செல் | பருவம் 2 அலகு 5| 6 ஆம் வகுப்பு அறிவியல் - செல்லின் கண்டுபிடிப்பு | 6th Science : Term 2 Unit 5 : The Cell
6 ஆம் வகுப்பு அறிவியல் : பருவம் 2 அலகு 5 : செல்
செல்லின் கண்டுபிடிப்பு
செல்கள்
அனைத்து உயிரினங்களும் ஒர் செல்லாலோ அல்லது பல செல்களாலோ ஆனவை.
பலவகையான செல்கள் காணப்பட்டாலும் அவை அடிப்படையான ஒத்த சில பண்புகளைக் கொண்டுள்ளன.
செல்லின் கண்டுபிடிப்பு
ராபர்ட் ஹூக், இங்கிலாந்து நாட்டைச் சேர்ந்த அறிவியலாளர், கணித
அறிஞர் மற்றும் கண்டுபிடிப்பாளர். இவர் அக்காலத்தில் பயன்படுத்தப்பட்ட நுண்ணோக்கியை
மேம்படுத்தி ஒரு கூட்டு நுண்ணோக்கியை உருவாக்கினார். நுண்ணோக்கியின் அருகில் வைக்கப்பட்டுள்ள
விளக்கில் இருந்து வரும்
மேலும் அறிந்துகொள்வோம்!
நம்மால்
வெறும் கண்களால் செல்லினை காண இயலாது. ஏனெனில் அது அளவில் மிகச்சிறியது. அதனை கூட்டு
நுண்ணோக்கியால் நம்மால் காண இயலும். தற்காலத்தில் எலக்ட்ரான் நுண்ணோக்கியானது நன்கு
உருப்பெருக்கம் செய்து காணப்பயன்படுகிறது.
ஒளியை, நீர் லென்ஸ் கொண்டு குவியச் செய்து நுண்ணோக்கியின் கீழ்
வைக்கப்பட்டுள்ள பொருளிற்கு ஒளியூட்டினார். அதன் மூலம் அப்பொருளின் நுண்ணிய பகுதிகளை நுண்ணோக்கியின் மூலம்
தெளிவாகக் காண முடிந்தது.
ஒரு முறை மரத்தக்கையை இந்த நுண்ணோக்கியினைக் கொண்டு கண்டபோது
அதில் சிறிய ஒரே மாதிரியான அறைகளைக் கண்டார். இது அவருக்கு ஆச்சரியம் அளிக்கவே வண்ணத்துப்பூச்சியின்
இறகுகள், தேனீக்களின் கண்கள் என பலவற்றையும் நுண்ணோக்கியினைக் கொண்டு ஆராய்ந்தார்.
அதன் அடிப்படையில் 1665 ஆம் ஆண்டு மைக்ரோகிராபியா என்ற தனது
நூலினை வெளியிட்டார். அதில் முதன்முதலில் செல் என்ற சொல்லினைப்பயன்படுத்தி திசுக்களின்
அமைப்பினை விளக்கினார். இலத்தீன் மொழியில் "செல்லுலா" என்பதற்கு சிறிய அறை
என்று பொருள் ஆகும்.
செல்லைப் பற்றி படிக்கும் அறிவியல் பிரிவு செல் உயிரியல் எனப்படும்.