காந்தவியல் | பருவம் 3 அலகு 1 | 6 ஆம் வகுப்பு அறிவியல் - இன்றைய அறிவியல் - பறக்கும் இரயில் | 6th Science : Term 3 Unit 1 : Magnetism
6 ஆம் வகுப்பு அறிவியல் : பருவம் 3 அலகு 1 : காந்தவியல்
இன்றைய அறிவியல் - பறக்கும் இரயில்
இன்றைய அறிவியல் - பறக்கும் இரயில்
காந்தங்களின் ஒத்த துருவங்கள் ஒன்றையொன்று விலக்கும் என்பது
நமக்குத் தெரியும். படத்தில் காட்டியவாறு ேேரண்டு சட்ட காந்தங்களை வைக்கவும். நீங்கள்
என்ன காண்கிறீர்கள்?
---------------------------------------------
காந்தங்களின் விலக்கு விசையைக் கொண்டு நாம் காந்தப் பொருள்களை
தூக்கி நிறுத்த முடியும். காந்தத் தூாக்குதலைப் புரிந்து கொள்ள ஒரு விளையாட்டுப் பொருள்
செய்து மகிழ்வோமா?
இந்த விளையாட்டுப் பொருள்பிடித்திருந்ததா?
மின்காந்தத் தொடர்வண்டிகளும் இதே தத்துவத்தின் அடிப்படையில்தான் இயங்குகின்றன. இதனைப்
பற்றிக் கேள்விட்பட்டிருக்கிறீர்களா?
மின்காந்தத் தொடர்வண்டிக்கு மிதக்கும் தொடர்வண்டி என்ற பெயரும்
உண்டு. பறக்கும் தொடர்வண்டி எனவும் இது அழைக்கப்படுகிறது. டீசல், பெட்ரோல் போன்ற எரிபொருள்களைப்
பயண்படுத்தாமல், நாம் மேலே குறிப்பிட்ட காந்த ஈர்ப்பு மற்றும் விலக்கு விசைகளைக் கொண்டு
இந்த அதிவேக தொடர்வண்டி இயங்குகிறது.
மின்காந்த தொடர் வண்டி எவ்வாறு வேலை செய்கிறது?
மின்காந்தத் தொடர்வண்டியில் மின்காந்தங்கள் பயன்படுகின்றன. இவற்றின்
வழியே மின்சாரம் பாயும்போது மட்டுமே காந்தத்தன்மை பெறுகின்றன. மின்சாரத்தின் திசை மாறும்போது
இதன் துருவங்களும் மாறுகின்றன. தொடர்வண்டியின் அடியிலும், தண்டவாளத்திலும் உள்ள காந்தங்களின்
ஒத்த துருவங்கள் ஒன்றையொன்று விலக்குவதன் காரணமாக இத்தொடர்வண்டிகள் தண்டவாளத்திலிருந்து
10 செ.மீ உயரத்தில் அந்தரத்தில் நிலைநிறுத்தப்படுன்றன. காந்தத்தின் ஈர்ப்பு விசையையும்,
என் காந்தத்தின் விலக்கு விசையையும் பயன்படுத்தி காந்தப் பொரு ள்களை நகர்த்த முடியும்
உனக்குத் தெரியுமல்லவா? தண்டவாளத்தில் பக்கவாட்டிலும், தொடர்வண்டியின் கீழே பக்கவாட்டிலும்
உள்ள காந்தங்களினால் இந்தத் தொடர்வண்டி முன்னோக்கி செலுத்தப்படுகிறது. மின்னோட்டத்தின்
மூலம் இக்காந்தங்களை நம்மால் கட்டுப்படுத்த முடியும்.
இத்தொடர்வண்டியில் சக்கரம் போன்ற அசையும் பொருள்கள் இல்லையென்பதால்
உராய்வு விசை கிடையாது. அதனால் மணிக்கு 300 கி.மீ வேகத்திற்கு மேல் எளிதாகச் செல்லலாம்.
இவை மணிக்கு 600 கி.மீ வேகம் வரை கூட செல்லும் திறன் உடையவை. உராய்வு இல்லையென்பதால்
இவை செல்லும் போது அதிக சத்தம் கேட்பதில்லை. குறைந்த மின்சாரமே போதுமானது. சுற்றுச்சூழலுக்கும்
இவை உகந்தவை.
பல நாடுகளில் இது தொடர்பான முயற்சிகள் மேற்கொள்ளப்பட்டாலும்,
சீனா, ஜப்பான், தென்கொரியா போன்ற நாடுகளில் மட்டுமே தற்போது நடைமுறையில் பயணிகள் போக்குவரத்திற்குப்
பயன்படுகிறது.
இந்தியாவிலும் இது தொடர்பான சாத்தியக் கூறுகளை அரசு ஆராய்ந்து
வருகிறது.
சாதாரண தொடர்வண்டிக்கும் மின்காந்த தொடர்வண்டிக்கும் உள்ள வேறுபாடுக
ளைப் பட்டியலிடுங்கள்.
----------------------------------------------------------
-----------------------------------------------------------
--------------------------------------------------------
