வின்டோஸின் பல்வேறு பதிப்புகள்

வின்டோஸின் பல்வேறு பதிப்புகள்

விண்டோஸ் இயக்க அமைப்பில், விசைப்பலகை மற்றும் சுட்டி ஆகிய இரண்டையும் உள்ளீட்டு சாதனங்களாகப்  பயன்படுத்தலாம். சுட்டியை பணிக்குறிகளில் கிளிக் செய்வதன் மூலம், விண்டோஸ்-ல் கூறுகளுடன் எளிதில் செயல்பட முடியும். விசைப்பலகை, எழுத்துக்கள், எண்கள் மற்றும் சிறப்பு  குறியீடுகளை உள்ளிடப் பயன்படுகிறது.

விண்டோஸ் இயக்க அமைப்பின் சில  செயல்பாடுகள்

● சொற்செயலிகள், அட்டவணைச் செயலிகள், கணிப்பான், விளையாட்டுகள் போன்ற பயன்பாடுகளை இயக்குவதற்கு. 

● கணிப்பொறியில் புதிய பயன்பாடுகளை நிறுவுவதற்கு. 

● அச்சுப் பொறி, வருடி, சுட்டி, இலக்க வகை கேமரா போன்ற வன்பொருள்களை மேலாண்மை செய்வதற்கு. 

● கோப்பு மற்றும் கோப்புறைகள் உருவாக்குதல், பதிப்பாய்வு செய்தல், சேமித்தல், அழித்தல் போன்ற கோப்பு மேலாண்மை செயல்பாடுகளை செய்வதற்கு. 

● கணிப்பொறியின் அமைப்புகளான (Settings), வண்ண திட்டங்கள் (Colour Scheme), திரைக்காப்பு (Screen Savers) போன்றவற்றை திரையில் மாற்றி அமைக்க. 

அட்டவணை 5.1 ல் விண்டோஸ் இயக்க அமைப்பின் பல்வேறு பதிப்புகள் பட்டியலிடப்பட்டுள்ளது.

வின்டோஸின் பல்வேறு பதிப்புகள் 

பதிப்புகள் : சின்னம் : ஆண்டு : முக்கிய சிறப்பியல்புகள் 

விண்டோஸ் 1.x 1985

(1) 16 பிட்டுகளில் வரைகலை பயனர் இடைமுகம் அறிமுகம் செய்யப்பட்டது. 

(2) சுட்டி, உள்ளீட்டுச் சாதனமாக அறிமுகம் MICROSOFT WINDOWS செய்யப்பட்டது. 

விண்டோஸ் 2.x 1987

● சன்னல் திரையை சிறிதாக்குதல், அல்லது பெரிதாக்குதல் வசதி.

● தனிப் பயனாக்குதல் விருப்பத் தேர்வுகள் (Customising Options)      மற்றும் கணிப்பொறி அமைப்பு (Computer System Setting) மாற்றுதல் போன்ற சிறப்பம்சங்களுடன் "கட்டுப்பாட்டுப் பலகம்' (Control Panel) அறிமுகம் செய்யப்பட்டது.

விண்டோஸ் 3.x 1992

● விண்டோஸ்-ல் "பல்பணி கருத்துரு” (Concepts of Multitasking) அறிமுகம். 

● 256 வண்ணங்களை ஆதரிப்பதால், அதிநவீன வண்ணமயமான தோற்றத்தை இடைமுகத்திற்கு அளிக்கிறது.

விண்டோஸ் 95 1995

● தொடக்க பொத்தான், பணிப்பட்டை விண்டோஸ் எக்ஸ்ப்ளோரர் மற்றும் தொடக்கப்பட்டி அறிமுகம். 

● 32 பிட் செயலி அறிமுகம் மற்றும் பல்பணியாக்கம் மீது அதிக கவனம் செலுத்தப்பட்டது.

விண்டோஸ் 98 1998

● இயக்க அமைப்புடன், ஒருங்கிணைந்த இணைய உலவி (இண்டர்நெட் எக்ஸ்ப்ளோரர் - Internet Explorer) அறிமுகம். 

● DOS அடிப்படையிலான விளையாட்டுகள் மறையத் தொடங்கி, விண்டோஸ் அடிப்படையிலான விளையாட்டுகள் மேம்படுத்தப்பட்டது. 

● செருகி (Plug and play) உபயோகித்தல் சிறப்பம்சம் அறிமுகம்,

விண்டோஸ் NT

● வலையமைப்பில் சேவையகம் போல் வடிவமைக்கப்பட்டது.

விண்டோஸ் Me 2000

● தானியங்கு கணிப்பொறி பரிசோதித்தல் மற்றும் மீட்புக் கருவிகள் அறிமுகப்படுத்தப்பட்டன. 

விண்டோஸ் 2000

● வணிகமேசைக் கனிணி மற்றும் மடிக் கனிணிகளில் இயக்க அமைப்பாக சேவையாற்றியது. 

● விண்டோஸ் 2000ல் நான்கு பதிப்புகள் வெளியிடப்பட்டன. 

● Professional (வணிக மேசைக் கனிணி மற்றும் மடிக்கணினிகள்) 

● Server (இணைய சேவையகம் மற்றும் அலுவலக சேவையகம்). 

● Advanced Server (தொழில்துறை பயன்பாட்டிற்காக) 

● Data Centre Server (உயர் போக்குவரத்து (high-traffic) கணிப்பொறி சேவையகம்).

விண்டோஸ் XP 2001

● 64-பிட் செயலிகள் அறிமுகம். 

● வின்டோஸ் தோற்றம் மற்றும் நிலையான பணித்தளம் மேம்படுத்தப்பட்டது.

விண்டோஸ் Vista 2006

● விண்டோஸ் தோற்றம் மேம்படுத்தப்பட்டது.

விண்டோஸ் 7  2009

● கணிப்பொறியின் தொடங்குதல் நேரம் மேம்படுத்தப்பட்டது. 

● ஏரோ பீக் (Aero Peek), பணிப்பட்டையில் பயன்பாடுகளை இணைத்தல் (pinning programs to taskbar), கையெழுத்து உணர்தல் (Handwriting recognition), இன்டர்நெட் எக்ஸ்புளோரர் 8 (Internet Explorer 8) போன்ற புதிய பயனர் இடைமுக வசதிகள் அறிமுகப்படுத்தப்பட்டது.

விண்டோஸ் 8 2012

● விண்டோஸ்-ன் முந்தைய பதிப்புகளை விட விண்டோஸ் 8 மிகவும் வேகமாக செயல்படக் கூடியது. 

● தொடக்க பொத்தான் நீக்கப்பட்டது. 

● விண்டோஸ் 8 - யில் "பல் அடுக்கு செயலி" (Multi Core Processing), திட நிலை இயக்கிகள், தொடுதிரை மற்றும் மாற்று உள்ளீட்டு முறைகள் போன்ற சிறந்த நன்மைகள் உள்ளன. 

● கைப்பேசி மற்றும் கணிப்பொறிகளுக்கான பொதுவான பணிமேடையாக செயல்பட்டது.

விண்டோஸ் 10 2015

● தொடக்க -பொத்தான மீண்டும் சேர்க்கப்பட்டது.

● ஒன்றுக்கும் மேற்பட்ட திரை முகப்பு  

● "செயலி அறிவிப்பு" மற்றும் "விரைவு நடவடிக்கை செயலிக்கான மத்திய அறிவிப்பு மையம்" அறிமுகம், 

கார்டானா குரல் செயலியக்க தனி உதவியாளர் வசதி (Cortana voice activated Personal assistant)