புவியியல் - கலைச்சொற்கள் | 10th Social Science : Geography : Glossary
கலைச்சொற்கள்
காயல்கள்
அல்லது உப்பங்கழிகள்
(Back waters) : ஆற்றின் முகத்துவாரத்தில் ஆற்றுநீர் கடல் அலைகளால் தடுக்கப்பட்டு
கடலில் கலக்காமல் தேங்கி இருப்பது.
கிளை
ஆறு (Distributary): முதன்மை
ஆறானது அதன் கடைப்பகுதியில் பல கிளைகளாகப் பிரிந்து கடலில் கலப்பது.
ஆற்றிடைச்
சமவெளி (Doab): இரு ஆறுகளுக்கு இடைப்பட்ட வளமான சமவெளி.
கழிமுகம் (Estuary): ஆறு அதன்
கடைப்பகுதியில் பல கிளைகளாகப் பிரியாமல் ஒரே ஆறாக கடலில் கலக்கும் பகுதி.
வற்றாத
ஆறுகள் (Perennial
Rivers): ஆறுகள் ஆண்டு முழுவதும் நீரோட்டத்துடனும் நிலையான நீர் பிடிப்பு
பகுதியையும் கொண்டிருப்பது.
கணவாய் (Pass): இரு மலைத்தொடர்களின்
ஊடாக செல்லும் குறுகிய பாதை.
தீபகற்பம்
(Peninsula): மூன்று
புறங்களிலும் நீரால் சூழப்பட்ட நிலப்பகுதி.
துணைக்கண்டம் (Subcontinent): ஒரு
கண்டத்திற்குரிய அனைத்து பண்புகளையும் கொண்டுள்ள - மிகப்பரந்த
நிலப்பரப்பு துணைக்கண்டம் என அழைக்கப்படுகிறது.
திட்ட
நேரம் (Standard
Time): ஒரு நாட்டின் மைய தீர்க்கத்தின் தலநேரத்தை திட்ட நேரம் என்கிறோம்.
துணையாறு (Tributary): ஒரு சிற்றோடை
அல்லது ஆறானது முதன்மை ஆற்றுடன் ஒன்று சேர்வது.
காலநிலை (Climate): ஒரு பகுதியின்
நீண்ட கால வானிலை சராசரியே காலநிலையாகும்.
வானிலையியல் (Meteorology):
வானிலையின் பல்வேறு கூறுகளைப் பற்றி, குறிப்பாக
வானிலை முன்னறிவிப்பு பற்றிய ஒரு அறிவியல் பிரிவு.
பருவக்
காலங்கள் (Season): ஒரு வருடத்தின் நன்கு வரையறுக்கப்பட்ட நான்கு பருவங்கள் (வசந்தகாலம், கோடைக்காலம், இலையுதிர்க்
காலம் மற்றும் குளிர்க்காலம்)
வானிலை
(Weather): ஓர் இடத்தின்
குறுகிய கால வளிமண்டலத்தின் நிலையைக் குறிப்பது. (வெப்பம்,
மேகமூட்டம், வறட்சி, சூரிய
ஒளி, காற்று மற்றும் மழை)
வன
உயிரினங்கள்
(Wildlife): ஓர் இடத்தின் வனவிலங்கினங்கள் மற்றும் இயற்கை தாவரங்களின்
தொகுப்பு.
மண்
(Soil): மண் என்பது
கனிமங்களின் கூட்டுப் பொருள்கள், மட்கிய தாவரங்கள், விலங்கினப் பொருள்கள், காற்று மற்றும் நீர் ஆகியவற்றை
உள்ளடக்கிய புவியின் மேற்பரப்பில் காணப்படும் ஒரு அடுக்காகும்.
காதர்
(Khadar): ஆற்றுச் சமவெளியில்
காணப்படும் புதிய வண்டல் மண்
பாங்கர் (Bhangar): வண்டல்
சமவெளியில் 30மீட்டருக்கு மேல் உள்ள உயர் பகுதிகளில் காணப்படும்
பழைய வண்டல் மண்.
மண்
அரிப்பு (Soil
erosion): புவிப்பரப்பின் மேல் அடுக்கு மண் அகற்றப்படுதல்.
மண்வளப்
பாதுகாப்பு
(SoilConservation): மண்ணரிப்பை தடுத்து, மண் வளத்தை
பேணிக் காத்தல்.
நீர்ப்பாசனம் (Irrigation): செயற்கை
முறையில் தாவரங்களுக்கு நீர் பாய்ச்சுதல்.
பல்நோக்குத்
திட்டம் (Multi
purpose project): பல்வேறு நோக்கங்களுக்காக ஆற்றின் குறுக்கே அணை கட்டுதல்.
வேளாண்மை (Agriculture): பயிரிடல்
மற்றும் அவை சார்ந்த கால்நடை வளர்ப்பு.
உயிரி
எரிசக்தி (Biogas): தாவரங்கள் மற்றும் விலங்கின கழிவுகளில் இருந்து உற்பத்தி செய்யப்படும் மீத்தேன்
மற்றும் கார்பன்-டைஆக்சைடையே உயிரி எரிசக்தி என்கிறோம்.
புதைப்படிவ
எரிபொருள்கள்
(Fossil fuel): இயற்கையில் கிடைக்கும் கரிம அல்லது நீரக கரிம பொருள்களான
நிலக்கரி, பெட்ரோலியம் மற்றும் இயற்கை எரிவாயு ஆகும்.
தாது
(Ore): புவியின் மேலோட்டில்
படிந்துள்ள ஒன்று அல்லது அதற்கு மேற்ப்பட்ட கனிமக் கலவை தாதுக்களாகும்.
சூரிய
சக்தி (Solar
Power): சூரிய வெப்பக் கதிர்வீச்சை மின் சக்தியாக மாற்றுதல்.
அனல்
மின் நிலையம்
(Thermal power station): பெட்ரோலியம் மற்றும் நிலக்கரியை எரித்து மின்
உற்பத்தி செய்யும் நிலையங்கள் ஆகும்.
பண்டமாற்று
முறை (Barter): இரண்டு நபர்கள்
அல்லது குழுக்களுக்கிடையே நேரடியாக பொருள்களை பரிமாறிக்கொள்வது. இவ்வணிகத்தில் பணம் பங்கு பெறுவதில்லை.
அந்நியச்
செலாவணி (Foreign Exchange): அந்நியச் செலாவணி என்பது இரு நாடுகளுக்கு இடையேயான பண பரிவர்த்தனையில்,
அந்நாடுகளின் தேசிய மதிப்பு முறை கையாளப்படுகிறது. இவற்றில் நாணயம், தங்கம் போன்றவை நேரடியாக பரிமாறிக்
கொள்ளப்படுவதில்லை.
கப்பல்துறை
(Harbour): கடற்கரைக்கு
அருகில் அமைந்துள்ள விரிவான, ஆழமான நீர் பரப்பு கொண்ட கப்பல்கள்
மற்றும் படகுகள் பாதுகாப்பாக நங்கூரமிடக் கூடிய ஒரு இடமாகும். இவை சரக்குகள் ஏற்றுமதி மற்றும் இறக்குமதிக்கு பயன்படுத்தப்படுகிறது.
துறைமுகம்
(port): ஏற்றுமதி மற்றும்
இறக்குமதி செய்வதற்காக சரக்குகளை ஏற்றவும், இறக்கவும்,
சேமித்து வைக்கவும் வசதி கொண்ட கப்பல்துறையின் விரிவாக்கப் பகுதி.
விரிகுடா (Bay): பரந்த கடல்
நீரின் ஒரு பகுதி, குறுகிய ஒரு வளைவான நிலப்பகுதிக்குள் உட்புகுதலால்
மூன்று புறங்களிலும் நீரால் சூழப்பட்ட பகுதி.
கடற்கரை
(Beach): மணல் அல்லது
கூழங்கற்களாலான, கடற்கரையை ஒட்டிய பகுதி
உயிரி
வாயு (Bio-Gas): தாவர மற்றும்
விலங்குகளின் கழிவுகளில் இருந்து உற்பத்தி செய்யப்படும் மீத்தேன் மற்றும் கார்பன் டை
ஆக்சைடு.
வணிகப்
பயிர்கள் (Commercial
Crops): இலாப நோக்கோடு, விற்பனைக்காகப் பயிரிடப்படும்
வேளாண் பயிர்கள்.
புயல் / சூறாவளி (Cyclone): சூறாவளி
அல்லது புயல் என்பது ஒரு தீவிர, குறைந்த காற்றழுத்தத் தாழ்வுப்பகுதியைச்
சுற்றி உருவாகும் பெரும் காற்றுத் தொகுதி.
அணைகள் (Dams): அணைகள் என்பன,
நீரைத் தேக்கி, நீர்த்தேக்கங்களை உருவாக்கி,
அதன் மூலம், நீர் மின்சக்தி உற்பத்தி, நீரளிப்பு மற்றும் இதரப் பயன்பாடுகளுக்காக ஆற்றின் குறுக்கே கட்டப்படுபவை.
டெல்டா (Delta): ஆற்றின் முகத்துவாரத்தில்
காணப்படும் முக்கோண வடிவிலான வண்டல் படிவுகள்.
மக்களடர்த்தி
(Density of Population): ஒரு சதுர கிலோமீட்டர் பரப்பளவில் வாழும் மக்களின் எண்ணிக்கை.
வறட்சி (Drought): வறட்சி
என்பது ஒரு குறிப்பிட்ட பகுதியில், சராசரி மழையளவிற்கும் குறைவான
மழைப்பொழிவினால் உண்டாகும் நீர் பற்றாக் குறையினால் ஏற்படும் இயற்கைப் பேரிடராகும்.
மூழ்குதல்
(Drowning): நீரில்
மூழ்குதலால், சுவாசிக்க முடியாமல் உயிர் இழப்பு ஏற்படுதல்.
பொருளாதார
நடவடிக்கைகள்
(Economic activities): ஒரு சமுதாயத்தில் அனைத்து நிலைகளிலும் நடைபெறும்
உற்பத்தி, பகிர்வு மற்றும் நுகர்தல் போன்ற நடவடிக்கைகள்.
தனிச்சிறப்பு
உயிரிகள் (Endemism): தீவுகள் மற்றும் ஒரு நாட்டின் வரையறுக்கப்பட்ட புவியியல் நிலப்பகுதியில் மட்டுமே
காணப்படும் உயிரின வகைகளின் சூழல்.
ஏற்றுமதி
(Exports): பொருள்கள்
மற்றும் சேவைகளை வெளிநாடுகளுக்கு விற்பது.
வெள்ளப்பெருக்கு (Floods): ஆற்றில்
இருந்து அதிக அளவிலான நீர் பெருக்கெடுத்துப் பரவுதல்.
இறக்குமதி (Import): பொருள்கள்
மற்றும் சேவைகளை வெளிநாடுகளில் இருந்து வாங்குவது.
நிலச்சரிவு (Land slide): மலைச்சரிவுகளில்,
பெரும் அளவிலான பாறைகள் மற்றும் மண் ஆகியவற்றின் திடீர் சரிவு.
கல்வியறிவு
பெற்றோர் (Literates): மக்களில் எழுதப் படிக்கத் தெரிந்தோர்.
கசிதல்/ஊடுருவுதல் (Leaching): மழைக்
காலங்களில், வழிந்தோடும் நீரினால் மண்ணிலுள்ள கரையும் தன்மையுள்ள
தாதுக்கள் கரைக்கப்பட்டு, அடித்துச் செல்லப்படுவதால் மண் செழிப்பற்றதாக
உருவாகும் நிலை.
அட்சம் (Latitude): புவி மாதிரியில்
கிழக்கு மேற்காக வரையப்பட்ட கற்பனைக்கோடுகள்.
தீர்க்கம் (Longitude): வடக்கு
தெற்காக கற்பனையாக வரையப்பட்ட செங்குத்துக் கோடுகள்.
சதுப்புநிலத்
தாவரங்கள் (Mangroves):
அயன மற்றும் உப அயன கடற்கரைப் பகுதிகளில், உள்ள
உள்நிலப்பகுதியில் உவர் நீரில் வாழக்கூடிய பசுமைமாறா தாவரங்கள்.
மான்செஸ்டர்
(Manchester): பருத்தி
மற்றும் லினன் துணிகளினால் ஆன விரிப்புகள், தலையணை உறைகள்,
மேசை விரிப்புகள் ஆகியவற்றின் தயாரிப்புக்கு பெயர்பெற்ற
இங்கிலாந்தின் தென்மேற்குப் பகுதியில் அமைந்துள்ள ஒரு பெரிய நகரம்.
வானிலையியல் (Meteorology): வானிலைக்
கூறுகளைப் பற்றிய அறிவியல் பூர்வமான படிப்பு.
கலப்பு
விவசாயம் (Mixed
Farming): ஒரு சிறு நிலப்பகுதியில், பயிர் சாகுபடி
மற்றும் கால்நடை வளர்த்தல் ஆகிய இரண்டையும் ஒரே சமயத்தில் மேற்கொள்வது.
மான்சூன்
(Monsoon): பருவக்காலம்
இயற்கை
வளங்கள் (Natural
Resources): பொருளாதார வளர்ச்சிக்குப் பயன்படும் இயற்கையில் உருவாகும்
அனைத்து பொருள்களும் இயற்கை வளங்கள் எனப்படும்.
திறந்தவெளிக்
காடுகள் (Open
Forest): 10 முதல் 40 சதவிகித தாவர அடர்த்தியைக்
கொண்டுள்ள நிலப்பகுதி மற்றும் காடுகளால் சூழப்பட்ட பகுதி.
தோட்டப்பயிர்கள் (Plantation Agriculture): ஒரு பெரிய நிலப்பரப்பில், அறிவியல் முறைப்படி,
ஒரே பயிரை அதிக அளவில் பயிரிடுவது. இது அதிக முதலீடு
கொண்ட விவசாய முறை. தேயிலை, காபி மற்றும்
ரப்பர் ஆகியவை முக்கிய தோட்டப்பயிர்கள்.
பீடபூமி (Plateau): சமவெளிப்
பகுதியில் இருந்து சற்றே உயரமான மேட்டுநிலம்.
மக்கள்தொகை
(Population): ஒரு நாடு,
பகுதி அல்லது ஓர் இடத்தில் வசிக்கும் அனைத்து மக்களின் கூட்டுத்தொகை.
மக்கள்தொகை
கணக்கெடுப்பு
(Population Census): ஒரு குறிப்பிட்ட கால இடைவெளியில் அங்குள்ள மக்களின்
பொருளாதார, சமூக கூறுகளுடன் எண்ணிக்கை குறித்தான அதிகாரப்பூர்வமானக்
கணக்கெடுப்பு.
பாதுகாக்கப்பட்ட
காடுகள் (Protected
Forests): இந்திய வனச்சட்டம் மற்றும் மாநில வனச் சட்டங்களின் மூலம் பாதுகாக்கப்பட
வேண்டிய பகுதிகளாகக் கண்டறியப்பட்டு பாதுகாக்கப்படும் காடுகள். இக்காடுகளில் அனுமதிக்கப்பட்ட செயல்பாடுகளைத் தவிர மற்ற அனைத்து செயல்பாடுகளுக்கும்
தடை செய்யப்பட்ட பகுதி.
மண்டலங்கள் / பகுதிகள் (Regions): வரையறுக்கப்பட்ட பண்புகளைக்
கொண்ட ஆனால் எப்பொழுதும் குறிப்பிட்ட எல்லைகளைக் கொண்டிராத உலகின் அல்லது
ஒரு நாட்டின் ஒரு பகுதி.
ஒதுக்கப்பட்ட
காடுகள் (Reserved
Forests): இந்திய வனச்சட்டம் மற்றும் மாநில வனச் சட்டங்களின் மூலம் முழுவதுமாகப்
பாதுகாக்கப்பட்ட காடுகளின் பகுதிகள். இக்காட்டுப்பகுதிகளில் அனுமதியற்ற
அனைத்து செயல்பாடுகளும் தடை செய்யப்பட்டுள்ளன.
நீர்த்தேக்கங்கள் (Resrvoirs): இயற்கை
அல்லது செயற்கையாக உருவாக்கப்பட்ட நீரின் ஆதாரமாக உள்ள பெரிய ஏரிகள் அல்லது அணைகள்.
படிவுப்பாறைகள்
(Sedimentary Rocks): படிவுகள் இறுகுவதால் உருவாகும் பாறைகள்.
பாலின
விகிதம் (Sex
Ratio):1000 ஆண்களுக்கு, பெண்களின் விகிதாசாரம்.
கூட்ட
நெரிசல் (Stempede): ஒரு பெரிய அளவிலான விலங்கு கூட்டம் அல்லது மனித கூட்டம், கட்டுப்பாடற்ற நிலையில் ஒரே சமயத்தில், ஒரே திசையை நோக்கி
ஓடுவதால் கூட்ட நெரிசலில் ஏற்படும் உயிரிழப்பு மற்றும் உடல் ஊனம் ஏற்படும் நிலை.
நீர்சந்தி (Strait): இரண்டு கடல்கள்
அல்லது இரண்டு பெரிய நீர்ப்பரப்பினை இணைக்கும் ஒரு குறுகிய நீர்ப்பகுதி.
தீவிர
தன்னிறைவு வேளாண்மை (Subsistence
Intenensive Farming): குடும்பத் தேவைக்காக மட்டும் ஒரு சிறிய நிலப்பரப்பில்
உற்பத்தி செய்யும் சாகுபடி. இது குறைந்த அளவே வணிகத்திற்கு செல்கிறது.
வரையறுக்கப்படாத காடுகள் (Unclassed Forest): வரையறுக்கப்பட்ட அல்லது ஒதுக்கப்பட்ட காடுகளுக்குட்படாத ஆனால் காடுகளாகக் கண்டறியப்பட்டப்
பகுதிகள்.
ஐக்கிய
நாடுகளின் கல்வி,
அறிவியல் மற்றும் பன்னாட்டு நிறுவனத்தின் உலக பண்பாட்டுத்தலம்
(UNESCO World Heritage Site): புவிக்கோளில் உள்ள உயிரின வளங்களின் சுற்றுச்சூழல் பாதுகாக்கப்பட
வேண்டியவை, அவைகளைப் பற்றிய ஆராய்ச்சி, பயிற்சி மற்றும் கண்காணிக்கப்பட வேண்டிய இடங்கள்.