பின்வரும் வினாக்களுக்கு விரிவான விடையளிக்கவும்.

V. பின்வரும் வினாக்களுக்கு விரிவான விடையளிக்கவும்.

1. இந்தியாவில் உள்ள பருத்தி நெசவாலைகளின் பரவல் பற்றி எழுதுக.

• மும்பை மற்றும் அதன் புறநகர்பகுதியில்  பருத்தியாலைகள் செரிந்து காணப்படுவதால் மும்பை, இந்தியாவின்  “மான்செஸ்டர்” என்று அழைக்கப்படுகிறது.

• மகாராஷ்டிரம், குஜராத், மேற்கு வங்கம், உத்திரப்பிரதேசம் மற்றும் தமிழ்நாடு ஆகிய மாநிலங்களில் பருத்தி நெசவாலைகள் செறிந்து காணப்படுகிறது.

• தமிழ்நாட்டில் உள்ள கோயம்புத்தூரில் அதிக எண்ணிக்கையிலான பருத்தி நெசவாலைகள் உள்ளன.

• இதனால் கோயம்புத்தூர் தென்னிந்தியாவின் மான்செஸ்டர் என்று அழைக்கப்படுகிறது.

• தமிழ்நாட்டில் உள்ள 435 நெசவாலைகளில் 200 நெசவாலைகள் கோயம்புத்தூர் பகுதிகளில் அமைந்துள்ளன.

• ஈரோடு, திருப்பூர், கரூர், சென்னை, திருநெல்வேலி, மதுரை, தூத்துக்குடி, சேலம் ஆகியன முக்கிய நெசவாலை நகரங்கள் ஆகும்.

2. இந்தியத் தொழிலகங்கள் எதிர்கொள்ளும் முக்கிய சவால்கள் பற்றி எழுதுக.

• மின் பற்றாக்குறை மற்றும் சீரற்ற மின் வினியோகம்.

• தொழிலகங்கள் நிறுவுவதற்கு ஏற்ற பரந்த நிலப்பரப்பு இல்லாமை.

• கடன் பெருவதில் உள்ள நடைமுறை சிக்கல்கள்.

• கடனுக்கான அதிக வட்டி விகிதம்.

• மலிவான ஊதியத்திற்கு வேலையாட்கள் கிடைக்காமை.

• ஊழியர்களுக்கான தொழில்நுட்ப மற்றும் தொழில்முறை பயிற்சிகள் இல்லாமை.

• தொழிற்பேட்டைகளுக்கருகில் வசிப்பதற்கு ஏற்ற சூழல் இல்லாமை.