உயிரின் தோற்றமும் பரிணாமமும் - நினைவில் கொள்க | 10th Science : Chapter 19 : Origin and Evolution of Life
உயிரின் தோற்றமும்
பரிணாமமும்
நினைவில்
கொள்க
* அடுத்த
தலைமுறையின் இளம் சந்ததிகளுக்குப் பெறப்பட்ட பண்புகள் கடத்தப்படுகின்றன என
லாமார்க் முன்மொழிந்தார்.
* உள்ளார்ந்த முக்கிய வல்லமை, சூழ்நிலையும்
புதிய தேவைகளும், பயன்பாடு மற்றும் பயன்படுத்தாமை கோட்பாடு
மற்றும் மரபுவழியாகப் பெறப்பட்ட பண்புகளின் கோட்பாடு ஆகியவை லாமார்க்கின் முக்கிய
கொள்கைகள்.
* அதிக இனப்பெருக்கத்திறன், வாழ்க்கைக்கான
போராட்டம், வேறுபாடுகள், தக்கன உயிர் பிழைத்தல்
அல்லது இயற்கைத் தேர்வு மற்றும் சிற்றினங்களின் தோற்றம் ஆகியவைடார்வினின் முக்கிய
கொள்கைகள்.
* ஒவ்வொரு சிற்றினமும் மிக அதிக
எண்ணிக்கையிலான இளம் சந்ததியினரை உருவாக்குகிறது. ஆனால் தக்கன மட்டுமே உயிர்
பிழைக்கும்.
* அமைப்பு ஒத்த உறுப்புகள், செயல் ஒத்த
உறுப்புகள் மற்றும் கருவியல் சான்றுகள் ஆகியவை பரிணாமத்தின் தொடர்புகளை
விளக்குகின்றன.
* உயிரினங்கள் சில ஒத்த
பண்புகளைப் பெற்றுள்ளன. ஏனெனில் அப்பண்புகள், ஒரு பொதுவான முன்னோரிடம் இருந்து மரபுவழியாகப்
பெறப்பட்டவை.
* புதை உயிர்ப் படிவம், பழங்கால
உயிரிகளைப் பற்றிய ஆதாரமாக விளங்குகிறது. பழமையான வாழிடங்களை இயற்கை எப்படிப்
பாதுகாத்தது என்பதைப் பற்றி விளக்குகிறது.
* பாரம்பரிய அறிவின் மூலம்
வட்டார இனத் தாவரங்களின் முக்கியத்துவத்தை அறிந்து கொள்ள முடிகிறது.
* வான் உயிரியல் / புற வெளிமண்டல
உயிரியல் மூலம் அண்டவெளியில் உயிரினங்கள் வாழ்வது குறித்துத் தெரிந்து கொள்ள
முடிகிறது.