பேரண்டம் மற்றும் சூரியக்குடும்பம் | பருவம் 1 அலகு 1 | புவியியல் | 6 ஆம் வகுப்பு சமூக அறிவியல் - சூரியக் குடும்பம் (Solar System) | 6th Social Science : Geography : Term 1 Unit 1 : The Universe and Solar System
சூரியக் குடும்பம் (Solar System)
சோலார் என்ற சொல்லானது சூரியக் கடவுள்' எனப் பொருள்படும்
sol என்ற இலத்தீன் வார்த்தையிலிருந்து பெறப்பட்டது. சூரியக் குடும்பம் சுமார் 4.5 பில்லியன்
வருடங்களுக்கு முன்பு உருவானதாக நம்பப்படுகிறது. சூரியன், எட்டு கோள்கள், குறுங்கோள்கள்,
துணைக் கோள்கள், வால் நட்சத்திரங்கள், சிறு கோள்கள் மற்றும் விண்கற்கள் ஆகியவற்றை உள்ளடக்கியது
சூரியக்குடும்பம் ஆகும். இஃது ஈர்ப்பு விசையால் பிணைக்கப்பட்டுள்ள ஓர் அமைப்பாகும்.
செயல்பாடு:
அருகில்
உள்ள கோளரங்கத்திற்குச் சென்றுபார்வையிடவும். அவகுப்பறையில் உங்கள் அனுபவத்தைப் பகிரவும்
ஆ) சூரியக் குடும்பத்தைப் பற்றி ஒரு படத்தொகுப்பு தயார் செய்யவும்.
சூரியன்
(The Sun)
சூரியக் குடும்பத்தின் மையத்தில் சூரியன் அமைந்துள்ளது. குடும்பத்தில்
உள்ள அனைத்து வான்பொருள்களும் சூரியனைச் சுற்றி வருகின்றன.
சூரியக் குடும்பத்தின் மொத்த நிறையில் 99.8 சதவிகிதம் உள்ளது.
சூரியன் ஹைட்ரஜன் மற்றும் ஹீலியம் போன்ற வெப்பமான வாயுக்களால் ஆனது. சூரியன் தானே ஒளியை
உமிழக்கூடிய பெற்றது. சூரியன் ஒரு விண்மீன் ஆகும். சூரியனின் மேற்பரப்பு வெப்பநிலை
6000°C ஆகும். சூரியக் குடும்பத்தின் அனைத்து கோள்களுக்கும் வெப்பத்தையும், ஒளியையும்
சூரியன் அளிக்கிறது. சூரிய ஒளி புவியின் மேற்பரப்பை வந்தடைய சுமார் 8.3 நிமிடங்கள்
ஆகின்றது.
உங்களுக்குக் தெரியுமா
கற்பனை
செய்து பார்க்கவும். சூரியன் 1.3 மில்லியன புவிகளை தனக்குள்ளே அடக்கக்கூடிய வகையில்மிகப்பெரியதாகும்.
கோள்கள்
(Planets)
'கோள்' என்றால் 'சுற்றிவருபவர்'
என்று பொருள். சூரியக் குடும்பத்தில் எட்டுகோள்கள் உள்ளன. அவை புதன், வெள்ளி, புவி,
செவ்வாய், வியாழன், சனி, யுரேனஸ் மற்றும் நெப்டியூன் ஆகும். வெள்ளி மற்றும் யுரேனஸ்
கோள்களைத் தவிர பிற கோள்கள் அனைத்தும் சூரியனை எதிர் கடிகாரச்சுற்றில், அதாவது மேற்கிலிருந்து
கிழக்காக தனது அச்சில் சுற்றி வருகின்றன.
உங்களுக்குக் தெரியுமா
பண்டைத்
தமிழர்கள் சூரியன் மற்றும் பிற கோள்களைப் பற்றி என்பது சங்க இலக்கியங்கள் வாயிலாக நமக்குப்
புலனாகிறது. உதாரணமாக, சிறுபாணாற்றுப்படையில் காணப்படும் 'வாள் நிற விசும்பின் கோள்
மீன் சூழ்ந்த இளங்கதிர் ஞாயிறு' என்று பாடல் வரிகளிலிருந்து நாம் தெரிந்துகொள்வோம்.
இவ்வாறு கோள்கள் சூரியனை நீள்வட்டப் பாதையில் சுற்றி வருகின்றன.
கோள்கள் அனைத்தும் அவைகளின் பாதையை விட்டு விலகாமல் சூரியனைச் சுற்றி வருவதற்குச் சூரியன்
ஈர்ப்பு விசையே காரணமாகும்.
சூரியனுக்கு அருகில் உள்ள நான்கு கோள்களான புதன், வெள்ளி, புவி
மற்றும் செவ்வாய் 'உட்புறக்கோள்கள்' அல்லது 'புவிநிகர் கோள்கள்' என்று அழைக்கப்படுகின்றன.
பாறைகளால் ஆன இக்கோள்கள் அளவில் சிறியன. இக்கோள்களின் மேற்பரப்பில் மலைகள், எரிமலைகள்
மற்றும் தரைக்குழிவுப் பள்ளங்கள் (Craters) காணப்படுகின்றன.
சூரியக்குடும்பத்தில் உள்ள கடைசி நான்கு கோள்களான வியாழன், சனி,
யுரேனஸ் மற்றும் நெப்டியூன் ஆகியன 'வெளிப் புறக்கோள்கள்' அல்லது 'வியாழன் நிகர் கோள்கள்'
(ஜோவியன்) என்று அழைக்கப்படுகின்றன. இக்கோள்கள் வாயுக்களால் நிரம்பிக் காணப்படுவதால்
'வளிமக் கோள்கள்' (Gaseous Planets) எனவும் அழைக்கப்படுகின்றன. செவ்வாய், வியாழன் கோள்களுக்கிடையே
'குறுங்கோள் மண்டலம்' காணப்படுகிறது.
கோள்களின்
வரிசையை நினைவிற் கொள்ள (Mnemonics):
புது
வெள்ளம் புவியில் செலுத்தினால் விவாதம், சண்டை, யுத்தம் நெருங்காது.
புதன் (Mercury) (மிக அருகிலுள்ள கோள்)
சூரியனுக்கு அருகில் இருக்கும் புதன் கோள் அளவில் மற்ற கோள்களைவிட
மிகவும் சிறியது. இக்கோளானது ரோமானியக் கடவுள்களின் தூதுவரான 'மெர்குரி'யின் பெயரால்
அழைக்கப்படுகிறது. இக்கோளில் நீரோ, வாயுக்களோ கிடையாது. இக்கோளில் வளிமண்டலம் இல்லாததால்
பகல் பொழுதில் அதிக வெப்பநிலையும், இரவு நேரத்தில் கடுங்குளிரும் காணப்படும். மேலும்
புதன் கோளுக்குத்துணைக்கோள்கள் எதுவுமில்லை. அதிகாலைப் பொழுதிலும், அந்திப் பொழுதிலும்
புதன் கோளை நாம் வெறுங் கண்களால் காணமுடியும்.
வெள்ளி (Venus) ( வெப்பமான கோள்)
வெள்ளி சூரியனிடமிருந்து இரண்டாவதாக அமைந்துள்ளது. புவியைப்
போன்றே ஒத்த அளவுள்ளதால் வெள்ளியும் புவியும் 'இரட்டைக் கோள்கள்' என அழைக்கப்படுகின்றன.
அதன் சுழலுதல் காலம் மற்ற கோள்களைக் காட்டிலும் அதிகமாக உள்ளது. வெள்ளி தன்னைத் தானே
சுற்றிக் கொள்ள 243 நாள்கள் எடுத்துக் கொள்கிறது. யுரேனஸைப் போன்றே இக்கோளும் கிழக்கிலிருந்து
மேற்காகச் சுற்றுகிறது (கடிகாரச் சுற்று). இது மற்ற கோள்களைக் காட்டிலும் மிகவும் மெதுவாகச்
சுற்றுகிறது. புதன் கோளைப் போன்றே வெள்ளிக்கும் துணைக்கோள்கள் இல்லை அன்பு மற்றும்
அழகைக் குறிக்கும் ரோமானிய பெண் கடவுளான 'வீனஸ்' என்ற பெயரால் இக்கோள் அழைக்கப்படுகிறது.
காலையிலும், மாலையிலும் விண்ணில் காணப்படுவதால் இக்கோளை 'விடிவெள்ளி' மற்றும்
சிந்தனை வினா
புதன்
சூரியனுக்கு அருகில் இருந்தபோதிலும், வெள்ளி மிகவும் வெப்பமான கோள் ஆகும். காரணம் கண்டுபிடி.
'அந்திவெள்ளி' என்று அழைக்கின்றோம். நிலவிற்கு அடுத்தப்படியாக
இரவில் பிரகாசமாகத் தெரியும் விண்பொருள் வெள்ளியாகும்.
புவி
(Earth) (உயிர்க்கோளம்)
சூரியனிடமிருந்து மூன்றாவதாக அமைந்துள்ள புவி ஐந்தாவது பெரிய
கோளாகும். புவியின் மேற்பரப்பானது நான்கில் மூன்றுபகுதி நீரால் சூழப்பட்டுள்ளதால்
'நீலக்கோள்' என்றும் 'நீர்க்கோள்' என்றும் அழைக்கப்படுகிறது. ரோமானிய மற்றும் கிரேக்கக்
கடவுள்களின் பெயரால்அழைக்கப்படாத ஒரே கோள்புவியாகும். இக்கோள் உயிரினங்களைக் கொண்ட
ஒரே கோளாகும். புவியின் துருவ விட்டம் 12,714 கிலோமீட்டர் மற்றும் நிலநடுக்கோட்டு விட்டம்
12,756 கிலோமீட்டர் ஆகும். புவி சூரியனை வினாடிக்கு 30 கிலோமீட்டர் வேகத்தில் சுற்றிவருகிறது.
இக்கோளில் நிலம், நீர் மற்றும் காற்று காணப்படுவதால் உயிரினங்கள் வாழத் தகுதியான சூழல்
நிலவுகிறது. புவியின் ஒரே துணைக்கோள் நிலவாகும்.
செவ்வாய் (Mars) (செந்நிறக் கோள்)
சூரியனிடமிருந்து நான்காவதாகக் காணப்படும் செவ்வாய் கோளானது அளவில் புதனுக்கு அடுத்தபடியாக இரண்டாவது
உங்களுக்குக் தெரியுமா
சூரியனுக்கும்
புவிக்கும் இடையே உள்ள தொலைவு 150 மில்லியன் கிலோ மீட்டராகும். மணிக்கு 800 கி.மீ.
வேகத்தில் செல்லும் வானூர்தி சூரியனை சென்றடைய வருடங்கள் ஆகும்.
சிறிய கோளாகும். இக்கோள் ரோமானியப் போர்க்கடவுள் 'மார்ஸ்'
(Mars) பெயரால் அழைக்கப்படுகிறது. இதன் மேற்பரப்பில் இரும்பு ஆக்ஸைடு உள்ளதால் செந்நிறமாகத்
தோற்றமளிக்கிறது. ஆகவே, செவ்வாய் 'சிவந்த கோள்' என்றும் அழைக்கப்படுகிறது. இக்கோளின்
வளிமண்டலம் மிகவும் மெல்லியதாகும். இதன் துருவப் பகுதிகளில் புவியைப்போன்றே பனிக் கவிகைகள்
(Ice caps காணப்படுகின்றன. இக்கோளானது ஃபோபஸ் (Phobos) மற்றும் டீமஸ் (Deimos) என்று
இரு துணைக்கோள்களைக் செவ்வாய்க் கொண்டுள்ளது. கோளை ஆராய்வதற்காக, சுற்றிவரும் கலங்களும்
(Orbiters), ஊர்திகளும் (Rovers) அனுப்பப்பட்டுள்ளன.
வியாழன்
(Jupiter) (பெருங்கோள்)
சூரியக் குடும்பத்தின் மிகப் பெரியக் வியாழன் சூரியனிடமிருந்து ஐந்தாவதாக அமைந்துள்ளது.இது
ரோமானியர்களின் முதன்மைக் கடவுள் Jupiter)
பெயரால் அழைக்கப்படுகிறது. நிலா மற்றும் வெள்ளி கோளுக்கு அடுத்ததாக பிரகாசமாக விண்ணில்
தெரிவது வியாழன் ஆகும். சூரியக் குடும்பத்திலேயே மிகவும் வேகமாகச் சுழலக்கூடியதாகும்.
இக்கோள் வளிமக்கோள் என்று அழைக்கப்படுகிறது. சூரியனைப் வளிமண்டலத்திலும் ஹைட்ரஜன் ஹீலியம்
வாயுக்கள் காணப்படுகின்றன. மிக அதிகமான துணைக்கோள்களை இக்கோள் கொண்டுள்ளது. அவற்றுள்
அயோ (TO), யூரோப்பா (Europa), கனிமீடு (Ganymede) மற்றும் கேலிஸ்டோ (Callisto) ஆகியன
சில மிகப்பெரிய துணைக்கோள்களாகும்.
உங்களுக்குத் தெரியுமா?
இந்திய
விண்வெளி ஆராய்ச்சி நிறுவனம் (ISRO) செவ்வாய்க் கோளின் வளிமண்டலம் மற்றும் தரைப்பகுதியை
ஆராய்வதற்காக 24.09.2014 அன்று மங்கள்யான் (Mars Orbiter Mission) எனப்படும் விண்கலத்தை
அனுப்பியது. இதனால் இந்தியா செவ்வாய்க் கோளினை ஆராயும் நாடுகளின் பட்டியலில் ரஷ்யா
விண்வெளி ஆராய்ச்சி நிறுவனம், நாஸா (USA), ஐரோப்பிய விண்வெளி ஆராய்ச்சி நிறுவனத்திற்கு
அடுத்ததாக நான்காம் இடத்தில் உள்ளது.
சனி
(Saturn) (வளையங்கள் கொண்ட கோள்)
சூரியக் குடும்பத்தின் இரண்டாவது பெரிய கோளான சனி சூரியனிடமிருந்து
ஆறாவதாக அமைந்துள்ளது.
ரோமானிய வேளாண்மை கடவுளின் பெயரால் (Saturn) இது அழைக்கப்படுகிறது.
பாறைத்துகள்கள், பனித்துகள்கள், பாறைகள் மற்றும் தூசுக்களால் ஆன பல பெரிய வளையங்கள்
இக்கோளைச் சுற்றிக் காணப்படுகின்றன.
சனி 62 துணைக் கோள்களைக் கொண்டுள்ளது. வியாழன் கோளைப் போன்றே
அதிக துணைக்கோள்களைக் கொண்ட இக்கோளின் மிகப்பெரிய துணைக்கோள் 'டைட்டன்' (Titan) ஆகும்.
சூரியக் குடும்பத்தில் காணப்படும் துணைக்கோள்களில் நைட்ரஜன் மற்றும் மீத்தேன் ஆகிய
வாயுக்களைக் கொண்ட வளிமண்டலம் மற்றும் மேகங்கள் சூழ்ந்து காணப்படுகின்ற ஒரே துணைக்கோள்
டைட்டன் ஆகும். சனிக் கோளின் தன் ஈர்ப்புத் திறன் (Specific Gravity) நீரை விடக் குறைவாகும்.
சிந்தனை வினா
ஏனென்று
அறிவாயா? சனிக்கோளை ஒரு பெரிய நீர்நிலையில் இட்டால் அது மிதக்கும்.
யுரேனஸ் (Uranus) (உருளும் கோள்)
வில்லியம் ஹெர்ஷல் என்ற வானியல் அறிஞரால் 1781ஆம் ஆண்டு யுரேனஸ்
கண்டுபிடிக்கப்பட்டது. தொலை நோக்கியால் கண்டுபிடிக்கப்பட்ட முதல் கோள் இதுவாகும். இது
சூரியனிடமிருந்து ஏழாவதாக அமைந்துள்ளது.
மீத்தேன் வாயு இக்கோளில் உள்ளதால் இது பச்சை நிறமாகத் தோன்றுகிறது.
இது கிரேக்க விண் கடவுளான 'யுரேனஸ்' பெயரால் அழைக்கப்படுகிறது. வெள்ளிக் கோளைப் போன்றே
இக்கோளும் தன் அச்சில் கடிகாரச் சுற்றில் சுற்றுகிறது. இதன் அச்சு மிகவும் சாய்ந்து
காணப்படுவதால் தன் சுற்றுப்பாதையில் ஒரு பந்து உருண்டோடுவது போன்று சூரியனைச் சுற்றி
வருகிறது. யுரேனஸின் 27 துணைக்கோள்களில் 'டைட்டானியா' (Titania) மிகப் பெரியதாகும்
நெப்டியூன் (Neptune) (குளிர்ந்த கோள்)
சூரியக் குடும்பத்தில் எட்டாவது மற்றும் மிகத் தொலைவில் அமைந்துள்ள
கோள் இதுவாகும். ரோமானியக் கடல் கடவுளின் பெயரைக் கொண்ட நெப்டியூன் இக்கோளில் பலத்த
காற்று வீசும். 14 துணைக்கோள்களைக் கொண்ட நெப்டியூனின் மிகப் பெரிய துணைக்கோள் 'டிரைட்டன்'
(Triton) ஆகும். நெப்டியூன் சூரியனிலிருந்து மிகவும் தொலைவில் உள்ளதால் மிகவும் குளிர்ந்து
காணப்படுகிறது. இக்கோளில் காணப்படும் நீலம் மற்றும் வெள்ளை நிறமானது யுரேனஸ் கோளிலிருந்து
இதை வேறுபடுத்திக் காட்டுகிறது.
சிந்தனை வினா
ஒளியின்
வேகத்தில் செல்லக்கூடிய விண்கலத்தில் பயணம் செய்வதைப் போல் கற்பனை செய். சூரியனை சென்றடைய
எவ்வளவு நேரம் பிடிக்கும்?
குறுங்கோள்கள் (Dwarf Planets)
நெப்டியூன் கோளுக்கு அப்பால் தொலைவில் காணப்படும் சிறிய காணப்படுகின்றன.
விண்பொருள்கள் குறுங்கோள்கள் அவை மிகவும் குளிர்ந்தும் ஒளியில்லாமலும் காணப்படும் இவை
கோள்களைப் போல இல்லாமல் தமது சுற்றுப்பாதையைப் பிற குறுளைக் கோள்களுடன் பகிர்ந்துகொள்ளும்.
புளுட்டோ, செரஸ், ஈரிஸ், மேக்மேக் மற்றும் ஹௌமியா போன்றவை சூரியக் குடும்பத்தில் காணப்படும்
ஐந்து குறுங்கோள்களாகும்.
நிலவு (The Moon) (புவியின் துணைக்கோள்)
கோள்களைச் சுற்றிவரும் விண்பொருள்கள் துணைக்கோள்களாகும். புவியின்
ஒரே துணைக்கோள் நிலவாகும். நிலவு தன்னைத்தானே சுற்றிக்கொள்ள எடுத்துக்கொள்ளும் நேரமும்,
புவியைச் சுற்றிவர எடுத்துக்கொள்ளும் நேரமும் ஏறக்குறைய ஒன்றாகும். அதாவது 27 நாள்கள்
8 மணி நேரமாகும். நிலவிற்கு வளிமண்டலம் கிடையாது. இதன் காரணமாக
விண்கற்களின்
உங்களுக்குத் தெரியுமா?
நிலவைப்
பற்றி ஆராய்வதற்காக இந்தியாவால் அனுப்பப்பட்ட முதல் விண்கலம் சந்திராயன்-1 ஆகும். இது
2008ஆம் ஆண்டு விண்ணில் செலுத்தப்பட்டது
தாக்கத்தால் இதன் மேற்பகுதியில் அதிகளவில் தரைக்குழிப் பள்ளங்கள்
காணப்படுகின்றன. நிலவு புவியிலிருந்து 3,84,400 கி.மீ தொலைவில் அமைந்துள்ளது. இது புவியில்
நான்கில் ஒரு பங்கே அளவுடையது. மனிதன் தரையிறங்கிய ஒரே விண்பொருள் நிலவாகும்.
சிந்தனை வினா
நாம் எப்போதும் நிலவின் ஒரு பக்கத்தை
மட்டுமே காண்கிறோம். ஏன்?
சிறுகோள்கள் (Asteroids)
சூரியனைச் சுற்றி வரும் சிறிய திடப் பொருள்களே சிறுகோள்கள் எனப்படும்.
செவ்வாய் மற்றும் வியாழன் ஆகிய கோள்களுக்கிடையே சிறுகோள்கள் மண்டலம் காணப்படுகிறது.
அவை அளவில் மிகவும் சிறியதாக இருப்பதால் கோள்கள் என் அழைக்கப்படுவதில்லை. இவை குறுங்கோள்கள்
என்று அழைக்கப்படுகின்றன.
வால் விண்மீன்கள் (Comets)
வால் விண்மீன்கள் தலை மற்றும் வால் பகுதிகளைக் கொண்டதாகக் காணப்படும்.
திடப் பொருள்களால் ஆன தலைப் பகுதி பனிக்கட்டியால் பிணைக்கப்பட்டுள்ளது. அதன் வால் பகுதி
வாயுக்களால் ஆனது. புவிக்கு அருகில் 76 வருடங்களுக்கு ஒருமுறை வரக்கூடிய 'ஹேலி' வால்விண்மீன்
கடைசியாக 1986ஆம் ஆண்டு வானில் தென்பட்டது. இது மீண்டும் 2061ஆம் ஆண்டு விண்ணில் தோன்றும்
என கணக்கிடப்பட்டுள்ளது.
விண்கற்கள் (Meteors) மற்றும் விண்வீழ்கற்கள் (Meteorites)
சூரியக்
குடும்பத்தில் காணப்படும் சிறு கற்கள் மற்றும்
உலோகப் பாறைகளால் ஆன் விண்பொருள்களை விண்கற்கள் என்று அழைக்கிறோம். இந்த விண்கற்கள்
புவியின் வளிமண்டலத்தை அடையும் போது உராய்வின் காரணமாக எரிந்து ஒளிர்வதால் எரிநட்சத்திரம்
என்றும் அழைக்கப்படுகிறது. ஆனால், வளிமண்டலத்தைத் தாண்டி புவியின் மேற்பரப்பைத் தாக்கும்
விண்கற்கள் 'விண்வீழ்கற்கள்' (Meteorites) என்று அழைக்கப்படுகின்றன.