கலைச்சொற்கள் - புவியியல் நீர்க்கோளம்

கலைச்சொற்கள்

1. ஆழ்கடல் சமவெளி (Abyssal plain): மிக அகன்ற தட்டையான பெருங்கடலின் ஆழமான தரைப்பகுதி.

2. கண்ட எழுச்சி (Continental Rise): கண்ட சரிவிற்கும், ஆழ்கடல் சமவெளிக்கும் இடைப்பட்ட பகுதி.

3. தனித்த பொருளாதார மண்டலம் (Exclusive Economic Zone): கடற்கரையின் அடிப்படை எல்லைக் கோட்டிலிருந்து 200 கடல் மைல் (370.4 கி.மீ ) தூரம் வரை காணப்படும் பகுதி.

4. நிலசந்தி (Isthmus): இரண்டு பெரிய நிலப்பகுதியை இணைக்கக் கூடிய குறுகிய நிலப்பகுதி.

5. ஹாட் ஸ்பாட் (Hot Spot): கவசப் பகுதியிலிருந்து பாறைகள் உருகி மாக்மா மேலெழும்பி வெளிவரும் புவியின் மேற்பரப்பு.

6. நிரந்தர பனித்தளம் (Permafrost): புவிப்பரப்பின் மீது தொடர்ச்சியாக இரண்டாண்டுகளுக்கு மேல் பனி உறைந்து காணப்படும் நிலை.

7. சுவடு கூறுகள் (Trace Elements): ஒரு குறிப்பிட்ட மாதிரியில் அல்லது குறிப்பிட்ட சூழ்நிலையில் காணப்படும் வேதியல் கூறுகளின் மிகக் குறைவான அளவு.

8. சம உவர்ப்பிய கோடு (Isohaline): ஒரே அளவு உவர்ப்பியத்தை கொண்டுள்ள இடங்களை இணைக்கும் கற்பனைக் கோடு.

9. பெருகு அலை (Swell): காற்றினால் உந்தப்பட்டு உருவாகும் அலை. இது தலக்காற்றுகளால் பாதிக்கப்படுவது இல்லை.

10. நீர்த்தேக்கம் (Reservoir) : நீர் அளிப்பின் ஆதராமாக விளங்கும் ஒரு பெரிய ஏரி