பின்வரும் கேள்விகளுக்கு விடையளிக்க

IV. சுருக்கமாக விடையளி.

1. சூரிய மண்டலம் என்றால் என்ன?.

விடை:

• சூரியன் மற்றும் அதைச் சுற்றி வரும் வான் பொருள்கள் அனைத்தும் சேர்ந்தது.

• இதில் கோள்கள், வீண்மீன்கள், சிறுகோள்கள் மற்றும் விண்கற்கள் ஆகியவை உள்ளது.

2. சுழற்சித் திசைவேகம் வரையறு.

விடை:

கோளிலிருந்து ஒரு நிர்ணயிக்கப்பட்ட உயரத்தில் செயற்கைக் கோள் ஒன்று வட்டப்பாதையில் சுற்றிவர அளிக்கப்படும் கிடைமட்ட திசைவேகம்.

3. சுற்றுக்காலம் வரையறு.

விடை:

சூரியனை ஒருமுறை சுற்றிவருவதற்கு கோள்கள் எடுத்துக்கொள்ளும் காலம் சுற்றுக்காலம் எனப்படும்.

4. துணைக்கோள் என்றால் என்ன? துணைக்கோளின் இரு வகைகள் யாவை?

விடை:

ஒரு சுற்றுப்பாதையில் சூரிய மண்டலத்திலுள்ள கோள்களை சுற்றி வரும் பொருள் துணைக் கோள் எனப்படும்.

துணைக்கோளின் இரு வகைகள்

1. இயற்கைத் துணைக்கோள் - நிலவு

2. செயற்கைத் துணைக்கோள் - செயற்கைக்கோள்

5. 'உட்புறக் கோள்கள் ' குறிப்பு வரைக.

விடை:

• உட்புற சூரிய மண்டலத்தில் காணப்படும் புதன், வெள்ளி, பூமி மற்றும் செவ்வாய் ஆகிய நான்கும் உட்புறக் கோள்கள்.

• இவற்றின் புறப்பரப்பு திண்மப் பாறை மேலேட்டால் ஆனது. இவை நிலம் சார்கோள்கள் அல்லது பாறைக்கோள்கள் என அழைக்கப்படுகின்றன.

•  இவற்றின் உட்பகுதி, புறப்பரப்பு மற்றும் வளிமண்டலம் ஆகியவை ஒரே முறையில், ஒரே வடிவில் உள்ளன.

6. வால் விண்மீன்கள் என்றால் என்ன?

விடை:

• அதி நீள்வட்டப் பாதையில் சூரியனை சுற்றி வரும் தூசு மற்றும் பனி நிறைந்த பொருட்களே வால் விண்மீன்கள் எனப்படும்.

• இவற்றின் சுற்றுக் காலம் அதிகம்.

• சூரியனை நெருங்கும்போது ஆவியாகி தலை மற்றும் வால் உருவாகும்.

• பல வால் விண்மீன்கள் குறிப்பிட்ட கால இடைவெளியில் மீண்டும் தோன்றுபவை.

(எ.டு) ஹாலி வால் விண்மீன் 76 ஆண்டுகளுக்கு ஒருமுறை மீண்டும் தெரியும்.

7. கெப்ளரின் விதிகளை - வரையறு.

விடை:

1. முதல் விதி - நீள் வட்டங்களின் விதி

சூரியனின் மையம் ஒரு குவியத்தில் உள்ளவாறு, நீள்வட்டப் பாதையில் கோள்கள் சூரியனை சுற்றி வருகின்றன.

2. இரண்டாம் விதி - சம பரப்புகளின் விதி

கோளின் மையத்தையும், சூரியனின் மையத்தையும் இணைக்கும் கற்பனைக் கோடு சமகாலங்களில் சம பரப்புகளை கடக்கிறது.

3. மூன்றாம் விதி - ஒத்திசைவுகளின் விதி

எந்த இரு கோள்களுக்கும், சுற்றுக்காலங்களின் இருமடிகளின் விகிதம் சூரியனிலிருந்து அவற்றின் பாதியளவு பேரச்சுகளின் மும்மடிகளின் விகிதத்திற்குச் சமம்.

8. பூமியில் உயிர்வாழ்வதற்கான காரணிகள் யாவை?

விடை:  

• பூமியில் மட்டும் தான் உயிர்வாழ்வதற்கான சூழல் உள்ளது.

• சூரியனிலிருந்து சரியான தொலைவு.

• நீர் ஆதாரம்

• சரியான வெப்பநிலை

• சரியான வளிமண்டலம் மற்றும் ஓசோன் படலம்

ஆகியவற்றை பூமி கொண்டுள்ளது. இவையே பூமியில் உயிர் வாழ்வதற்கான காரணிகளாகும்.

V. விரிவாக விடையளி.

1. சூரிய மண்டலத்தில் உள்ள கோள்களைப் பற்றி குறிப்பு வரைக.

விடை:  

- சூரிய மண்டலத்தில் எட்டு கோள்கள் சூரியனை சுற்றி வருகின்றன.

 அவையாவன.

1. புதன்

• சூரியனுக்கு மிக அருகில் அமைந்துள்ள கோள்.

• பகலில் அதிக வெப்பமாகவும், இரவில் அதிக குளிராகவும் இருக்கும்.

• சூரியனை வேகமாக சுற்றும் கோள்.

சுற்றுக்காலம் 87.97 புவி நாள்கள். சுழற்சிக்காலம் 58.65 புவி நாள்கள்

2. வெள்ளி

• சூரிய மண்டலத்தில் புவியின் அளவை ஒத்த கோள்.

• வானில் மிகப் பெரிய பிரகாசமாக தெரியும் கோள். அதிக வெப்பநிலை கொண்ட கோள்.

• சுற்றுக்காலம் (1 ஆண்டு ) - 224.7 புவி நாள்கள். சுழற்சிக்காலம் (1 நாள்) - 243 புவி நாள்கள்.

3. பூமி

• உயிர்வாழத் தகுதியான கோள்.

சரியான தொலைவு, சரியான வெப்பநிலை,

வளிமண்டலம், ஓசோன் படலம் கொண்டது.

• சுற்றுக்காலம் - 365.25 நாள்கள்

சுழற்சிக்காலம் - 23.93 மணி

4. செவ்வாய்

• சிவப்புக் கோள் என அழைக்கப்படுகிறது.

• துணைக் கோள்கள் டீமோஸ், போபோஸ்.

• சுற்றுக்காலம் - 687 புவி நாள்கள்

சுழற்சிக்காலம் - 24 மணி 37 நிமிடம் 22 வினாடி

5. வியாழன்

• மிகப்பெரிய கோள்.

• இதற்கு 3 வளையங்கள் 65 நிலவுகள் உள்ளன.

•  சுழற்சிக்காலம் (1 நாள்) - 9 மணி 55 நிமிடம் 30 வினாடி

சுற்றுக்காலம் (1 ஆண்டு ) - 11.362 புவி வருடங்கள்  

6. சனி

• மஞ்சள் நிறத்தில் காணப்படும். இரண்டாவது பெரிய கோள் ஆகும்.

• 60 நிலவுகள் உள்ளன.

• சுற்றுக்காலம் - 29.46 ஆண்டு

• சுழற்சிக்காலம் - 10.7 மணி

7. யுரேனஸ்

• குளிர்மிகு வாயுப் பெருங்கோள் ஆகும்.

• சுற்றுக்காலம் - 84 புவி ஆண்டு

சுழற்சிக்காலம் - 17.2 மணி

8. நெப்டியூன்

• பச்சை நிற விண்மீன் போலத் தோன்றும்.

• 248 ஆண்டுகளுக்கு ஒரு முறை புளுட்டோ அதன் சுற்றுப்பாதையை கடக்கிறது. இந்த நிலை 20 ஆண்டுகள் தொடரும்.

• 13 நிலவுகள் உள்ளன.

2. பன்னாட்டு விண்வெளி நன்மைகளை விவரி.

விடை:  

• தண்ணீர் தட்டுப்பாடு உள்ள இடங்களில் மேம்படுத்தப்பட்ட நீர் வடிகட்டுதல் மற்றும் சுத்திகரிப்பு முறைகளை பெறலாம்.

• ISS க்கு உருவாக்கப்பட்ட நீர் மீட்பு அழைப்பு (WRS) மற்றும் ஆக்ஸிஜன் உருவாக்கும் அமைப்பு (OGS) சுத்தமான குடிநீர் இல்லாததால் ஈராக்கில் மக்களால் புறக்கணிக்கப்பட்ட கிராமத்தை மீட்டு மீண்டும் அங்கு வாழ வழிவகை செய்துள்ளனர்.

கண்ணைத் தொடரும் தொழில் நுட்பம்:

• இது பல லேசர் அறுவை சிகிச்சைகளில் பயன்படுகிறது.

• இக்கருவி கண்ணின் நிலையை துல்லியமாக தொடர்கிறது. பேச்சுக் குறைபாடு உள்ளவர்களுக்கு பயன்படுகிறது.

தானியங்கி கைகள் மற்றும் அறுவை சிகிச்சைகள்

• அறுவை சிகிச்சையால் அகற்ற இயலாத கட்டிகளை நீக்கவும்,

• உடல் திசு ஆய்வு செய்ய, தானியங்கி கைகள் உதவுகின்றது.

• புற்று நோய் சிகிச்சைக்கு பயன்படுகின்றது.

• மிகத் துல்லியமாக உடல் திசு ஆய்வுகளை செய்யும்.

மேம்படுத்தப்பட்ட தடுப்பூசிகளை உருவாக்குதல், மார்பக புற்றுநோய் கண்டறிதல் மற்றும் சிகிச்சை, மீயொலி கருவிகள் மேலும் பல பணிகளை செய்கின்றன.

 3. சுழற்சித் திசைவேகம் என்றால் என்ன?

விடை:  

கோளிலிருந்து ஒரு நிர்ணயிக்கப்பட்ட உயரத்தில் செயற்கைக் கோள் ஒன்று வட்டப்பாதையில் சுற்ற அதற்கு அளிக்கப்படும் கிடைமட்ட திசைவேகம் சுழற்சித் திசைவேகம் எனப்படும்.

• புவிக்கு அருகிலிருந்தால் துணைக்கோளின் வேகம் அதிகமாகும்.

• 200 கி.மீ. உயரத்தில் உள்ள செயற்கைக் கோள் கிட்டத்தட்ட 27400 கி.மீ./மணி வேகத்திற்கு சற்று அதிக வேகத்தில் இயங்கினால் 24 மணி நேரத்தில் புவியை சுற்றி வரும்.

• புவியின் சுழற்சிக்காலம் 24 மணி எனவே செயற்கைக் கோள் புவிப்பரப்பிற்கு மேல் ஒரே இடத்திலிருப்பது போல் தோன்றும்.

• புவியைப் பொருத்து ஒரு நிலையில் இருப்பதால் இவ்வகை செயற்கைக் கோள்களுக்கு புவிநிலை செயற்கைக் கோள்கள் என்று பெயர்.

சுற்றியக்க திசைவேகம் V = √GM / (R+h)

G - ஈர்ப்பியல் மாற்றி = 6.67×10-11 நிமீ² கி.கி^-2

M - புவியின் நிறை = 5.972 × 1024 கி.கி

R - புவியின் ஆரம் = 6371 கி.மீ.

h - புவிப்பரப்பிலிருந்து செயற்கைக் கோளின் உயரம்

VI. கருத்துரு வினாக்கள்

1. சில விண்மீன்கள் நீல நிறமாகவும், சில சிவப்பு நிறமாகவும் தோன்றுவது ஏன்?

விடை:

வெப்பமான விண்மீன்கள் நீல நிறமாக தோன்றும், குளிர்வான விண்மீன்கள் சிவப்பு நிறமாகத் தோன்றும்.

2. கோள்கள் நீள்வட்டப்பாதையில் சுழல்வதை எவ்வாறு தொடர்ந்து பராமரிக்க முடிகிறது?

விடை:

சூரியனுக்கும் கோள்களுக்கும் இடையேயான ஈர்ப்பு விசை மூலம் கோள்கள் நீள்வட்டப் பாதையில் சுழல்வதை பராமரிக்க முடிகிறது.

3. ஏன் சில செயற்கைக் கோள்கள் புவி நிலை செயற்கைக் கோள்கள் எனக் கருதப்படுகின்றன?

விடை:

• சில செயற்கைக் கோள்கள் புவியை 24 மணி நேரத்தில் சுற்றி வருகின்றன. புவியின் சுழற்சிகாலமும் 24 மணி.

• எனவே புவியைப் பொருத்து ஒரே நிலையில் இருப்பதால் இவ்வகை செயற்கைக் கோள்கள் புவிநிலை செயற்கைக் கோள்கள் என கருதப்படுகின்றன.

4. பூமியில் 60 கிகி. எடையுள்ள மனிதன் சூரியனில் 1680 கிகி எடையைக் கொண்டிருப்பது ஏன்?

விடை:

• சூரியனின் ஈர்ப்புவிசை புவியின் ஈர்ப்பு விசையை விட 28 மடங்கு அதிகம்.

• எனவே புவியில் 60 கி.கி எடையுள்ள மனிதன் சூரியனில் 1680 கி.கி. இருப்பான்,

60 × 28 = 1680 கி.கி.'

VII. கணக்கீடுகள்

1. புவியின் பரப்பிலிருந்து 36000 உயரத்தில், உள்ள சுழற்சிக் காலம் 24 மணி நேரத்தைக் கொண்டுள்ள செயற்கைக் கோளின் வேகத்தைக் கணக்கிடவும். (R - 6370 கிமீ எனக் கொள்க).

(குறிப்பு : மணி நேரத்தை வினாடிகளில் மாற்றியபின் கணக்கிடவும்)

தீர்வு :

G = 6.67 × 10-11 நி.மீ² கி.கி^-2

R= 6370 கி.மீ.

h = 36000 கி.மீ.

M = 5.972 × 1024 கி.கி

கோளின் வேகம் V = | GM / R+h

V = 6.67 ×1 0^-11 × 5.972×10²⁴ / (6370+36000) × 10³

= 39.8512 × 10¹³ / (42370) × 10³

= 39.8512 × 10¹³  / (4.2370) × 10⁷

= 9.4055 × 10⁶

V = 3.06 × 10³ மீ/வி^-1

விடை:

V = 3.06 × 10³ மீ/வி^-1

2. பூமியிலிருந்து 400 கிமீ தொலைவில் உள்ள, கோளின் சுழற்சிக் காலத்தை கணக்கிடவும்.

தீர்வு :

h = 400 × 10³ மீ

R = 6371 × 10³ மீ

V = 7.616 × 10³ மீவி^-1

π = 22 / 7 = 3.14

T = 2 π (R+h) / V

= 2 × 3.14 × (6371+400) /  7616

= 2 × 3.14 × 6771 / 7616

= 5.583 × 10³ விநாடி அல்லது 5583 விநாடி

(5583 / 60 = 93.05)

T = 93.05 நிமிடங்கள்

விடை :

T = 93.05 நிமிடங்கள்

பிற நூல்கள்

1. Big Bang - By Simon Singh.

2. What are the stars - By G. Srinivas.

3. An introduction to Astronomy - By Baidyanath Basu.

இணைய வளங்கள்  

https://www.space.com/52-the-expandinguniverse-from-the-big-bang-to-today.html 

https://phys.org/news/2016-06-star-black-hole. html

கருத்து வரைபடம்

இணையச்செயல்பாடு

அண்டம்

படி 1. கீழ்க்காணும் உரலி / விரைவுக்குறியீட்டைப் பயன்படுத்திச் செயல்பாட்டின் பக்கத்திற்குச் செல்லவும். "JAVA Script" தேவையெனில் அனுமதிக்கவும்.

படி 2. வலப்பக்கம் கொடுக்கப்பட்டிருக்கும் ஸ்கேல் அளவையில் உள்ள முள்ளை நகர்த்தியோ சுட்டியின் உதவியுடனோ அண்டத்தைப் பெரிதாக்கிக் காணவும்.

படி 3. குறிமுள்ளை வடக்கு - தெற்காக (மேலும் - கீழும்) நகர்த்தி விண்மீன்களின் கட்டமைப்பை உற்று -நோக்குக.

படி 4. மிக நெருக்கமாகச் சூரிய மண்டலத்தைக் காண பெரிதாக்கவும் மேலும் விண்மீன் மண்டலத்தில் தோன்றும் விண்பொருள்களின் பெயரை அறிந்துகொள்க.

உரலி: http://stars.chromeexperiments.com/ or Scan the QR Code.