பேரண்டம் மற்றும் சூரியக்குடும்பம் | பருவம் 1 அலகு 1 | புவியியல் | 6 ஆம் வகுப்பு சமூக அறிவியல் - மீள்பார்வை, கலைச்சொற்கள் | 6th Social Science : Geography : Term 1 Unit 1 : The Universe and Solar System
மீள்பார்வை
❖ சுமார் 15 பில்லியன் ஆண்டுகளுக்கு முன்பு ஏற்பட்ட
பெரு வெடிப்பின் போது பேரண்ட உருவானது.
❖ பேரண்டத்தில் எண்ணிலடங்கா விண்மீன்திரள் மண்டலங்கள்
காணப்படுகின்றன.
❖ நமது
சூரியக் குடும்பம் பால்வெளி விண்மீன் திரள் மண்டலத்தில் காணப்படுகிறது.
❖ சூரியக் குடும்பத்தின் மொத்த நிறையில் சூரியன் மட்டும்
99.8 சதவிகிதம் உள்ளது.
❖ வெள்ளி மற்றும் யுரேனஸ் கோள்களைத் தவிர பிற கோள்கள்
அனைத்தும் சூரியனை எதி கடிகாரச் சுற்றில் சுற்றி வருகின்றன.
❖ சிறுகோள்கள் செவ்வாய் மற்றும் வியாழன் கோள்களுக்கிடையே
காணப்படுகின்றன.
❖ புவி சுழலுவதன் காரணமாக இரவு பகல் ஏற்படுகிறது.
❖ புவி சூரியனைச் சுற்றி வருவதன் காரணமாக பருவ காலங்கள்
ஏற்படுகின்றன.
❖ கோடைக்காலக்கதிர் திருப்பம் வட அரைக்கோளத்தில் நீண்டபகல்பொழுதைக்
கொண்டிருக்கும்
❖ புவியில் காணப்படும் நிலம், நீர் மற்றும் காற்று
ஆகியவற்றோடு தகுந்த காலநிலையும் புவியி உயிரினங்கள் வாழக் காரணமாகின்றன.
கலைச்சொற்கள்
1 விண்மீன்திரள் - விண்மீன் கூட்டம்
2 சிறுகோள்கள் - செவ்வாய்
மற்றும் வியாழன் ஆகிய கோள்களுக்கிடையே காணப்படும் பாறைத்துகள்கள்.
3 விண்கல் - சூரியக் குடும்பத்தில் காணப்படும் சிறுகற்கள் மற்றும்
உலோகப் பாறைகளின் எஞ்சியுள்ள விண்பொருள்கள்.
4 வால் விண்மீன்கள் - பனிக்கட்டி தூசு மற்றும் சிறிய பாறைத்துகள்களால்
ஆன விண்பொருள்கள்.
5 துணைக்கோள்கள் - கோள்களைச் சுற்றி வரும் விண்பொருள்கள்.
6 சுற்றுப்பாதை - கோள்கள் சூரியனைச் சுற்றிவரும் பாதை.
7 புவியின் அச்சு - புவியின் வட துருவத்திலிருந்து புவி மையத்தின்
வழியாக தென் துருவம் வரை செல்லக் கூடிய ஒரு கற்பனைக் கோடு.
8 சுழலுதல் - புவி தன்னைத்தானே தன் அச்சில் சுழலுதல்.
9 சுற்றுதல் - புவி
தன் நீள்வட்டப்பாதையில் சூரியனைச் சுற்றி வரும் நகர்வு.
10 சமப்பகலிரவு - இரவும் பகலும் சமமாகக் காணப்படும் நிகழ்வு.
11 கதிர் திருப்பம் - கடகரேகை மற்றும் மகர ரேகை மீது சூரியனின் செங்குத்துக் கதிர்கள் விழும் நிகழ்வு.
12 தரை ஊர்தி - விண்பொருள்களை ஆராய்வதற்காக அதன் மேற்பரப்பில் ஊர்ந்து செல்லும் ஊர்தி.
13 சுற்றி
வரும் கலங்கள் - விண்பொருள்களின் மீது இறங்காமல் அதனைச் சுற்றி வரும் கலம்
இணைய வளங்கள்
1. www.nationalgeographic.org/encylopedia/
seasons
2. www.slideshare.net
3. www.britannica.com
4. www.geography4kids.com
5. https://sangamtamilliterature.wordpress.com/
வான _இயல
பிரபஞ்சமும் சூரியகுடும்பமும்
உலகத்தைச் சுற்றி வருவோமா.
படிநிலைகள்:
❖ இணைய உலாவியில் கீழே கொடுக்கப்பட்டுள்ள உரலியை தட்டச்சு
செய்யவும் அல்லது துரித துலங்கல் குறியீட்டை ஸ்கேன் செய்யவும். அல்லது கீழே கொடுக்கப்பட்டுள்ள
செல்பேசி செயலியை தரவிறக்கம் செய்து நிலைநிறுத்தவும்.
❖ வலது மேல் பக்கத்தில் உள்ள தேடு பொறியில் மாநிலத்தின்
பெயரை தட்டச்சு செய்து தேடி அதன் தனிது த்தன்மைகளை ஆராய்ந்து அறியவும்.
❖ அந்த பக்கத்தை துலாவி "Explore in 360°
" என்ற தேர்வினை பயன்படுத்தி புகழ்பெற்ற கட்டிடக்கலைகளை 360° கோணத்தில் கண்டுகளிக்கலாம்.
❖ உங்களுக்கு தேவையான நிலத்தோற்றங்களை தேடுபொறியில்
தேடி ஆராயவும்.
உரலி
https://earth.google.com/web/