நம்மைச் சுற்றியுள்ள பருப்பொருள்கள் | அலகு 9 | 8 ஆம் வகுப்பு அறிவியல் - உலோகங்களும் அலோகங்களும் | 8th Science : Chapter 9 : Matter Around Us
உலோகங்களும் அலோகங்களும்
மனிதனின் நாகரிக வளர்ச்சிபல உலோகங்கள் மற்றும் அலோகங்களின் கண்டுபிடிப்புடன்
தொடர்புடையது. இன்றும்கூட ஒரு நாட்டின் வளமைக்கான குறியீடு அந்நாடு உற்பத்தி செய்யும்
உலோகங்கள் மற்றும் அலோகங்களின் அளவைப் பொருத்து அமைகிறது. ஒரு நாட்டின் பொருளாதாரம்
அந்நாட்டில் இருப்பில் வைக்கப்பட்டுள்ள தங்கத்தின் அளவைக் கொண்டு அளவிடப்படுகிறது.
ஒரு தனிமம் உலோகமா அல்லது அலோகமா என்பதை அதன் பண்புகளை உலோகங்கள்
மற்றும் அலோகங்களின் பொதுப் பண்புகளுடன் ஒப்பிட்டு அடையாளம் காணலாம். அவ்வாறு செய்யும்போது
சில தனிமங்கள் அலோகப்பண்புடனும் உலோகப்பண்புடனும், ஒத்துப்போவதை நாம் அறியலாம். அப்படிப்பட்ட
தனிமங்கள் அரை உலோகங்கள் அல்லது உலோகப்போலிகள் என அழைக்கப்படுகின்றன. தனிமங்கள் அவற்றின்
பண்புகளின் அடிப்படையில் உலோகங்கள், அலோகங்கள் மற்றும் உலோகப்போலிகள் என வகைப்படுத்தப்படுகின்றன.
1. உலோகங்கள்
நாம் அன்றாட வாழ்வில் பயன்படுத்தும் இரும்பு, தாமிரம், தங்கம்,
வெள்ளி போன்றவை உலோகங்கள் ஆகும். உலோகங்களின் பண்புகள் மற்றும் பயன்கள் கீழே கொடுக்கப்பட்டுள்ளன.
அ. உலோகங்களின் இயற்பியல் பண்புகள்
• இயல்பான வெப்பநிலை மற்றும் அழுத்தத்தில் உலோகங்கள் திண்மநிலையில்
இருக்கின்றன.
• பெரும்பான்மையான உலோகங்கள் கடினமானவை.
• பொதுவாக உலோகங்கள் அதிக அடர்த்தியைப் பெற்றுள்ளன.
• அனைத்து உலோகங்களும் பளபளப்பானவை. இப்பளபளப்பு உலோகப் பளபளப்பு
என அழைக்கப்படுகிறது.
• உலோகங்கள் பொதுவாக அதிக உருகுநிலை மற்றும் கொதிநிலையைப் பெற்றுள்ளன.
• உலோகங்களை சுத்தியால் அடித்து மிகவும் மெலிதான தகடாக மாற்றிவிடலாம்.
உலோகங்களின் இப்பண்பு தகடாக மாறும் பண்பு என அழைக்கப்படுகிறது. இப்பண்பின் அலுமினியம்
காரணமாகவே மாற்றப்பட்டு பயன்படுத்தப்படுகிறது.
• உலோகங்களை இழுத்து மெல்லிய கம்பியாக மாற்றிவிடலாம். உலோகங்களின்
இப்பண்பு கம்பியாக நீளும் பண்பு என அழைக்கப்படுகிறது. எடுத்துக்காட்டு: தாமிரக் கம்பிகள்,
• பொதுவாக உலோகங்கள் வெப்பத்தையும் மின்சாரத்தையும் நன்கு கடத்தக்கூடியவை.
• உலோகங்களைத் தட்டும்போது அவை தனித்துவமான ஒலியை எழுப்பும்
பண்பைப் பெற்றுள்ளன. இப்பண்பு ஆலய மணிகள் தயாரிக்க பயன்படுத்தப்படுகிறது.
செயல்பாடு 1
ஒரு
மின்கலம், சில இணைப்புக் கம்பிகள், மின் விளக்கு, இரும்பு ஆணி மற்றும் பென்சிலின் நடுத்
தண்டு (கிராஃபைட்) ஆகியவற்றை எடுத்துக்கொள். முதலில் ஆணியை மின்சுற்றில் இணைக்கவும்.
விளக்கு எரிகிறதா? இப்பொழுது பென்சிலின் நடுத்துண்டை இணைக்கவும். நீ என்ன கண்கிறாய்?
ஆ. உலோகங்களின்
பயன்கள்
• பாலங்கள் கட்டவும், எந்திரங்களின் பகுதிப் பொருள்கள், இரும்புத்
தகடுகள், தண்டுகள் போன்றவை தயாரிக்கவும் இரும்பு பயன்படுகிறது.
• மின் கம்பிகள், சிலைகள், நாணயங்கள் ஆகியவை தயாரிக்க தாமிரம்
பயன்படுகிறது.
• தங்கம் மற்றும் வெள்ளி ஆகியவை அலங்கார நகைகள் தயாரிப்பிலும்,புகைப்படத்துறையிலும்
பயன்படுகின்றன.
• அதிக அடர்த்தி கொண்டுள்ளதாலும், வெவ்வேறு வெப்பநிலையில் சீராக
விரிவடையும் தன்மையைப் பெற்றிருப்பதாலும் வெப்பநிலைமானிகள் மற்றும் காற்றழுத்தமானிகளில்
பாதசரம் பயன்படுத்தப்படுகிறது.
.• மின் கம்பிகள், வானூர்தி மற்றும் ராக்கெட்டின் பாகங்கள் தயாரிக்க
அலுமினியம் பயன்படுகிறது.
• தானியங்கி வாகனங்களின் மின்கலன்கள் தயாரிக்கவும், X-கதிர்
எந்திரங்கள் தயாரிக்கவும் காரீயம் பயன்படுகிறது.
2. அலோகங்கள்
கந்தகம், கார்பன், ஆக்சிஜன் போன்ற தனிமங்கள் அலோகங்கள் ஆகும்.
அலோகங்களின் இயற்பியல் பண்புகள் மற்றும் பயன்களுள் சில கீழே கொடுக்கப்பட்டுள்ளன.
அ. அலோகங்களின் இயற்பியல் பண்புகள்
• .இயல்பான வெப்பநிலையில் அலோகங்கள் திண்மம், திரவம், வாயு ஆகிய
மூன்று நிலைகளிலும் காணப்படுகின்றன. உதாரணமாக, கந்தகம் மற்றும் பாஸ்பரஸ் திடநிலையிலும்,
புரோமின் திரவநிலையிலும் காணப்படுகின்றன. ஆக்சிஜன் மற்றும் நைட்ரஜன் ஆகியவை வாயு நிலையில்
உள்ளன.
• வைரத்தைத் தவிர பிற அலோகங்கள் பொதுவாக கடினத்தன்மை அற்றதாக
உள்ளன (வைரம் என்பது கார்பனின் ஒரு வடிவம்).
• அலோகங்கள் பளபளப்பற்ற தோற்றத்தையே கொண்டுள்ளன.
• அலோகங்கள் சாதாரணமாக மென்மையானவை மற்றும் அடர்த்தி குறைந்தவை.
வைரம் மட்டும் அதிக அடர்த்தி கொண்டது. இயற்கையில் கிடைக்கும் பொருள்களில் மிகவும் கடினமானது
வைரம்.
• அலோகங்கள் குறைந்த உருகுநிலையும், கொதிநிலையும் கொண்டவை.
• அலோகங்கள் தகடாக மாறும் பண்பு அற்றவை. அலோகங்கள் கம்பியாக மாறும் தன்மை அற்றவை. கார்பன் இழைகள் கம்பியாக நீளும் தன்மையைப் பெற்றுள்ளன..
• அலோகங்கள் பொதுவாக மின்சாரத்தை கார்பனின் அரிதாகக் கடத்துகின்றன.
ஒரு வடிவமாகிய கிராஃபைட் மட்டுமே மின்சாரத்தைக் கடத்தும்.
• அலோகங்களைத் தட்டும்போது அவை ஒலி எழுப்புவதில்லை.
செயல்பாடு 2
ஒரு
உலோகப் பாத்திரத்தை தேக்கரண்டியினால் தட்டி ஒலி எழுப்பவும். எழும் ஒலியைக் கவனிக்க.
ஒரு மரக்கரித் துண்டை அதே தேக்கரண்டியால் தட்டவும். இப்போது ஏற்படும் ஒலியைக் கவனி.
வேறுபாட்டை உணரமுடிகிறதா?
பெரும்பாலான
உலோகங்கள் கணீர் என்ற ஒலியை ஏற்படுத்துகின்றன. இதிலிருந்து உலோகங்கள் ஒலியெழுப்பும்
பண்பு கொண்டவை என்பது புலப்படுகிறது. அலோகங்களுக்கு ஒலி எழுப்பும் பண்பு இல்லை.
ஆ. அலோகங்களின்
பயன்கள்
• அலங்கார நகைகள் தயாரிக்கவும், வெட்டும் மற்றும் அரைக்கும்
சாதனங்கள் தயாரிக்கவும் வைரம் பயன்படுகிறது. கரிக்கோலின் (பென்சிலின்) நடுத்தண்டில்
கிராஃபைட் பயன்படுத்தப்படுகிறது.
• துப்பாக்கித் தூள் தயாரிக்க கந்தகம் பயன்படுகிறது. ரப்பரை
கெட்டிப்படுத்துதலிலும் (வல்கனைஸ் செய்தல்) கந்தகம் பயன்படுகிறது.
• தீப்பெட்டி தயாரிக்கவும், எலி மருந்து தயாரிக்கவும் பாஸ்பரஸ்
பயன்படுகிறது.
• அம்மோனியா தயாரிக்க நைட்ரஜன் பயன்படுகிறது.
• நிறம் நீக்கும் பொருளாகவும், குடிநீரில் உள்ள நுண்ணுயிரிகளை
அழிக்கும் பொருளாகவும் குளோரின் பயன்படுகிறது. ]
• ஹைட்ரஜன் ராக்கெட் எரிபொருளாகப் பயன்படுகிறது. உலோகங்களை உருக்கி
வெட்டவும், ஒட்டவும் ஹைட்ரஜன் சுடர் பயன்படுகிறது. பல வேதிவினைகளில் குறைப்பானாகவும்
ஹைட்ரஜன் பயன்படுகிறது.
3. உலோகப்
போலிகள்
உலோகப் பண்புகளையும், அலோகப் பண்புகளையும் பெற்றுள்ள தனிமங்கள்
உலோகப் போலிகள் எனப்படுகின்றன. எடுத்துக்காட்டு போரான், சிலிக்கான், ஆர்சனிக், ஜெர்மானியம்,
ஆண்டிமனி,டெல்லூரியம் மற்றும் பொலோனியம்.
அ. உலோகப் போலிகளின் இயற்பியல் பண்புகள்
• உலோகப் போலிகள் அனைத்தும் அறைவெப்பநிலையில் திண்மங்கள்.
• உலோகப் போலிகள் பிற உலோகங்களுடன் சேர்ந்து உலோகக் கலவைகளை
ஏற்படுத்துகின்றன.
• சிலிக்கான், ஜெர்மானியம் போன்ற உலோகப் போலிகள் குறிப்பிட்ட
சூழ்நிலைகளில் மின்சாரத்தைக் கடத்துகின்றன. எனவே, அவை குறைகடத்திகள் என அழைக்கப்படுகின்றன.
• சிலிக்கான் பளபளப்பானது (உலோகப் பண்பு). ஆனால், தகடாக விரியும்
பண்பையோ, கம்பியாக நீளும் பண்பையோ பெற்றிருப்பதில்லை. இது, உலோகங்களை விட குறைந்த அளவே
மின்சாரத்தையும், வெப்பத்தையும் கடக்கிறது.
• உலோகப்போலிகளின் இயற்பியல் பண்புகளை பண்புகள் உலோகங்களின்
ஒத்திருக்கின்றன. ஆனால் அவற்றின் பண்புகள் அலோகங்களின் வேதியியல் பண்புகளை ஒத்திருக்கின்றன.
ஆ. உலோகப் போலிகளின் பயன்கள்
• சிலிக்கான் மின்னணுக் கருவிகளில் பயன்படுகிறது.
• போரான் பட்டாசுத் தொழிற்சாலையிலும், ராக்கெட் எரிபொருளைப் பற்றவைக்கும் பொருளாகவும் பயன்படுகிறது.