பணம் | பருவம் 3 அலகு 5 | 4 ஆம் வகுப்பு கணக்கு - மொத்த தொகையை தோராயமாகக் கணக்கிடல் | 4th Maths : Term 3 Unit 5 : Money
மொத்த தொகையை தோராயமாகக் கணக்கிடல்
தருண் தன் அப்பாவுடன் காலனி கடைக்குச் சென்றான். அங்கு ஒரு ஜோடி காலனிகளின் விலை ₹ 99.50 என்று குறிப்பு வில்லையில் இருந்தது.
குறிப்பு : 50 பைசாக்கள் மற்றும் அதற்குமேல் இருந்தால் ரூபாயுடன் ஒன்றை கூட்டுக மற்றும் பைசாக்களை நீக்குக. 50 குறைவாக இருந்தால் ரூபாயில் எந்த மாற்றமும் இன்றி அப்படியே எழுதவும்.
தருண் : அப்பா, அந்த காலனிகளின் விலை என்ன?
அப்பா : ₹ 100
தருண் :: அப்பா, குறிப்பு விலையில் ₹ 99.50 என்று இருக்கிறது. நீங்கள் ₹ 100 என்று கூறுகிறீர்கள்.
அப்பா : சரிதான் தருண். இங்கு ₹ 99.50 என்பது முழுதாக்காமல் இருப்பதால் கூறுவதற்கு சிரமமாக இருக்கும். ஆதலால் ₹100 என்று கூறினேன்.
தருண் : அப்பா, ₹ 100 என்று கூறுவதற்கு பதிலாக ₹ 99 என்று கூறலாம் அல்லவா?
அப்பா : இல்லை தருண் அவ்வாறு கூறக்கூடாது. ஏனெனில் நமக்கு ₹ 99.50 என்று கொடுக்கப்பட்டிருந்தது, 50 பைசாக்கள் மற்றும் அதற்கு மேல் இருந்தால் ரூபாயுடன் ஒன்றை கூட்டுக.
தருண் : அப்பா, அப்படியென்றால் ₹ 50க்கு குறைவாக இருந்தால், முந்தைய முழு எண்ணிற்கு செல்ல வேண்டும் அப்படித்தானே?
அப்பா : ஆம், மிகச் சரியாகச் சொன்னாய் தருண். இருவரும் ஒரு ஜோடி காலணி வாங்கிச் சென்றனர்.
பணத்தை துல்லியமாக அளவிட, அடுத்த அல்லது அதே முழுமதிப்பிற்கு செல்லுதல்.
₹ 1 க்கு தோராய மதிப்பீடு என்பது அடுத்த அல்லது முந்தைய முழு மதிப்பிற்கு செல்லுதல்
செய்து பார்
₹10ன் மடங்கினைப் (முன் அல்லது பின்) பயன்படுத்தி பின் வருவனவற்றை தோராயமாக்குக.
தீபக் வேர்க்கடலை உருண்டை ₹ 24.40 இக்கும், தானிய மிக்சர் ₹ 34.60 இக்கும், முறுக்கு ₹ 28.75 இக்கும் வாங்கினார். அவர் அருகிலுள்ள மதிப்புகளுக்கு விலைகளை முழுதாக்கினார்.