உயிரினங்கள் மற்றும் இனக்கூட்டம் - இனக்கூட்டம் நெறிப்படுத்தப்படுதல் | 12th Zoology : Chapter 11 : Organisms Reproductive and Population
இனக்கூட்டம் நெறிப்படுத்தப்படுதல் (Population Regulation)
அனைத்து விலங்கினக்கூட்டத்தின் உள்ளார்ந்த நோக்கம் எண்ணிக்கை அதிகரிப்பதே ஆகும். ஆனால் எண்ணிக்கை எல்லையில்லாமல் அதிகரிப்பதில்லை. சுற்றுச்சூழல் தாங்குதிறன் எல்லையை எட்டியவுடன், இனக்கூட்டத்தின் எண்ணிக்கை நிலையாகவோ, சுற்றுச்சூழல் நிலைகளுக்கேற்ப ஏற்ற இறக்கமாகவோ காணப்படும். இனக்கூட்டத் தொகையை பல காரணிகள் நெறிப்படுத்துகின்றன. அவை
1. அடர்த்தி சாராதது - புறக் காரணிகள்
2. அடர்த்தி சார்ந்தது - அகக் காரணிகள்
உயிரினத்திற்கு கிடைக்கும் இடப்பரப்பு , வசிப்பிடம், தட்பவெப்பம், உணவு ஆகியன புறக் காரணிகள் ஆகும். போட்டி, கொன்றுண்ணுதல், வெளியேற்றம், உள்ளேற்றம் மற்றும் நோய்கள் ஆகியவை அகக் காரணிகள் ஆகும்.