பொருளாதாரம் - அங்காடியின் பொருள் | 11th Economics : Chapter 5 : Market Structure and Pricing
அங்காடியின் பொருள்
பொதுவாக 'அங்காடி' என்பது பொருள்கள் மற்றும் பணிகளை வாங்குதல் மற்றும் விற்பனை செய்யும் இடத்தை குறிக்கும். பொருளாதாரத்தில் 'அங்காடி என்பது ஒரு பொருளை வாங்குபவர்கள் மற்றும் விற்பவர்கள் ஆகிய இருவருக்கும் இடையே உள்ள பரிமாற்ற முறையைக் குறிக்கும். தற்காலத்தில் பரிமாற்றத்திற்கு நேரடியாக தொடர்புகொள்ள வேண்டும் என்பது இல்லை. இப்பரிமாற்றத்திற்கு மறைமுகத் தொடர்புக் கருவிகளான தொலைபேசி, இணையவழி, மின் அஞ்சல் போன்றவற்றை வாங்குபவரும்,விற்போரும் பயன்படுத்திக் கொள்ளலாம். ஓர் அங்காடி கீழ்க்கண்ட இயல்புகளைப் பெற்றிருக்கும்.
1) ஒரு பொருள் அல்லது ஒரு பணியை வாங்குபவர்களும் விற்பவர்களும் இருக்க வேண்டும்.
2) வாங்கப்படுவதற்கும், விற்பனை செய்யப்படுவதற்கும் ஒரு பொருள் இருக்க வேண்டும்.
3) வாங்குபவரும் விற்பவரும் ஒப்புக் கொள்ள வேண்டிய விலை இருக்க வேண்டும்.
4) நேரடி அல்லது மறைமுக பரிமாற்றம் இருக்க வேண்டும்.