எண் முறைகள் - தரவு பிரதியீடு | 11th Computer Science : Chapter 2 : Number Systems
தரவு பிரதியீடு
கணிப்பொறிகள் தரவுகளை '0' (சுழியம்)
மற்றும் '1' (ஒன்று) என்ற எண்களில் கையாளுகின்றது. எண்,
எழுத்து, சிறப்புக்குறியீடு என தரவு எந்த
வகையாக இருந்தாலும் அவை கணிப்பொறியால் புரிந்துகொள்ளக்கூடிய '0' (சுழியம்) அல்லது '1' (ஒன்று) என்ற எண் வடிவில்
மாற்றப்பட வேண்டும். கணிப்பொறிகள் புரிந்துகொள்ளக்கூடிய 0 மற்றும் 1 ஆகியவை இயந்திர மொழி (Machine Language) என
அழைக்கப்படுகின்றது. 0 அல்லது 1 ஆகிய
இரண்டு எண்கள் ஆங்கிலத்தில், Binary Digits (Bit) என்று
அழைக்கப்படுகிறது. தமிழில் இவை "இருநிலை எண்கள்"
அல்லது "இரும் எண்கள்"
(Binary) என்று அழைக்கப்படுகிறது. எனவே, தரவு
பிரதியீடுகளைப் பற்றி கற்றல் கணிப்பொறி கற்றலில் முக்கியான பகுதியாகும். இருநிலை
எண்கள் அதன் அளவை அடிப்படையாக கொண்டு பல்வேறாக அழைக்கப்படுகின்றது. அவை வருமாறு:
• பிட் (Bit)
- இருநிலை எண்களான 0 அல்லது 1 பிட் என அழைக்கப்படும். இது கணிப்பொறி தரவின் அடிப்படை அலகு ஆகும்.
Bit என்ற ஆங்கில வார்த்தை Binary digit என்பதின்
சுருக்கம். நிபில் (Nibble) என்பது 4 பிட்டுகளின்
தொகுதி.
• பைட் (Byte)
என்பது 8 பிட்டுகளின் தொகுதி. கணிப்பொறியில்
நினைவகத்தை அளவிடுவதற்கு அடிப்படை அலகு பைட் ஆகும்.
• வேர்டு
நீளம் (Word length) என்பது ஒரு கணிப்பொறியின் மைய
செயலகத்தில் எத்தனை பிட்டுகள் செயற்படுத்தப்படும் என்பதை குறிக்கும்.
எடுத்துக்காட்டாக, வேர்டு நீளம் - 8 பிட்டுகள்,
16 பிட்டுகள், 32 பிட்டுகள் மற்றும் 64
பிட்டுகளின் அளவில் அமைக்கப்படும் (இன்றைய கணிப்பொறிகள் 32 பிட்டுகள் அல்லது 64 பிட்டு வேர்டு நீளத்தில்
வடிவமைக்கப்படுகிறது).
கணிப்பொறி நினைவகம்
(முதன்மை மற்றும் இரண்டாம்நிலை நினைவகம்)
கணிப்பொறி நினைவகங்கள் (முதன்மை மற்றும்
இரண்டாம்நிலை நினைவகம்) பொதுவாக
கிலோபைட் (Kilobyte - KB) அல்லது மெகா பைட் (Megabyte
-MB) என்ற அளவுகளில் குறிப்பிடப்படும். பதின்ம எண் முறையில்
1 கிலோ என்பது 1000 என்பதாகும். அதாவது, 103. இருநிலை எண்
முறையில் 1 கிலோ பைட் என்பது 1024 பைட்டுகள்
அதாவது 210 ஆகும். கீழே கொடுக்கப்பட்டுள்ள
அட்டவணை பல்வேறு நினைவக அளவுகளைக் காட்டுகிறது.
ஒரு உரையில் உள்ள
எழுத்துருக்களைக் குறிக்க பைட்டுகள் பயன்படுத்தப்படுகின்றன. எழுத்துருக்கள்
மற்றும் எண்களைக் குறிக்க பல்வேறு குறியீட்டு முறைகள் பயன்படுத்தப்படுகின்றது.
இதில், ”தகவல்
பரிமாற்றத்திற்கான அமெரிக்க தரநிலை குறியீடு முறை”
(ASCII - American Standard Code for Information Interchange) பொதுவாக
பயன்பாட்டில் உள்ள ஒரு குறிமுறையாகும். இந்த குறிமுறையில், 0 லிருந்து 127 வரையான இருநிலை மதிப்புகள் ஒவ்வொரு
ஆங்கில எழுத்துருவையும் குறிக்க பயன்படுகின்றது. இடைவெளிக்கான ASCII குறியீடு 32. சுழியத்தின் (0) குறியீடு
48 ஆங்கில சிறிய எழுத்துக்களுக்கான குறியீட்டு மதிப்புகள் 97
முதல் 122 வரை. ஆங்கில பெரிய எழுத்துக்களின்
மதிப்புகள் 65 முதல் 90 ஆகும்.
உங்களுக்கு தெரியுமா?
ஒரு கணிப்பொறியின்
வேகம், அது
செயல்படுத்தும் பிட்களின் எண்ணிக்கையைப் பொருத்தது, எடுத்துக்காட்டாக
64 பிட் கணிப்பொறி, ஒரு செயற்பாட்டில்
64 பிட் எண்களை செயற்படுத்தும், அதே நேரத்தில்
32 பிட் கணிப்பொறிகள் 64 பிட் எண்களை இரண்டு
32 பிட்டுகளாக பிரித்து செயற்படுத்தும். இதனால் 64 பிட்-யை விட 32 பிட் கணிப்பொறியின் செயல் வேகம்
குறைவு.