இயற்பியல் செய்முறை பரிசோதனை - விளம்பு விளைவுக் கீற்றணி மற்றும் நிறமாலைமானியைப் பயன்படுத்தி ஒரு தொகுப்பு ஒளியில்உள்ள நிறங்களின் அலைநீளம் கண்டறிதல் | 12th Physics : Practical
விளம்பு விளைவுக் கீற்றணி மற்றும் நிறமாலைமானியைப் பயன்படுத்தி ஒரு தொகுப்பு ஒளியில்உள்ள நிறங்களின் அலைநீளம் கண்டறிதல்
விளிம்பு விளைவுக் கீற்றணி மற்றும் நிறமாலைமானி ஆகியவற்றைப் பயன்படுத்தி ஒரு தொகுப்பு ஒளியில் உள்ள நிறங்களின் அலைநீளத்தைக்கண்டறிதல்.
நிறமாலைமானி, பாதரச வாயு விளக்கு, விளிம்பு விளைவுக் கீற்றணி,கீற்றணி மேசை மற்றும் பாதரச மட்டம்.
இங்கு, λ à தொகுப்பு ஒளியில் உள்ள நிறங்களின் அலைநீளம்
Nàகொடுக்கப்பட்ட
கீற்றணியின் ஒரு மீட்டர் நீளத்தில் உள்ளகோடுகளின் எண்ணிக்கை (அலகு இல்லை) (N-ன் மதிப்புகொடுக்கப்பட்டுள்ளது)
n àவிளிம்பு
விளைவின் வரிசை (அலகு இல்லை)
θà விளிம்பு விளைவுக் கோணம் (டிகிரி)
1. நிறமாலைமானியின்
தொடக்கச் சீரமைவுகள்
• கண்ணருகு
லென்சு: குறுக்குக்கம்பிகள் தெளிவாக தெரியுமாறு கண்ணருகு லென்ஸ் சரி
செய்யப்படுகிறது.
• பிளவு: இணையாக்கியின்
பிளவு மெல்லியதாகவும் செங்குத்தாகவும் அமைக்கப்படுகிறது.
• நிறமாலைமானியின்
அடிப்பகுதி: மட்டத் திருகுகள் மூலம் நிறமாலைமானியின் அடிப்பகுதி
கிடைத்தளமாக இருக்குமாறு செய்யப்படுகிறது.
• தொலைநோக்கி
:
தொலைவில் உள்ள பொருளை நோக்கி தொலைநோக்கி திருப்பப்படுகிறது. பொருளின் தெளிவான தலைகீழான
பிம்பம் கிடைக்குமாறு செய்யப்படுகிறது. தற்போது இணைக்கதிர்களை பெறுமாறு தொலைநோக்கியானது
சரி செய்யப்பட்டுள்ளது.
• இணையாக்கி: தொலை
நோக்கியும் இணையாக்கியும் ஒரே நேர்க்கோட்டில் அமைக்கப்படுகின்றன. பிளவின் தெளிவான பிம்பம்
தொலைநோக்கியில் தெரியுமாறு, இணையாக்கி சரி செய்யப்படுகிறது. தற்போது இணையாக்கி இணையான
ஒளிக்கதிர்களை தருகிறது.
• கீற்றணி
மேசை: பாதரச மட்டம் மற்றும் மட்டத் திருகுகளைப் பயன்படுத்தி, கீற்றணி
மேசை கிடைமட்டமாக இருக்குமாறு சரி செய்யப்படுகிறது.
2. நேர்க்குத்து
படுகதிரை பெறுவதற்கு கீற்றணியைச் சரி செய்தல்.
• பாதரச வாயு விளக்கின் தொகுப்பு ஒளி (வெள்ளை நிற ஒளி) மூலம்
பிளவானது ஒளியூட்டப்படுகிறது.
• இணையாக்கியுடன் ஒரே நேர்க் கோட்டில் இருக்குமாறு தொலைநோக்கியானது
சுழற்றப்படுகிறது. பிளவின் பிம்பம் செங்குத்து குறுக்குக்கம்பியில் இணையுமாறு செய்யப்படுகிறது
(படம் (அ)1).
•வெர்னியர் அளவுகோலானது 0° - 180o என்ற அளவுகளில்
இருக்குமாறு, வெர்னியர் வட்டு மட்டும் சுழற்றப்படுகிறது. இதுவே நேர்க்கதிரின் அளவீடு
ஆகும்.
• தொலைநோக்கியானது இடஞ்சுழியாக 90° சுழற்றப்பட்டு, பின் பொருத்தப்படுகிறது
(படம் (அ)2).
• சமதள கீற்றணி ஒன்று கீற்றணி மேசை மீது ஏற்றப்படுகிறது.
• கீற்றணியில் பட்டு எதிரொளிக்கும் ஒளியானது தொலைநோக்கியில்
பிடிக்கப்படுகிறது. எதிரொளிக்கப்பட்ட பிளவின் பிம்பம் வெள்ளை நிறத்தில் அமையும். இந்தப்
பிம்பம், செங்குத்துக் குறுக்குக் கம்பியில் இணையுமாறு கீற்றணி மேசை மட்டும் சரி செய்யப்படுகிறது
(படம் அ(3)).
• தற்போது வெர்னியர் வட்டு விடுவிக்கப்படுகிறது. வெர்னியர் வட்டு,
கீற்றணி மேசை ஆகிய இரண்டும் தகுந்த திசையில் 45°சுழற்றப்படுகின்றன. இணையாக்கியில் இருந்து
வரும் ஒளியானது கீற்றணி மீது நேர்க்குத்தாக விழுகிறது (படம் (அ)4).
3. பாதரச
வாயு விளக்கில் உள்ள தொகுப்பு ஒளியின் அலை நீளத்தை கண்டுபிடித்தல்
• தொலைநோக்கி விடுவிக்கப்பட்டு, இணையாக்கியுடன் ஒரே நேர்க்கோட்டில்
கொண்டுவரப்படுகிறது. மையத்தில் உள்ள நேர்க்கதிரின் பிம்பத்தை பெறுமாறு தொலைநோக்கி அமைக்கப்படுகிறது.
நிறப்பிரிகை அடையாத இந்தப் பிம்பம் வெள்ளை நிறத்தில் இருக்கும்.
• நேர்க்கதிரின் இரு புறங்களிலும் விளிம்பு விளைவு அடைந்த பிம்பங்கள்
தோன்றுகின்றன.
• விளிம்பு விளைவு அடைந்த பிம்பமானது பாதரச வாயு விளக்கின் முக்கிய
நிறங்களை கொண்டிருக்கும். அலைநீளத்தின் ஏறுவரிசையில் இந்த நிறங்கள் அமைந்திருக்கும்.
• தொலைநோக்கியானது நேர்க்கதிரின் ஏதேனும் ஒரு புறம் திருப்பப்பட்டு
(எ.கா. இடது புறம்), முதல் வரிசை விளம்பு விளைவு பிம்பத்தைப் பெறுமாறு சரி செய்யப்படுகிறது.
• தொலைநோக்கியின் செங்குத்து குறுக்குக் கம்பியானது முக்கிய
நிறங்களின் (எ.கா. ஊதா, நீலம், மஞ்சள், சிவப்பு) நிறமாலைவரிகளுடன் இணையுமாறு செய்யப்படுகிறது.
ஒவ்வொரு நிறத்திற்கும் இரண்டு வெர்னியர் அளவுகோல்களின் அளவீடுகள் குறித்துக் கொள்ளப்படுகின்றன.
• தற்போது தொலைநோக்கி நேர்க்கதிரின் வலது புறம் சுழற்றப்பட்டு,
முதல் வரிசை பிம்பம் பெறப்படுகிறது.
• இடது புறம் பெறப்பட்ட அதே நிறங்களின் நிறமாலைவரிகளுடன் செங்குத்து
குறுக்குக்கம்பி பொருத்தப்படுகிறது. மீண்டும் ஒவ்வொரு நிறத்திற்கும் இரண்டு வெர்னியர்
அளவுகோல்களின் அளவீடுகள் குறித்துக் கொள்ளப்படுகின்றன.
•அளவீடுகள் அட்டவணைப் படுத்தப்படுகின்றன.
• இவ்விரு அளவீடுகளுக்கு இடையே உள்ள வேறுபாடு, குறிப்பிட்ட நிறத்திற்கான
20 மதிப்பைத் தரும்.
• கொடுக்கப்பட்ட கீற்றணியில் ஒரு மீட்டர் நீளத்தில் உள்ள கோடுகளின்
எண்ணிக்கை N ஆனது கீற்றணியிலிருந்து குறித்துக் கொள்ளப்படுகிறது.
• N, n மற்றும் θ ஆகியவற்றின் மதிப்புகளிலிருந்து, பாதரச வாயு விளக்கில் உள்ள முக்கிய நிறங்களின் அலைநீளங்கள் கணக்கிடப்படுகின்றன.
பாதரச
ஆவி விளக்கில் உள்ள முக்கிய நிறங்களில் அலைநீளத்தை கண்டறிதல்
(i) நீலம், λ =
sinθ/nN
(ii) பச்சை, λ = sinθ/nN
(iii) மஞ்சள் λ =
sinθ/nN
(iv) சிவப்பு = λ =
sinθ/nN
1. நீல நிற வரியின் அலை நீளம் = _______________
Å
2. பச்சை நிற வரியின் அலை நீளம் = _____________ Å
3. மஞ்சள் நிற வரியின் அலை நீளம் = _____________ Å
4. சிவப்பு நிற வரியின் அலை நீளம் = _____________ Å
தொடக்கச் சீரமைவுகள் செய்த பிறகு, நிறமாலைமானியின் நிலையை, குறிப்பாக இணையாக்கியை, மாற்றுவது கூடாது.
மொத்த அளவீடு TR = MSR + (VSL × LC)
இங்கு,
MSR = முதன்மைக்கோல் அளவீடு
VSC = வெர்னியர் கோல் ஒன்றிணைவு
LC = மீச்சிற்றளவு (= 1')