தாவரவியல் - பாடச்சுருக்கம் - உயிரி மூலக்கூறுகள் | 11th Botany : Chapter 8 : Biomolecules
பாடச்சுருக்கம்
• செல்கள் நீர், கனிமக் கூட்டுப்பொருட்கள், கரிமக் கூட்டுப்பொருட்கள்
ஆகியவற்றால் ஆனவை. இவற்றின் உயிரி மூலக்கூறுகளாகக் கார்போஹைட்ரேட்டுகள், லிப்பிடுகள்,
புரதங்கள், நொதிகள், நியூக்ளிக் அமிலங்கள் ஆகியவை திகழ்கின்றன.
• கார்போஹைட்ரேட்டுகளில் எளிய சர்க்கரைகள் (மானோ சாக்கரைடுகள்)
கூட்டுச் சர்க்கரைகள் (பாலிசாக்கரைடுகள்) ஆகியவை அடங்கும். கூட்டுச் சர்க்கரைகள் சேமிப்பு
பொருட்களாகவோ அல்லது செல்களுக்கு வடிவுருவம் தரும் சர்க்கரைகளாகவோ உள்ளன.
• செல் சவ்வுகளில் காணப்படும் முதன்மைக் கூறாக லிப்பிடுகள்
திகழ்கிறது. ஆற்றல் சேமிக்கும் சேர்மங்களாகவும், சமிக்ஞை மூலக்கூறுகளாகவும் இவை திகழ்கின்றன.
• புரதங்கள் 20 வகை அமினோ அமிலங்களை வெவ்வேறு வரிசைகளில்
பெற்ற சேர்மங்களாகும். ஒவ்வொரு அமினோ அமிலமும் குறிப்பிட்ட பண்பை வெளிப்படுத்த உதவும்
குறிப்பிட்ட பக்கக் கிளைகளைப் பெற்றுள்ளன. அமினோ அமிலங்களின் குறிப்பிட்ட வரிசையே புரதத்தின்
முப்பரிமாண அமைப்பைத் தீர்மானிக்கிறது.
• செல்லின், முதன்மை தகவல் மூலக்கூறுகளாக நியூக்ளிக்
அமிலங்கள் திகழ்கின்றன. இதன் இருவகைகளான DNA,
RNA இரண்டும், பியூரின்கள், பிரிமிடின்கள் ஆகிய இரண்டையும் பெற்ற மீச்சேர்மங்களாக
உள்ளன. இவற்றின் இணை நிறைவுக் காரங்களுக்கிடையே உள்ள ஹைட்ரஜன் பிணைப்பு, அவற்றின் சுய
இரட்டிப்பை வழிநடத்த உதவுகிறது.