மின்னியல் | அலகு 5 | 8 ஆம் வகுப்பு அறிவியல் - மின்துகள்கள் (Charges) | 8th Science : Chapter 5 : Electricity
8 ஆம் வகுப்பு அறிவியல் : அலகு 5 : மின்னியல்
மின்துகள்கள் (Charges)
மின்துகள்கள் (Charges)
பொருள்கள் ஒன்றையொன்று விலக்குவதற்கு அல்லது ஈர்ப்பதற்குக் காரணமான
அடிப்படைப் பண்பைப் பெற்றிருக்கும் துகள் மின்துகள் எனப்படும் (ஒன்றையொன்று ஈர்க்கும்
அல்லது விலக்கும் பண்பு மின்னூட்டம் எனப்படும்). எலக்ட்ரான், புரோட்டான் போன்ற அணுக்கூறுகளும்
இந்தப் பண்பைப் பெற்றிருக்கின்றன. மின்துகள்களை ஆக்கவோ அல்லது அழிக்கவோ இயலாது. மின்துகள்களை
நேர் மின்னூட்டம் கொண்டவை மற்றும் எதிர் மின்னூட்டம் கொண்டவை என் இரண்டாக வகைப்படுத்தலாம்.
நேர்மின்னூட்டத்தையும், மின்னூட்டத்தையும் புரோட்டான்கள் எலக்ட்ரான்கள் எதிர் பெற்றிருக்கின்றன.
மின்துகள்களுக்கிடையே ஈர்ப்புவிசை அல்லது விலக்குவிசை காணப்படுகிறது. ஓரின மின்துகள்கள்
ஒன்றையொன்று விலக்கிக் கொள்கின்றன. வேறின மின்துகள்கள் ஒன்றையொன்று கவர்கின்றன.
கூலூம் (C) என்ற அலகினால் மின்னூட்டம் அளவிடப்படுகிறது. தனித்துக்
காணப்படும் ஒரு துகளின் மின்னூட்டமானது சிறும மின்னூட்டம் (e) எனக் குறிப்பிடப்படுகிறது.
இதன் மதிப்பு 1.602 × 10-19 கூலூம் ஆகும். ஒரு எலக்ட்ரான் மற்றும் ஒரு புரோட்டானில்
இருக்கும் மின்னூட்டத்தின் அளவும் இதுவே ஆகும். புரோட்டானின் மின்னூட்ட மதிப்பு நேர்
குறியாகவும் (+e) எலக்ட்ரானின் மின்னூட்ட மதிப்பு எதிர்குறியாகவும் (-e) இருக்கும்.
புரோட்டான்களின் எண்ணிக்கையும் எலக்ட்ரான்களின் எண்ணிக்கையும் சமமாக இருப்பதால்தான்
ஒரு அணுவானது நடுநிலைமையுடன் காணப்படுகிறது.