லிப்ரே ஆபீஸ் கால்க் (Libre Office Calc) | அலகு 23 | 8 ஆம் வகுப்பு அறிவியல் - அட்டவணைச் செயலிகள் | 8th Science : Chapter 23 : Libre Office Calc
அட்டவணைச் செயலிகள்
அட்டவணைச் செயலியை ஏராளமான செயல்பாடுகளுக்குப் பயன்படுத்தலாம்.
அவற்றுள் சில கீழே கொடுக்கப்பட்டுள்ளன;
• சம்பளப்பட்டியல் தயாரித்தல்
• வருமானவரிக் கணக்கீடுகள் செய்தல்
• விலைப்பட்டியல்கள் தயாரித்தல்
• கணக்கு அறிக்கைகளை உருவாக்குதல்
• பொருள்பட்டியல் தயாரித்தல்
• விலை-பயன் பகுப்பாய்வு செய்தல் (Cost) Benefit Analysis)
• பொருள்நிலை கணக்கீடுகள் செய்தல் (Financial Accounting)
• ஒப்பந்தப்புள்ளி மதிப்பீடுகள் செய்தல் (Tender Evaluation)
• மாணவர் தேர் வறிக்கை ஆய்வு செய்தல்
1. அட்டவணைச்
செயலியால் விளையும் நன்மைகள்
மின் அட்டவணைச் செய்யப்படுவதை விட பல நன்மைகளைக் கொண்டுள்ளது.
சில நன்மைகள் கீழே கொடுக்கப்பட்டுள்ளன.
• அட்டவணைச் செயலியில் உருவமைக்கப்பட்டுள்ள எண் கணித, பொருளாதார
மேலும் புள்ளி விவரக் கணக்குச் சார்புகள் (Functions) மூலம் கணக்கீடுகள் தானே செயல்படுத்தப்படுகின்றன.
• தேவையான அளவிற்கு துல்லியமான விடைகளைப் பெற உதவுகின்றன.
• அட்டவணைக் கோப்புகளை (WorkSheet) வேண்டிய அளவிற்குப் பெரியதாக
அமைத்துக் கொள்ளலாம்.
• அட்டவணைக் கோப்பின் எந்தப் பகுதியை வேண்டுமானாலும் பார்க்கவோ,
பதிப்பாய்வு செய்யவோ முடியும்.
• அட்டவணைக் கோப்பின் எந்தப் பகுதியை வேண்டுமானாலும் இன்னொரு
புதிய அல்லது பழைய அட்டவணைக் கோப்புடன் ஒன்று சேர்க்க முடியும்.
• அட்டவணைக் கோப்பின் எந்தப் பகுதியை வேண்டுமானாலும் விரும்பிய
வடிவில் அச்சிட்டுப் பெறமுடியும்.
• அட்டவணைக் கோப்பின்தரவுகளைவரைபடங்களாகவோ, வண்ணப் படங்களாகவோ
பார்க்க முடியும்.
• அட்டவணைக் கோப்பின் தகவல்களை பிற தரவுத் தளங்களுக்கோ (Database), சொற்செயலிகளுக்கோ (Word Processor) மாற்ற முடியும்.