் (பாப்பஸ்) மிதக்கும் திறனை அதிகரித்து உயர்ந்த இடங்களை அடையச் செய்கின்றன.



ஆ. நீர் மூலம் பரவுதல் - (எடுத்துக்காட்டு: தேங்காய்)

கண்டறியும் பண்புகள்

• நீர் மூலம் பரவுதலுக்காகக் கனிகளின் வெளியுறை மிதப்பதற்கு ஏற்றவாறு அமைந்துள்ளது.

• தேங்காய் நார்களைக் கொண்ட நடுத்தோல் உடையது. ஆகையினால் தேங்காய் எளிதில் ஓடும் நீரில் அடித்துச் செல்லக்கூடியவை.



இ. விலங்குகள் மூலம் பரவுதல் - (எடுத்துக்காட்டு: அக்கிரான்தஸ்)

கண்டறியும் பண்புகள்

•கனிகள் விலங்குகள் மூலம் பரவுதலுக்கு ஏற்ப அதன் மேற்பகுதியில் கொக்கி, முட்கள், கடின இழைகள் ஆகியவற்றைக் கொண்டுள்ளன.

• அக்கிரான்தஸின் (நாயுருவியின்) கூர்மையான முனைகளையுடைய கனிகள் விலங்குகளின் மேல் ஒட்டிக் கொண்டு, ஒரு பகுதியிலிருந்து மற்ற பகுதிகளுக்கு எடுத்துச் செல்லப்படுகின்றன.


Tags : Fresh or Preserved Specimens - Botany Practicals பதப்படுத்தப்பட்ட மாதிரிகள் - தாவரவியல் செய்முறைகள்.
12th Botany : Practicals : Dispersal of seeds by various agents Fresh or Preserved Specimens - Botany Practicals in Tamil : 12th Standard TN Tamil Medium School Samacheer Book Back Questions and answers, Important Question with Answer. 12 வது தாவரவியல் : செய்முறைகள் : பல்வேறு முகவர்கள் மூலம் கனிகள் மற்றும் விதைகள் பரவுதல் - பதப்படுத்தப்பட்ட மாதிரிகள் - தாவரவியல் செய்முறைகள் : 12 ஆம் வகுப்பு தமிழ்நாடு பள்ளி சமசீர் புத்தகம் கேள்விகள் மற்றும் பதில்கள்.
12 வது தாவரவியல் : செய்முறைகள்