வேதியியல் - s-தொகுதி தனிமங்கள் | 11th Chemistry : UNIT 5 : Alkali and Alkaline Earth Metals
அலகு 5
கார மற்றும் காரமண் உலோகங்கள்
கற்றலின் நோக்கங்கள்
இப்பாடப்பகுதியைக் கற்றறிந்த பின்னர்
∙ கார உலோகங்கள் மற்றும் கார மண் உலோகங்களின் பண்புகளை விளக்குதல்.
∙ லித்தியம் மற்றும் பெரிலியத்தின் முரண்பட்ட பண்புகளை மீட்டறிதல்.
∙ கார மற்றும் கார மண் உலோகங்களின் பயன்களைப் பட்டியலிடுதல்
∙ கார மற்றும் கார மண் உலோகங்களினுடைய சேர்மங்களின் பொதுப் பண்புகளை விரிவாக விளக்குதல்,
∙ சோடியம் மற்றும் பொட்டாசியம், மெக்னீசியம் மற்றும் கால்சியம் ஆகியவற்றின் உயிரியல் முக்கியத்துவத்தினை அறிந்துணர்தல்.
∙ கால்சியம் ஆக்சைடு, கால்சியம் ஹைட்ராக்சைடு, ஜிப்சம் மற்றும் பாரீஸ்சாந்து ஆகியவற்றின் தயாரித்தல், பண்புகள் மற்றும் பயன்களை விளக்குதல்.
ஆகிய திறன்களை மாணவர்கள் பெறஇயலும்.
நவீன தனிம வரிசை அட்டவணையில், 1 மற்றும் 2 வது தொகுதியைச் சார்ந்த தனிமங்கள் S-தொகுதி தனிமங்கள் ஆகும். இந்த இரண்டு தொகுதிகளைச் சார்ந்த தனிமங்கள் முறையே கார மற்றும் காரமண் உலோகங்கள் என அறியப்படுகின்றன. இந்த அலகில், நாம் அவற்றின் பண்புகள், பயன்கள், முக்கியமான சேர்மங்கள் மற்றும் உயிரியல் முக்கியத்துவம் ஆகியவற்றைக் கற்கலாம்.