பருவம் 3 அலகு 1 | புவியியல் | 6 ஆம் வகுப்பு சமூக அறிவியல் - ஆசியா | 6th Social Science : Geography : Term 3 Unit 1 : Asia and Europe
பகுதி அ
ஆசியா
ஆசியாவானது உலகின் மிகப்பெரிய மற்றும் அதிக மக்கள்தொகை கொண்ட
கண்டமாகும். இஃது உலகின் பரப்பளவில் தொகையில் 30 சதவீதத்தையும், மக்கள் 60 சதவீதத்தையும்
உள்ளடக்கியது. ஆசியாவின் பெரும்பாலான நிலப்பரப்பு வடஅரைக்கோளத்தில் பரவியுள்ளது. இது
பல வகையான நிலத்தோற்றம் மற்றும் கலாச்சாரக் கூறுகளைக் கொண்டுள்ளது. உயர்ந்த மலைகள்,
பீடபூமிகள், பரந்த சமவெளிகள், தீவுகள் மற்றும் தீபகற்பங்கள் ஆகியவை முக்கிய இயற்கை
நிலத் தோற்றங்களாகும். வற்றாத ஆறுகள் ஆசியாவின் பல்வேறு நிலப்பரப்புகளில் பாய்கின்றன.
இந்த ஆற்றுப் பள்ளத்தாக்குகள் நாகரிகங்களின் தொட்டிலாகும். (மெசபடோமியா, சிந்துவெளி,
சீனநாகரீகம்). நம் ஆசியா கண்டத்தைப் பற்றி தெரிந்து கொள்வோம்.
அமைவிடம் மற்றும் பரப்பு
ஆசியா 10° 11' தெற்கு அட்சத்திலிருந்து 81° 12' வடக்கு அட்சம்
வரையிலும், 26° 2' கிழக்கு தீர்க்கம் முதல் 169° 40' மேற்குத் தீர்க்கம் வரையிலும்
பரவியுள்ளது. இதன் மொத்த பரப்பளவு 44 மில்லியன் கி.மீ2 ஆகும்.
எல்லைகள்
ஆசியா கண்டம், வடக்கில் ஆர்டிக் பெருங்கடல், கிழக்கில் பசிபிக்
பெருங்கடல் தெற்கில் இந்தியப் பெருங்கடல், மேற்கில் யூரல், காகசஸ் மலைகள், செங்கடல்,
மத்தியத் காஸ்பியன் தரைக்கடல், கருங்கடல் ஆகியனவற்றை எல்லைகளாகக் கொண்டுள்ளது. சூயஸ்
கால்வாய் ஆசியாவை ஆப்பிரிக்காவிடம் இருந்து பிரிக்கின்றது. பேரிங் நீர்ச்சந்தி ஆசியாவை
வடஅமெரிக்காவிடம் இருந்து பிரிக்கின்றது.
தகவல் பேழை
ஆசியாவில்
12 நாடுகள் நிலத்தால் சூழப்பட்டுள்ளன. அதில் ஒன்று மட்டுமே இரண்டு முறை நிலத்தால் சூழப்பட்டுக்
காணப்படுகின்றது. அதாவது, இது முழுவதும் நிலப்பரப்புள்ள நாடுகளால் சூழப்பட்டுள்ளது.
அந்நாடு எது என்பதைக் கண்டறிக.
அரசியல் பிரிவுகள்
ஆசியாவில் நாற்பத்து எட்டு நாடுகள் உள்ளன. இந்நாடுகள் நிலத்தோற்றம்
மற்றும் அரசியல் நிலைப்பாடுகளின் அடிப்படையில் பல்வேறு பகுதிகளாகப் பிரிக்கப்பட்டுள்ளன.
அவை,
1.கிழக்கு ஆசியா
2. தென்கிழக்கு ஆசியா
3. தெற்கு ஆசியா
4. தென்மேற்கு ஆசியா
5. மத்திய ஆசியா
இயற்கைப் பிரிவுகள்
ஆசியா நீண்ட மலைத் தொடர்கள், பனி படர்ந்த உயர்ந்த மலைகள், அகன்ற
பீடபூமிகள், பரந்த சமவெளிகள், ஆற்றுப் பள்ளத்தாக்குகள் மற்றும் கடற்கரைகளைக் கொண்டுள்ளது.
இவ்வேறுபட்ட இயற்கை கூறுகள், இக்கண்டத்தில் காணப்படும் மக்களின் பல்வேறுபட்ட பொருளாதார
நடவடிக்கைகளுக்குத் துணைபுரிகின்றன. ஆசியாவின் இயற்கை அமைப்பினை ஐந்து பெரும் பிரிவுகளாகப்
பிரிக்கலாம். அவை,
1. வட தாழ்நிலங்கள்
2. மத்திய உயர் நிலங்கள்
3. தெற்கு பீடபூமிகள்
4. பெரும் சமவெளிகள்
5. தீவுக்கூட்டங்கள்
1. வட தாழ்நிலங்கள்
ஆசியாவிலேயே மிகவும் பரந்து காணப்படும் தாழ்நிலம் சைபீரியச்
சமவெளி ஆகும். அது மேற்கே யூரல் மலைகளிலிருந்து கிழக்கே வெர்கோயான்ஸ்க் மலைத்தொடர்
வரை பரந்து காணப்படுகின்றது.
2. மத்திய உயர்நிலங்கள்
மத்திய உயர்நிலங்கள் துருக்கியிலிருந்து பேரிங் நீர்ச்சந்தி
வரை விரிந்து காணப்படுகின்றன. ஆசியாவில் இரு மலை முடிச்சுக்கள் காணப்படுகின்றன. அவை,
1) பாமீர் முடிச்சு
2) ஆர்மீனியன் முடிச்சு
இந்துகுஷ் மலைத் தொடர், சுலைமான் மலைத்தொடர், இமயமலைத்தொடர்
மற்றும் டியான் ஷன் மலைத்தொடர் போன்றன பாமீர் முடிச்சிலிருந்து பரவிக் காணப்படுகின்றன.
இந்துகுஷ் மலைத்தொடர் மேற்கே எல்பர்ஸ் எனவும் சுலைமான் மலைத்தொடர் தென் மேற்கே ஜாக்ரோஸ்
மலைத்தொடராகவும் நீண்டு காணப்படுகிறது. எல்பர்ஸ் மற்றும் ஜாக்ரோஸ் ஆர்மீனியன் முடிச்சில்
ஒன்றிணைகிறது. தாரஸ் மற்றும் போன்டைன் மலைத்தொடர்கள் ஆர்மீனியன் முடிச்சிலிருந்து பரவிக்
காணப்படுகின்றன. பெரிய கிங்கன், அல்டாய், வெர்கோயான்ஸ்க், அரக்கன்யோமா போன்றவை இங்குக்
காணப்படும் முக்கிய மலைத்தொடர்கள் ஆகும்.
உங்களுக்கு தெரியுமா?
'முடிச்சு'
என்பது மலைத் தொடர்கள் கூடும்/பிரியும் இடங்கள் ஆகும்.
இமயமலைத் தொடர்களே உலகின் உயரமான மலைத்தொடர் ஆகும். ஆசியாவின்
உயர்ந்த சிகரம் எவரெஸ்ட் சிகரம் (8848மீ). ஆசியாவில் மட்டுமின்றி உலகின் உயரமான சிகரமும்
இதுவே ஆகும்.
உலகின் தாழ்வான பகுதி ஆசியாவிலுள்ள சாக்கடலில் உள்ளது.
மலையிடைப் பீடபூமிகள் இம்மலைத் தொடர்களிடையே காணப்படுகின்றன.
முக்கிய பீடபூமிகளாவன,
1. அனடோலிய பீடபூமி (போன்டைன் - தாரஸ் மலை)
2. ஈரான் பீடபூமி (எல்பர்ஸ் - ஜாக்ரோஸ்)
3. திபெத்திய பீடபூமி (குன்லுன் - இமயமலை)
உங்களுக்கு தெரியுமா?
திபெத்
'உலகின் கூரை' என அழைக்கப்படுகின்றது. அங்கு நிலவும் கடுங் குளிரின் காரணமாகவும், நன்னீரின்
மிகப்பெரும் இருப்பிடமாகவும், மக்கள் வாழ இயலாத சூழல் காணப்படுவதாலும் திபெத் மூன்றாம்
துருவம் என்றும் அழைக்கப்படுகின்றது.
உயர்சிந்தனை வினா
கைபர் கணவாய் சுலைமான் மலைத்தொடரிலும், போலன் கணவாய் டோபா காகர்
மலைத்தொடரிலும் அமைந்துள்ளன. இவ்விரு கண் வாய்களின் முக்கியத்துவம் என்ன?
3. தெற்கு பீடபூமிகள்
தெற்கு பீடபூமிகள், வடக்கு பீடபூமிகளைக் காட்டிலும் உயரம் குறைந்து
காணப்படுகின்றன. தெற்கு பீடபூமிகளில் முக்கியத்துவம் வாய்ந்த நான்கு பீடபூமிகளாவன
: அரேபிய பீடபூமி (சௌதி அரேபியா), தக்காண பீடபூமி (இந்தியா) ஷான் பீடபூமி (மியான்மர்),
யுனான் பீடபூமி (சீனா). இவற்றில் மிகப் பெரியது அரேபிய பீடபூமி ஆகும்.
4. பெரும் சமவெளிகள்
ஆசியாவின் முக்கிய இப்பெரும் சமவெளிகள் ஆறுகளினால் உருவாக்கப் படுகின்றன. அவையாவன : மேற்கு சைபீரியச் சமவெளி
(ஓப் மற்றும் எனிசி), மஞ்சூரியன் சமவெளி (அமூர்), சீன பெரும் சமவெளி (யாங்சி மற்றும்
சிகியாங்), சிந்து - கங்கைச் சமவெளி (சிந்து மற்றும் கங்கை), மெசபடோமிய சமவெளி (யூப்ரடிஸ்
மற்றும் டைக்ரிஸ்), ஐராவதி சமவெளி (ஐராவதி),
5. தீவுக்கூட்டங்கள்
தென்கிழக்கு ஆசியாவின் பசிபிக் கடற்கரையையொட்டி எண்ணற்ற தீவுகள் காணப்படுகின்றன. குரில், தைவான், சிங்கப்பூர் மற்றும் போர்னியோ போன்றவை முக்கியமான தீவுகளாகும். பிலிப்பைன்ஸ், ஜப்பான் மற்றும் இந்தோனேசியா ஆகியன ஆசியாவின் மிகப்பெரியதீவுக்கூட்டங்களாகும்.அரபிக்கடலில் உள்ள மாலத்தீவுகள் மற்றும் லட்சத்தீவுகள், பாரசீக வளைகுடாவில் உள்ள பஹ்ரைன் போன்றவை இந்தியப் பெருங்கடலில் காணப்படும் சிறிய தீவுக்கூட்டங்களாகும். இலங்கைத் தீவு வங்காள விரிகுடாவில் அமைந்துள்ளது.
உங்களுக்கு தெரியுமா?
ஒன்றிணைக்கப்பட்ட
பல தீவுகள், தீவுக்கூட்டம் என அழைக்கப்படுகின்றது இந்தோனேசியா மிகப்பெரியத் தீவுக்கூட்டம்
ஆகும்.
வடிகால் அமைப்பு
ஆசியாவின் பெரும்பான்மையான ஆறுகள் மத்திய உயர்நிலங்களில் தோன்றுகின்றன. ஓப், எனிசி, லேனா ஆகிய முக்கிய ஆறுகள் வடக்கு நோக்கிப்பாய்ந்துஆர்டிக்பெருங்கடலில்கலக்கின்றன. இவை குளிர்காலத்தில் உறைந்து விடுகின்றன. ஆனால், தெற்காசியாவில் பாயும் ஆறுகளான பிரம்மபுத்திரா, சிந்து, கங்கை (இந்தியா), ஐராவதி (மியான்மர்) ஆகிய வற்றாத ஆறுகள் பனிபடர்ந்த உயர்ந்த மலைகளில் தோன்றுகின்றன. இவை குளிர்காலத்தில் உறைவதில்லை. யூப்ரடிஸ் மற்றும் டைகிரிஸ் ஆறுகள் மேற்கு ஆசியாவில் பாய்கின்றன. அமூர், ஹோவாங்கோ, யாங்சி மற்றும் மீகாங் ஆகிய ஆறுகள் ஆசியாவின் தெற்கு மற்றும் தென்கிழக்குப் பகுதிகளில் பாய்கின்றன. ஆசியாவின் மிக நீளமான ஆறு யாங்சி ஆகும்.
உங்களுக்கு தெரியுமா?
முப்பள்ளத்தாக்கு
நீர்த் தேக்கமானது யாங்சி ஆற்றின் குறுக்கே கட்டப்பட்டுள்ளது. இஃது உலகின் மிகப்பெரிய
நீர்த்தேக்கமாகும். இது சீனாவின் மின்சார தேவையில் 10 சதவீதத்தைப் பூர்த்தி செய்கிறது.
கால நிலை
ஆசியாவில் பல வகையான காலநிலைகள் நிலவுகின்றன. வடக்கு ஆசியப் பகுதியில் குளிர்காலம் நீண்டதாகவும், கோடைகாலம் சற்று குளிர்ந்தும் காணப்படும். (குளிர்காலம் -37°செமற்றும் கோடைக்காலம் 10°செ). இங்குப் பனிப்பொழிவு உண்டு (250 மிமீ - 300 மி.மீ). ஆசியாவின் வடகிழக்குப் பகுதியில் மிகக் குளிர்ந்த குளிர்காலமும், மிதவெப்ப கோடைகாலமும், 50 மி.மீ முதல் 250 மி.மீ. மிதமான மழைப்பொழிவும் காணப்படுகிறது.
தெற்கு, கிழக்கு மற்றும் தென்கிழக்கு ஆசியப் பகுதிகள் பருவக்காற்றுகளின்
தாக்கத்திற்கு உட்பட்ட பகுதிகளாகும். பொதுவாக கோடைகாலம் அதிக வெப்பமும் ஈரப்பதத்துடனும்,
குளிர்காலம், வறண்டும் காணப்படும். கோடைக்காலப் பருவமழைக் காற்றுகள் இந்தியா, வங்காளதேசம்,
இந்தோ- சீனா, பிலிப்பைன்ஸ் மற்றும் தெற்கு சீனா ஆகிய இடங்களுக்கு அதிக மழைப்பொழிவைத்
தருகின்றன (1500 மி.மீ - 2500 மிமீ). இந்தியாவில் உள்ள மௌசின்ராம் (11871 மிமீ) அதிக
மழைப்பொழிவைப் பெறுவதால், இஃது உலகின் மிக அதிக மழைப்பெறும் பகுதியாகும்.
நிலநடுக்கோட்டிலும், அதனைச் சுற்றிலும் காணப்படுகின்ற பகுதியிலும்
ஆண்டு முழுவதும் ஒரேமாதிரியான காலநிலை உள்ளது. இங்குக் குளிர்காலம் இல்லை. இங்குக்
காணப்படும் சராசரி வெப்பநிலை (27° செ), சராசரி மழைப்பொழிவு (1270 மிமீ). மேற்கு மற்றும்
மத்திய ஆசியாவில் வறண்ட, வெப்பமான காலநிலை காணப்படுகின்றன. இப்பகுதிகளில் வெப்பநிலை
பகலில் அதிகமாகவும், இரவில் குறைந்தும் காணப்படும். மழையளவு 25 மி.மீ முதல் 200 மிமீ
வரை வேறுபடுகின்றது. ஆசியாவின் மேற்குக் கடற்கரையோரம் (மத்தியத் தரைக்கடல் ஓரம்) குளிர்காலத்தில்
மழையைப் பெறுகின்றது. இங்குக் கோடைக்காலம் மிதவெப்பத்துடன் காணப்படும்.
உயர்சிந்தனை வினா
நிலநடுக்கோட்டுப்
பகுதியில் குளிர்காலம் காணப்படுவதில்லை. ஏன்?
ஆசியாவில் பாலைவனங்கள் மேற்கு கடற்கரையோரமாகக் காணப்படுகின்றன.
இங்குள்ள அரேபிய (சௌதி அரேபியா) மற்றும் தார் (இந்தியா மற்றும் பாகிஸ்தான்) பாலைவனங்கள்
ஆகும். கோபி மற்றும் தக்லாமக்கன் பாலைவனங்கள் மிகவும் குளிர்ந்த பாலைவனங்கள் ஆகும்.
ஆசியாவின் மிகப் பெரிய பாலைவனம் அரேபிய பாலைவனமாகும்.
தகவல் பேழை: பாலைவனம்
பாலைவனப் பிரதேசம் என்பது மிகக் குறைந்த மழைப்பொழிவைப் பெறும் பகுதியாகும். அளவிலேயே தாவரங்கள் மற்றும் விலங்கினங்கள் காணப்படுகின்றன. ஆசியாவில் இரண்டு வகையான பாலைவனங்கள் உள்ளன. வெப்பப் பாலைவனம் மற்றும் குளிர்ப் பாலைவனம்
உங்களுக்கு தெரியுமா?
ரூப- அல் – காலிபாலைவனம் உலகின் மிகத் தொடர்ச்சியான மணற்பாங்கான
பாலைவனமாகும். இது சௌதி அரேபியாவின் தென்கிழக்குப் பகுதியில் காணப்படுகின்றது.
இயற்கைத் தாவரங்கள்
மழைப்பொழிவு, வெப்பநிலை மற்றும் மண் ஆகியவற்றைச் சார்ந்து இயற்கைத்
தாவரங்கள் உள்ளன. ஆசியா கண்டமானது நிலநடுக்கோட்டுப் பகுதியிலிருந்து, துருவப் பகுதிவரை
பரவிக் காணப்படுவதால் இங்கு அனைத்துவகை இயற்கைத் தாவரங்களும் காணப்படுகின்றன. உராங்குடான்,
கோமோடோ டிராகன், பெரிய பாண்டாக்கரடி போன்ற சில அரியவகை விலங்கினங்களும் இங்குக் காணப்படுகின்றன.
ஆசியாவின் தாவரங்கள் மற்றும் விலங்கினங்களின் பட்டியல் கீழே கொடுக்கப்பட்டுள்ளது.
ஆசியாவின் வள் ஆதாரங்களும், பொருளாதார நடவடிக்கைகளும்
கனிம வளங்கள்
ஆசியா பல்வகையான கனிம வளங்களைக் கொண்டுள்ளது. இரும்பு, நிலக்கரி,
மாங்கனீசு, பாக்ஸைட், துத்தநாகம், டங்ஸ்டன், பெட்ரோலியம், தகரம் ஆகியவற்றின் உற்பத்தியில்
ஒரு முக்கிய இடத்தைப் பெற்றுள்ளது. எண்ணெய் மற்றும் இயற்கை வாயு மேற்காசிய நாடுகளில்
காணப்படுகின்றன. உலகின் மூன்றில் ஒரு பங்கு எண்ணெய் ஆசியாவிலிருந்து கிடைக்கப்பெறுகின்றது.
மேற்காசிய நாடுகளிலேயே, ஈரானில் குறிப்பிடத்தக்க அளவில் கனிம வளங்கள் காணப்படுகின்றன.
ஆசியாவில் காணப்படும் முக்கிய கனிம வளங்களாவன :
இரும்புத்
தாது: உலகிலேயே மிக அதிகமான இரும்புத்தாது வளத்தை ஆசியா கொண்டுள்ளது.
சீனா மற்றும் இந்தியா அதிக இரும்புத்தாது இருப்புள்ள நாடுகளாகும். துருக்கி, பிலிப்பைன்ஸ்,
மலேசியா, தாய்லாந்து, மியான்மர் மற்றும் பல நாடுகளும் இரும்புத்தாது வளத்தைக் கொண்டுள்ளன.
நிலக்கரி: நிலக்கரி
ஒரு படிம எரிபொருள் ஆகும். உலகிலேயே ஆசியாவில்தான் அதிக நிலக்கரி இருப்பு உள்ளது. ஆசியாவில்
சீனா மற்றும் இந்தியா அதிகமாக நிலக்கரி உற்பத்தி செய்யும் நாடுகளாகத் திகழ்கின்றன.
பெட்ரோலியம்:
பெட்ரோலியம் ஒரு கனிம எண்ணெய் வளமாகும். தென்மேற்கு
ஆசியாவில்தான் அதிக அளவில் பெட்ரோலிய இருப்புகள் காணப்படுகின்றன. சௌதி அரேபியா, குவைத்,
ஈரான், பஹ்ரைன், கத்தார் மற்றும் ஐக்கிய அரேபிய குடியரசு போன்றவை பெட்ரோலிய உற்பத்தி
செய்யும் மேற்காசிய நாடுகளாகும். தென்சீனா, மலேசியா, புரூனே, இந்தோனேசியா, இந்தியா,
ரஷ்யா ஆகிய நாடுகள் பெட்ரோலியம் உற்பத்தி செய்யும் மற்ற நாடுகளாகும்.
பாக்ஸைட், இந்தியா மற்றும் இந்தோனேசியா நாடுகளில் காணப்படுகின்றது.
இந்தியா உலகிலேயே அதிக அளவில் மைக்காவினை உற்பத்தி செய்கின்றது. மியான்மர், தாய்லாந்து,
மலேசியா மற்றும் இந்தோனேசியா ஆகிய நாடுகளில் தகரம் காணப்படுகின்றது.
வேளாண்மை
ஆசியாவின் மொத்த பரப்பளவில் சுமார் 18 சதவிகிதம் மட்டுமே வேளாண்மைக்கு
ஏற்ற நிலமாகக் காணப்படுகிறது. ஆசியநாட்டு மக்களின் முதன்மையான தொழில் வேளாண்மை ஆகும்.
தெற்கு, தென்கிழக்கு மற்றும் கிழக்காசியாவில் காணப்படும் ஆற்றுப்பள்ளத்தாக்குகள் செழுமையான
வண்டல்மண் நிலங்களாகும். ஆற்றுச்சமவெளிகளில் தீவிர வேளாண்மை நடைபெறுகின்றது. இருப்பினும்
ஆசியாவின் சில பகுதிகள் வேளாண்மை செய்ய உகந்தவை அல்ல. ஆசியாவிலேயே அதிக பயிர்சாகுபடிசெய்ய
ஏற்ற நிலப்பரப்பைக் கொண்டுள்ள நாடு இந்தியா ஆகும். பல மேற்காசிய நாடுகளில் நிலத்தடி
நீர், நிலப்பரப்பிற்கு அருகில் கிடைக்கும் இடங்களில் பயிர்கள் பயிரிடப்படுகின்றன. ஈராக்
நாட்டில் வேளாண் நடவடிக்கை, மழைப்பொழிவு மற்றும் யூப்ரடிஸ், டைக்ரிஸ் ஆறுகளிலிருந்து
பெறப்படும் நீரினைப் பொறுத்தே அமைகின்றன.
ஆசியாவின் முக்கிய உணவுப்பயிர்கள் நெல் மற்றும் கோதுமை ஆகும். உலகிலேயே மிக அதிகமாக நெல் உற்பத்தி செய்யும் நாடுகள் சீனா மற்றும் இந்தியா ஆகும். மியான்மர், ஜப்பான், வங்காளதேசம் மற்றும் தாய்லாந்து ஆகிய நாடுகள் நெல் விளைவிக்கும் பிற முக்கிய நாடுகளாகும். அதிக மழைப்பொழிவு, செழுமை வாய்ந்த சமவெளிகள் மற்றும் மனிதவளம் ஆகியவற்றைப் பெற்றிருப்பதால் பருவமழை பெய்யும் ஆசியப்பகுதிகள் நெல் விளைய ஏற்ற பகுதிகளாகத் திகழ்கின்றன. தாய்லாந்து தென்கிழக்கு ஆசியாவின் 'அரிசிக் கிண்ணம்' என அழைக்கப்படுகின்றது.
உங்களுக்கு
தெரியுமா?
பனாவ்
படிக்கட்டு முறை நெல் விவசாயம்
இப்கௌஸ் என்ற பிலிப்பைன்ஸ் மக்களால் மட்டத்திலிருந்து 2000 ஆண்டுகளுக்கு
முன் இது உருவாக்கப்பட்டதாகும். இது கடல் சுமார் 1524 மீ உயரத்தில் அமைந்துள்ளது.
கோதுமை மண்டல
பகுதிகளில் விளைகின்றது, ரஷ்யா, இந்தியா, சீனா,
பாகிஸ்தான் ஆகிய நாடுகள் அதிக அளவு கோதுமையை உற்பத்தி செய்கின்றன. ஆசியாவின் வறண்ட
பகுதிகளில் தினைப்பயிர்களான கம்பு, கேழ்வரகு, சோளம், மக்காச்சோளம் ஆகியன விளைகின்றன.
இவை இந்தியா, பாகிஸ்தான் மற்றும் சில வளைகுடா நாடுகளில் பயிரிடப்படுகின்றன. இப்பயிர்கள்
மட்டுமின்றி ஆசியாவின் பல்வேறு பகுதிகளில் பருப்பு
வகைகள், நறுமணப்பொருட்கள் மற்றும் எண்ணெய் வித்துக்கள் ஆகியன விளைவிக்கப்படுகின்றன.
சணல் மற்றும் பருத்தி ஆகிய முக்கிய இழைப்பயிர்கள் ஆசியாவில்
விளைகின்றன. உலகின்மூன்றில் ஒருபங்கு பருத்தி ஆசியாவில் உற்பத்தி செய்யப்படுகிறது.
ஆசியாவில் அதிக பருத்தி உற்பத்தி செய்யும் நாடுகள் சீனா, இந்தியா, ரஷ்யா மற்றும் கஜகிஸ்தான்.
இந்தியா, பாகிஸ்தான், சீனா, மற்றும் வங்காளதேசம் ஆகிய நாடுகள் அதிக அளவில் சணல் உற்பத்தி
செய்கின்றன.
வெப்பமண்டலங்களில் காணப்படும் வறண்ட மற்றும் ஈரப்பதம்மிக்க காலநிலை
ஆசியாவில் கரும்பு உற்பத்திக்கு ஏற்றதாகவுள்ளது. இந்தியா, இந்தோனேசியா, பிலிப்பைன்ஸ்
ஆகிய நாடுகள் அதிகமான அளவில் கரும்பு உற்பத்தி செய்கின்றன. காபி, தேயிலை, ரப்பர், பனை
மற்றும் கொக்கோ ஆகியன முக்கியத் தோட்டப் பயிராகும். இந்தியா, இலங்கை, தாய்லாந்து, வியட்நாம்,
மலேசியா மற்றும் இந்தோனேசியா ஆகிய நாடுகளில் தோட்டப்பயிர்கள் வளர்க்கப்படுகின்றன. மலேசியா
மற்றும் தாய்லாந்து ஆகிய நாடுகள் இயற்கை ரப்பர் உற்பத்தியில் முதன்மையாக விளங்குகின்றன.மேற்காசிய
பேரீச்சம் பழங்களை அதிகம் நாடுகள் உற்பத்தி செய்யப்படுகின்றன. அவற்றுள் உலகிலேயே ஈரான்
இப்பழங்களை அதிக அளவு உற்பத்தி செய்கின்றது
மீன்பிடித்தல்
மீன்பிடித்தொழில் ஆசியாவின் மிக முக்கியமான பொருளாதார நடவடிக்கை
ஆகும். கடல் மற்றும் உள்நாட்டு நீர்நிலைகளிலும்
இத்தொழில் நடைபெறுகின்றது. சீனா மற்றும் ஜப்பான் மீன்பிடித்தொழிலில் முன்னணி நாடுகளாகத்
திகழ்கின்றன. கம்போடியாவில் உள்ள 'டோன்லே சாப் ஏரி உலகின் மிகச் சிறந்த நன்னீர் மீன்பிடி
ஏரியாகும். இந்தியா, இலங்கை, மியான்மர் மற்றும் பங்களாதேஷ் ஆகிய நாடுகள் வங்காள விரிகுடாவில்
சிறந்த மீன்பிடித் தளங்களைப் பெற்றுள்ளன. மீன்பிடித்தல் மாலத்தீவுகளின் பொருளாதாரத்திற்கு
முக்கிய பங்காற்றுகிறது. முத்துக்குளித்தல் கிழக்கு அரேபியக் கடற்கரையில் பிரசித்தி
பெற்று விளங்குகின்றது.M
தொழிற்பிரதேசங்கள்
மஞ்சூரியன், ஷங்காய்- வியூஹன், பீகிங் - ஷென்யாங், குவான்டோன்–
ஹாங்காங் ஆகிய பகுதிகள் சீனாவின் முக்கியத் தொழிற்பிரதேசங்களாகும். டோக்கியோ, யோக்கோஹாமா
மற்றும் ஒசாகா-கியோட்டோ பகுதிகள் ஜப்பானின் முக்கியத் தொழிற்பகுதிகளாகும். இந்தியாவில்,
மும்பை, அகமதாபாத், கோயம்புத்தூர், பெங்களூரு, சோட்டா நாக்பூர் ஆகியன முக்கிய தொழிற்பிரதேசங்களாகும்.
போக்குவரத்து
எந்த ஒரு நாட்டிற்கும் பொருளாதார முன்னேற்றத்தின்முதுகெலும்பாக
விளங்குவது போக்குவரத்தே ஆகும். ஆசியாவின் பல நாடுகளும் தங்களது போக்குவரத்து வலையமைப்பை
மேம்படுத்தி வருகின்றன. ஆசியாவில் காணப்படும் மிகப் பொதுவான போக்குவரத்து சாலைப் போக்குவரத்து
ஆகும்.
சாலைப் போக்குவரத்து
ஆசிய வடக்கில் நெடுஞ்சாலை கிழக்கில் டோக்கியோவையும் மேற்கில்
துருக்கியையும், ரஷ்யாவையும், தெற்கில் இந்தோனேசியாவையும் (1,41,000 கி.மீ) இணைக்கின்றது.
இந்நெடுஞ்சாலை 32 நாடுகளின் வழியே கடந்து செல்கின்றது. ஆசிய நெடுஞ்சாலை வலையமைப்பிலேயே
மிக நீளமான நெடுஞ்சாலை (20,557 கி.மீ) ஆசிய நெடுஞ்சாலை 1 (AH1) ஆகும். இது டோக்கியோவைத்
துருக்கியுடன் இணைக்கிறது. ஆசியநெடுஞ்சாலை43(AH43) இந்தியாவிலுள்ள ஆக்ராவிலிருந்து
இலங்கையிலுள்ள மதாரா வரை செல்கின்றது. (3024 கி.மீ)
இருப்புப்பாதை போக்குவரத்து
உலகிலேயே நீண்ட இருப்புப்பாதை வழித்தடம் டிரான்ஸ்-சைபீரியன்
இருப்புப்பாதை (9258 கி.மீ) ஆகும். அது பெருங்கண்ட இருப்புப்பாதை லெனின் கிரேட் மற்றும்
விளாடிவோஸ்டாக் ஆகியவற்றை இணைக்கிறது. டிரான்ஸ் ஆசியா இருப்புப்பாதை சிங்கப்பூரை, துருக்கியிலுள்ள
இஸ்தான்புல்லுடன் இணைக்கின்றது. சின்கான்சென் எனப்படும். உலகப்புகழ் வாய்ந்த அதிவிரைவு
புல்லட் இரயில் (352 கி.மீ/ மணி) ஜப்பானிலுள்ள ஒசாகா மற்றும் டோக்கியோ இடையில் பயணிக்கின்றது.
ஆசியாவிலேயே இரண்டாவது மிகப்பெரிய இருப்புப்பாதை போக்குவரத்து வலையமைப்பு இந்தியாவில்
காணப்படுகிறது.
நீர்வழிப் போக்குவரத்து
நன்னம்பிக்கை முனை வழி, ஐரோப்பாவைத் தெற்கு ஆசியாவுடன் இணைக்கின்றது.
டிரான்ஸ் பசிபிக் வழி கிழக்காசியத் துறைமுகங்களை மேற்கு அமெரிக்க நாடுகளின் துறைமுகங்களுடன்
இணைக்கின்றது. சூயஸ் கால்வாய் வழி உலக வர்த்தக வழியின் நடுவே பயணித்து ஐரோப்பாவைத்
தெற்கு மற்றும் தென்கிழக்கு ஆசியாவுடன் இணைக்கிறது. டோக்கியோ, ஷங்காய், சிங்கப்பூர்,
ஹாங்காங், சென்னை, மும்பை, கராச்சி மற்றும் துபாய் ஆகியன ஆசியாவின் முக்கியத் துறைமுகங்களாகும்.
ஆசியாவின் கலாச்சாரக் கலவை
மக்கள்தொகை
உலகிலேயே மிக அதிக மக்கள்தொகை கொண்ட கண்டம் ஆசியாவாகும் உலகில் சுமார் பத்தில் ஆறு பங்கு மக்கள்தொகை ஆசியாவில்
காணப்படுகின்றது. காணப்படுகின்றது. பல்வேறுபட்ட
இயற்கை கூறுகளினால் ஆசியாவின் மக்கட்பரவல் சீரற்றுக் ஆசியாவின் மொத்த மக்கள்தொகையில்
ஐந்தில் மூன்று பங்கு மக்கள் சீனா மற்றும் இந்தியாவில் வசிக்கின்றனர். இவ்விரு நாடுகள்
மட்டுமன்றி, வங்காளதேசம், இந்தோனேசியா, ஜப்பான், பாகிஸ்தான் மற்றும் பிலிப்பைன்ஸ் ஆகிய
நாடுகளின் மக்கள்தொகை 100 மில்லியனுக்கு அதிகமாக உள்ளது. ஆசியாவின் மக்கள் அடர்த்தி
ஒரு சதுர கிலோமீட்டருக்கு 143 நபர்கள் ஆகும். இந்தியா, ஜப்பான், வங்காளதேசம் மற்றும்
சிங்கப்பூர் ஆகிய நாடுகள் மிக அதிக மக்கள் அடர்த்தியைக் கொண்டுள்ளன. குறிப்பாக, ஆற்றுச்
சமவெளிகள் மற்றும் தொழிற்பகுதிகள் அதிக மக்கள் அடர்த்தியைக் கொண்டுள்ளன. ஆசியாவின்
உட்பகுதிகளில் மக்கள் அடர்த்தி மிகக் குறைந்து காணப்படுகின்றது.
உயர்சிந்தனை வினா
ஆசியாவில்
உள்ள சில நாடுகள் மட்டும் மிக அதிக மக்கள் தொகையைக் கொண்டுள்ளது. காரணம் கூறுக.
சமயம் மற்றும் மொழி
இந்து, இஸ்லாம், புத்தம், கிறித்துவம், மற்றும் சீக்கிய சமயங்கள்
பெரும்பான்மையான மக்கள் பின்பற்றும் சமயங்கள் ஆகும். மற்ற சமயங்களான ஜொராஸ்டிரியனிசம்,
சமணம், ஷின்டோயிசம், கன்பூஷியானிசம் மற்றும் டாவோயிசம் ஆகியனவும் ஆசியாவில் பின்பற்றப்படுகின்றன.
மாண்டரின், ஆங்கிலம், இந்தோனேசியன், ஜப்பானிய மொழி, அரபு, கொரியா, வியட்நாமீய மற்றும்
இந்தி போன்ற மொழிகள் ஆசியாவில் பரவலாகப் பேசப்படுகின்றன.
உங்களுக்கு, தெரியுமா?
அங்கோர்வாட் : இஃது
உலகப்
தளமாகும். பாரம்பரிய இரண்டாம் சூரியவர்மன் என்ற மன்னரால் கி.பி. (பொ.ஆ) 1100ம் ஆண்டில்
கம்போடியாவில் கட்டப்பட்டது. கெமர் மொழியில் 'அங்கோர்வாட்' என்றால் 'கோயில்களின் நகரம்'
எனப் பொருள். இதுவே உலகின் மிகப்பெரிய கோயிலாகும்.
கலை மற்றும் கட்டடக்கலை
ஆசியா மூன்று நாகரிகங்களின் தாயகமாகும். (மெசபட்டோமியன், சிந்து
சமவெளி மற்றும் சீன நாகரிகங்கள்) இம்மூன்று நாகரிகங்களும் தொடக்கக் காலங்களிலேயே கட்டடக்கலைக்குப்
பெரும் பங்காற்றின. உலக அதிசயங்களில் இரண்டு அதிசயங்கள் (இந்தியாவிலுள்ள சீனப்பெருஞ்சுவர்)
மற்றும் தாஜ்மகால் ஆசியாவில் உள்ளன
ஏமன் நாட்டு மக்கள் ஆயிரக்கணக்கான ஆண்டுகளுக்கு முன்பே வானுயர்ந்த
மண் கோபுரத்தைக் கட்டினர். கம்போடியாவிலுள்ள அங்கோர்வாட், கிழக்கு மற்றும் தென்கிழக்கு
ஆசியாவிலுள்ள புத்த மடாலயங்கள், மேற்கு ஆசியாவிலுள்ள மசூதிகள் மற்றும் இந்தியாவிலுள்ள
கோவில்களும், கட்டடக்கலைக்கு கோட்டைகளும்
ஆசியக் எடுத்துக்காட்டுகளாகும்.
உணவு
அரிசி,
கோதுமை, சோளம் மற்றும் பார்லி ஆகியன ஆசியாவின் முதன்மையான உணவுகளாகும்.
இவைமட்டுமன்றி, பால் பொருட்கள், பழங்கள் மற்றும் கொட்டைகள் ஆகியனவற்றையும் உண்கின்றனர்.
கிழக்கு ஆசியாவில் அரிசி கிடைக்கப்பெறாத இடங்களில் ரொட்டி மற்றும் நூடுல்ஸ் போன்ற உணவுகளை
உண்கின்றனர். தேயிலை, காப்பி மற்றும் பச்சைத் தேயிலை ஆகியன முக்கிய பானங்களாகும். மேற்கு
ஆசியாவில் மாமிசம், மூலிகைகள், ஆலிவ் எண்ணெய் ஆகியன உணவில் சேர்த்துக் கொள்ளப்படும்
முதன்மைப் பொருட்களாகும்.
நடனம் மற்றும் இசை
ஆசியாவில், யாங்கி, டிராகன் நடனம், கபாகி போன்ற நடனங்கள் கிழக்காசியாவில்
புகழ் பெற்ற நடனங்கள் ஆகும். தாய்லாந்தின் ராம் தாய், இந்தியாவில் பாங்க்ரா, கதக் மற்றும்
பரதநாட்டியம் ஆகியவையும் ஆசியாவின் முக்கிய நடனங்கள் ஆகும். மேற்கு ஆசியாவில் சூஃபி
இசை மற்றும் அரேபிய பாரம்பரிய இசை போன்றவை பொதுவாகக் காணப்படுகின்றன. பிலிப்பைன்ஸ்
நாட்டின் தேசிய 'டினிக்லிங்' ஆகும்.
திருவிழாக்கள்
சீனா, வியட்நாம் மற்றும் தைவானின் நடு இலையுதிர்கால பண்டிகை
அல்லது நிலவு பண்டிகை, இந்தியாவின் பெரும்பான்மையான இடங்களில் ஹோலி மற்றும் மகர சங்கராந்தி
/ பொங்கல், இஸ்ரேலின் சுக்கோத் போன்றவை ஆசியாவின் அறுவடைத் திருவிழாக்கள் ஆகும். பனிச்
சிற்ப விழா, சீனப்புத்தாண்டு, தைப்பூசம், தீபாவளி, தைவான் விளக்குத் திருவிழா, சங்கிரான்
மற்றும் குளிர்கால விளக்குத் திருவிழா போன்றன ஆசியாவின் புகழ்பெற்ற திருவிழாக்களாகும்.
வேற்றுமையின் இருப்பிடம்
உலகின் மிகப்பெரிய கண்டம் ஆசியாவாகும். அது மலைகள், பீடபூமிகள்,
சமவெளிகள், பள்ளத்தாக்குகள், விரிகுடாக்கள், தீவுகள் போன்ற பல்வேறுபட்ட நிலத் தோற்றங்களைக்
கொண்டது. நிலநடுக்கோட்டிலிருந்து துருவப் பகுதி வரை பல்வேறு காலநிலைகளை உள்ளடக்கியது.
இவைமட்டுமின்றி, பல இனங்கள், மொழிகள், சமயங்கள் மற்றும் கலாச்சாரங்களைப் பின்பற்றும்
மக்கள் வாழும் இடமாகத் திகழ்கின்றது. எனவே ஆசியா கண்டம், 'வேற்றுமையின் இருப்பிடம்'
என அழைக்கப்படுகின்றது.