வெப்பம் | பருவம் 2 அலகு 1 | 6 ஆம் வகுப்பு அறிவியல் - வெப்பநிலை | 6th Science : Term 2 Unit 1 : Heat
வெப்பநிலை
வெப்பநிலையின்
வரையறை
ஒரு பொருள் எந்த அளவு வெப்பமாக அல்லது குளிர்ச்சியாக உள்ளது
என்பதனை அளவிடும் அளவுக்கு வெப்பநிலை என்று பெயர்.
வெப்பநிலையின் SI அலகு கெல்வின் ஆகும். செல்சியஸ், ஃபாரன்ஹீட்
போன்றவை பிற அலகுகள் ஆகும். செல்சியஸ் என்பது சென்டிகிரேட் எனவும் அழைக்கப்படுகிறது.
வெவ்வேறு வெப்பநிலையில் உள்ள இரு பொருள்கள் ஒன்றையொன்று தொடும்பொழுது
வெப்பமானது எந்தத் திசையில் பாய்கிறது என்பதனை அவற்றின் வெப்பநிலை நிர்ணயிக்கிறது.
செயல்பாடு 2:
கொதிநிலையில் உள்ள நீரின்
வெப்பநிலை
ஒரு
பாத்திரத்தில் நீரை எடுத்துக்கொண்டு
அதை
அடுப்பில் வைத்து படத்திலுள்ளவாறு வெப்பநிலைமானியைப் பொருத்துங்கள். (கவனம் தேவை- வெப்பநிலைமானி
பாத்திரத்தை தொடாதவாறு பார்த்துக் கொள்ளுங்கள். இல்லையேல் அதிக வெப்பநிலையில் உடைந்துவிடும்.)
நீர்
சூடேற வெப்பநிலைமானி ஆரம்பித்தவுடன் ஒவ்வொருவராக வரிசையாக நீரின் வெப்பநிலையை வெப்பநிலைமானியில்
பார்த்து கரும்பலகையில் குறியுங்கள். வெப்பநிலை தொடர்ந்து அதிகரித்துக் கொண்டு வருவதை
நீங்கள் பார்க்கிறீர்களா?
நீர்
கொதிக்கும் போது அதன் வெப்பநிலை எவ்வளவு? ------------------
கொதிநிலைக்குப்
பின் நீரின் வெப்பநிலை உயர்கிறதா? ---------------------
கொதிநிலையிலுள்ள
நீரை மேலும் வெப்பப்படுத்தும்பொழுது அந்த நீரானது தொடர்ந்து வெப்பத்தை உள்வாங்கினாலும்
அதன் வெப்பநிலை உயர்வதில்லை. எந்த வெப்பநிலையில் நீர் கொதிக்கத் துவங்கி, வெப்பநிலை
இருக்கிறதோ அந்த வெப்பநிலைக்குத்தான் நீரின் கொதிநிலை என்று பெயர்.
ஊகித்துக் கூறுங்கள்.
(உங்களது யூகம் எவ்வளவு சரியாக இருக்கிறதென வெப்பநிலைமானி கொண்டு
சரிபாருங்கள்.)
❖ நீ அருந்தும் தேநீரின் வெப்பநிலை தோராயமாக எவ்வளவு
இருக்கும்? -----------
❖ நீ அருந்தும் குளிர்விக்கப்பட்ட எலுமிச்சை ஜூஸின்
வெப்பநிலை தோராயமாக எவ்வளவு இருக்கும்? ---------------------
சாதாரணமாக அறைவெப்பநிலையில் உள்ள நீரின் வெப்பநிலை சுமார்
30°C அளவில் இருக்கும். நீரைச் சூடுபடுத்தும் போது வெப்பநிலை அதிகரித்து, அது
100°C ல் கொதித்து நீராவியாக மாறுகிறது. நீரைக் குளிர்விக்கும்போது வெப்பநிலை குறையத்
தொடங்கி O°C ல் பனிக்கட்டியாக உறைகிறது.
(குறிப்பு: 30°C என்பதை 30 டிகிரி செல்சியஸ் அல்லது
30 டிகிரி சென்டிகிரேடு என உச்சரிக்க வேண்டும்.)
நீலாவின் கூற்று சரியா?
A,
B என்ற இரு முகவைகளில் 80°C வெப்பநிலை கொண்ட நீர் உள்ளது. A, B முகவைகளிலுள்ள நீரை
C என்ற காலி முகவைக்குள் ஊற்றவும். தற்போது முகவை C யின் வெப்பநிலை என்ன? நீலா
160° C எனக் கூறுகிறாள்.
உன்
கணிப்பு என்ன? நீலா சரியாகக் கூறினாளா? விடையை அனுமானித்து சோதனை மூலம் நிரூபிக்கவும்.
ஆப்பிரிக்காவிலுள்ள, லிபியாவில், 1922 ம் வருடத்தில் ஒரு நாள், காற்றின் வெப்பநிலையானது 59°C எனக் கணிக்கப்பட்டிருக்கிறது. அண்டார்ட்டிக் கண்டத்தின் வெப்பநிலைதான் உலகிலேயே மிகக் குறைந்த வெப்பநிலையாக அளவிடப்பட்டுள்ளது.
அது தோராயமாக -89°C எனக் கணக்கிடப்பட்டுள்ளது. வெப்பநிலை நீரின் உறைநிலைக்குக் இருக்கும்
பொழுது (-) உபயோகப்படுத்தப் குறைவாக எதிர்குறி படுகிறது. நீரின் உறைநிலை 0°C எனக் கணக்கிடப்படுகிறது.
நீரானது 0°C வெப்பநிலையில் பனிக்கட்டியாக மாறுகிறது என்றால் 89°C என்பது எந்த அளவுக்குக்
குளிராக இருக்கும் என்பதனை சிந்தித்துப்பார். நமது உடலின் சராசரி வெப்பநிலை 37°C ஆகும்.
காற்றின் வெப்பநிலை 15°C முதல் 20°C அளவில் இருக்கும்பொழுது நமது உடல் குளிர்ச்சியாக
உணர்கிறது.
உனது கிராமம் அல்லது நகரத்தில் குளிர்காலத்தில் இரவு வெப்பநிலை எந்த அளவுக்கு இருக்கும் என்பதனை மதிப்பிடவும்.