எண்கள் | பருவம்-3 அலகு 1 | 2வது கணக்கு - தொடர் கூட்டல் | 2nd Maths : Term 3 Unit 1 : Numbers
தொடர் கூட்டல்
முகிலன், யாழினி ஆகிய இருவரும் காலணிகள் வாங்குவதற்காகக் கடைக்குச் சென்றனர். அதே
நேரத்தில் அவர்களுடைய நண்பர்கள் சிலரும் காலணிகள் வாங்க வந்தனர். சிறிது நேரத்தில்
காலணிகளும் விற்றுத் தீர்ந்தன. அதனால் முகிலன் , யாழினி ஆகிய
இருவரும் காலணி வாங்காமலே வீடு திரும்பினர்.
முகிலனும், யாழினியும் காலணியகத்தில் நிகழ்ந்ததை அவர்களுடைய அம்மாவிடம்
விளக்கிக் கூறினர். பின்வரும் உரையாடலைக் கவனிக்கவும்.
யாழினி : அம்மா, நான்
சிட்டுவைப் பார்த்தேன். அது 2 தொகுதி
காலணிகளை
வாங்கிச் சென்றது. (2 + 2 = 4).
அம்மா : ஓ!
அப்படியா.
முகிலன் : அம்மா, நான்
பூனையாரைச் சந்தித்தேன். அவர் 3
தொகுதி காலணிகளை வாங்கிச் சென்றார். (4 + 4 + 4 = 12).
அம்மா : அப்படியா.
யாழினி : அம்மா, ஈயார் வந்து 4 தொகுதிக்
காலணிகளை வாங்கினார். (6 + 6 + 6 + 6 = 24)
அம்மா : அடுத்து என்ன
நிகழ்ந்தது?
முகிலன் : அம்மா, சிலந்தியார் 5 தொகுதிக் காலணிகளை வாங்கிச் சென்றார். (8 + 8 + 8 + 8 + 8 = 40).
பின்பு
இறுதியில் கடையில் ஒருவர் நுழைந்து கடையில் உள்ள அனைத்துக் காலணிகளையும் அணிந்து
சென்றுவிட்டார். அவர் யாராக இருக்கும் என்று ஊகிக்கமுடியுமா?
யாழினி : ஆம், அம்மா, இறுதியாக பூரானார் வந்து கடையில் உள்ள அனைத்துக் காலணிகளையும்
வாங்கிச் சென்றுவிட்டார்.
ஆசிரியர் இந்தச் சூழ்நிலையை மாணவர்களுக்கு விளக்கிக் கூறி, தொடர் கூட்டலைத் தெளிவுபடுத்தலாம்.
அகிலனும், அழகியும் தோட்டக் கலையில் ஆர்வம் மிக்கவர்கள். ஓய்வு நேரத்தில் காய்கறித்
தோட்டத்தில் 4 வகையான காய்கறிச்செடிகளை வளர்த்தார்கள்.
அவர்களுடைய தோட்டத்தை நாம் பார்வையிடுவோம்.
ஆசிரியருக்கான குறிப்பு
ஆசிரியர் இவை போன்ற வெவ்வேறு தொடர் கூட்டல் சூழல்களை உருவாக்கி
வகுப்பறையில் பயிற்சியளிக்கலாம்.
தொடர் கூட்டலைப் பயன்படுத்தி மொத்த எண்ணிக்கையைக் கண்டுபிடிக்கவும்.
1. 5 குழுக்கள் உள்ளன. ஒவ்வொன்றிலும் 3 கோழிக்குஞ்சுகள்
உள்ளன. மொத்தம் உள்ள கோழிக்குஞ்சுகளின் எண்ணிக்கை யாது?
விடை : 3 + 3 + 3
+ 3 + 3 = 15 கோழிக்குஞ்சுகள்
2. 4 சீப்புகள் உள்ளன. ஒவ்வொரு சீப்பிலும் 6
வாழைப்பழங்கள் உள்ளன. மொத்தம் உள்ள வாழைப்பழங்களின் எண்ணிக்கை யாது?
விடை : 6 + 6 + 6
+ 6 = 24 வாழைப்பழங்கள்
3. 3
தட்டுகள் உள்ளன. ஒவ்வொரு தட்டிலும் 10
முட்டைகள் உள்ளன. மொத்தம் உள்ள முட்டைகளின் எண்ணிக்கை என்ன?
விடை : 10 + 10 + 10 = 30 முட்டைகள்
இரட்டை எண்களின் தொடர் கூட்டல் இரட்டை எண்கள் எனவும் ஒற்றை
எண்களின் தொடர்கூட்டல் ஒற்றை அல்லது இரட்டை எண்களாகவும் இருக்கும் என்பதையும்
உற்று நோக்கி அறிக.
விடுபட்ட
உருவங்களை வரைந்து தொடர் கூட்டல் கூற்றை நிறைவு செய்க.
விடை
ii) 2 + 2 + 2 + 2 = 8
iii) 5 + 5 + 5 = 15
iv) 6 + 6 + 6 + 6 = 24
எண்கோடுகளைக்
கொண்டு தொடர் கூட்டல் கற்போமா!
0 இலிருந்து 12 வரை மூன்று மூன்றாகத் தாவுதல்
தவளை 3 அலகுகளாக 4 முறை குதித்து 12
ஐ அடையும்.
தவளையானது
ஒரு முயற்சியில் 3 அலகு தொலைவைத் தாவி ஓர் இலக்கை
அடையும். நான்கு முயற்சிக்குப் பின் தவளையால் தாண்டப்பட்ட தொலைவு 12 அலகுகளாக இருக்கும். அதாவது, 0 + 3 = 3, 3 + 3 = 6, 6 + 3 = 9, 9 +
3 = 12. அதாவது 3 ஐத் தொடர்ந்து 4 முறை கூட்டினால் 12 கிடைக்கும். அதனை 3 + 3 +
3 + 3 = 12 அலகு என எழுதலாம்.
கொடுக்கப்பட்டுள்ள
தொலைவுகளுக்கு 20 ஐ அடைய தவளை தாவும் நிலைகளை வரைக. தொடர்
கூட்டல் கூற்றுகள் மற்றும் தாவல்களின் எண்ணிக்கையை எழுதுக.
(i) ஒருமுறை தாவுதலில் 2 அலகுகள் தொலைவு தாண்டுதல்.
தொடர்
கூட்டல் கூற்றுகள் 2 + 2 + 2 + 2 + 2 + 2 + 2 + 2 + 2 + 2
தாவல்களின்
எண்ணிக்கை 10
(ii) ஒருமுறை தாவுதலில் 4 அலகுகள் தொலைவு தாண்டுதல்.
தொடர்
கூட்டல் கூற்றுகள் 4 + 4 + 4 + 4 + 4
தாவல்களின்
எண்ணிக்கை 5
(iii) ஒருமுறை தாவுதலில் 5 அலகுகள் தொலைவு தாண்டுதல்.
தொடர்
கூட்டல் கூற்றுகள் 5 + 5 + 5 + 5
தாவல்களின்
எண்ணிக்கை 4
1. ஆதித்யா, 6 பை கடலை உருண்டைகளை வாங்கினான். ஒரு
பையில் 5 கடலை உருண்டைகள் உள்ளன எனில், அவன் வாங்கிய மொத்தக் கடலை உருண்டைகளின் எண்ணிக்கை என்ன?
விடை : 5 +
5 + 5 + 5 + 5 + 5 = 30
2. 10 படகுகள் இருந்தன. ஒவ்வொரு படகிலும் 5 குழந்தைகள்
இருந்தனர் எனில், 10 படகுகளில் மொத்தம் உள்ள குழந்தைகள்
எத்தனை பேர்?
விடை : 5 +
5 + 5 + 5 + 5 + 5 + 5 + 5 + 5 + 5 = 50
3. ரஞ்சித் ஒரு பையில் 5 குறிப்பேடுகள் வைத்திருந்தான்
எனில், அவன் 6 பைகளில் எத்தனை குறிப்பேடுகள்
வைத்திருப்பான்?
விடை : 5 +
5 + 5 + 5 + 5 + 5 = 30
4. மகிழினி ஒரு நாளில் 10 சேமித்தாள் எனில், 7 நாட்களில் அவள் எவ்வளவு ரூபாய் சேமிப்பாள்?
விடை : 10 + 10 +
10 + 10 + 10 + 10 + 10 = 70
5. ஒரு தட்டில் 3 பழங்கள் வீதம் 7
தட்டுகளில் எத்தனை பழங்கள் இருக்கும்?
விடை : 3 + 3 + 3 +
3 + 3 + 3 + 3 = 21