காந்தவியல் | பருவம் 3 அலகு 1 | 6 ஆம் வகுப்பு அறிவியல் - நினைவில் கொள்க | 6th Science : Term 3 Unit 1 : Magnetism
நினைவில் கொள்க
❖ காந்தத்தன்மையுடைய தாது
மேக்னடைட் என்று அழைக்கப்படுகிறது. மேக்னடைட் இயற்கைக் காந்தம் எனப்படுகிறது.
❖ மனிதனால் தயாரிக்கப்பட்ட
காந்தங்கள் செயற்கைக் காந்தங்கள் என் அழைக்கப்படுகின்றன.
❖ காந்தத்தால் ஈர்க்கப்படக்கூடிய
பொருள்கள் காந்தத்தன்மை உள்ள பொருள்கள் எனப்படுகின்றன.
❖ காந்தத்தால் ஈர்க்கப்படாத
பொருள்கள் காந்தத் தன்மையற்ற பொருள்கள் எனப்படுகின்றன.
❖ தடையின்றி தொங்க விடப்பட்டுள்ள
காந்தமானது எப்பொழுதும் வடக்கு-தெற்கு திசையிலேயே ஓய்வுநிலைக்கு வரும்.
❖ வடக்கே நோக்கும் முனை வடதுருவம்,
தெற்கே நோக்கும் முனை தென்துருவம் ஆகும்.
❖ காந்த திசைகாட்டும் கருவி
என்பது திசையறிய உதவும் ஒரு காந்த ஊசிப்பெட்டி ஆகும்.
❖ காந்தத்தின் எதிரெதிர்துருவங்கள்
(N-S, S-N) ஒன்றையொன்று ஈர்க்கின்றன. ஒத்த துருவங்கள் (N-N, S-S) ஒன்றையொன்று விலக்குகின்றன.
❖ வெப்பப்படுத்தும் பொழுதோ,
உயரத்திலிருந்து கீழே போடும்பொழுதோ, சுத்தியால் தட்டும் பொழுதோ காந்தங்கள் அவற்றின்
காந்தத்தன்மையை இழந்து விடுகின்றன.
இணையச் செயல்பாடு
காந்தம்
செயல்பாட்டின் வழி காந்த துருவங்களின் பண்புகளையும் காந்த புலங்களையும் அறிவோமா!
படி 1: கீழ்க்காணும் உரலி / விரைவுக் குறியீட்டைப் பயன்படுத்தி
செயல்பாட்டின் பக்கத்திற்குச் செல்லவும்.
படி 2: பக்கத்தில் சட்ட காந்தம் மற்றும் காந்த முள் தோன்றும்.
சுட்டியைப் பயன்படுத்தி, காந்த ஊசியைச் சட்ட காந்தத்தைச் சுற்றி இழுக்கவும். காந்த
புலன்களைச் சுற்றி ஊசியை நகர்த்தும் போது ஏற்படும் காந்த புலங்களின் வரிகளை உற்று நோக்குக.
படி 3: திரையின் கீழ் உள்ள Navigation Icon என்னும் குறியைச்
சொடுக்கியதும், சட்ட காந்தத்தைச் சுற்றி காந்த ஊசிகள் தோன்றும். சுட்டியைக் கொண்டு
சட்ட காந்தத்தை நகர்த்தும் போது காந்த ஊசிகளின் மாற்றங்களை உற்று நோக்குக.
படி 4: திரையின் கீழ் உள்ள 'field lines' என்பதைச் சொடுக்கி,
காந்த புலங்களின் வரிகளைப் பார்க்க
காந்த உரலி:
http://www.physics-chemistry-interactive-flash-animation.com/electricity_
electromagnetism_interactive/bar_magnet_magnetic_field_lines.htm