மின்னியல் | பருவம் 2 அலகு 2 | 6 ஆம் வகுப்பு அறிவியல் - மின்சுற்றுகள் | 6th Science : Term 2 Unit 2 : Electricity
மின்சுற்றுகள்
தாத்தா செல்வியிடம் டார்ச் விளக்கு எடுத்து வரச் சொல்கிறார்.
டார்ச் விளக்கு எடுத்து வரும்பொழுது கீழேவிழுந்து மின்கலன்கள் வெளியே வந்துவிட்டன.
மின்கலன்களை உள்ளே வைத்து இயக்கியும் டார்ச் விளக்கு ஒளிரவில்லை.(படம்-1)
டார்ச் கருதி செல்வி அழத் தொடங்கினாள். அங்கு வந்த அவளது மாமா,
மின்கலன்களை சரியாகப் பொருத்தி டார்ச் விளக்கை ஒளிரச் செய்தார். (படம்-2)
செல்வியின் முகமும் ஒளிர்ந்தது. மாமா காரணத்தைக் கூறி மின்சுற்றுகள்
குறித்து அவளுக்கு விளக்கினார்.
டார்ச் விளக்கின் உட்புற அமைப்பிற்கான படம்
மின்சுற்று என்பது மின்கலத்தின் நேர்முனையிலிருந்து எதிர்முனைக்கு மின்னூட்டம் செல்லும் தொடர்ச்சியான மூடிய பாதையாகும்.
மின்சுற்று என்பது பொதுவாகப் பின்வருவனவற்றால் உருவாக்கப்படும்.
அ) மின்கலன்
(அ) மின்கல அடுக்கு - மின்னோட்டத்தைத் தரும் மூலம்.
ஆ) இணைப்புக்கம்பிகள்
-
மின்னோட்டத்தை எடுத்துச் செல்ல.
இ) மின்விளக்கு
–
போன்ற மின்னாற்றலைப் பயன்படுத்தும் அமைப்பு.
ஈ) சாவி
–
மின்னோட்டத்தைத் தேவையானபோது செலுத்தவோ, நிறுத்தவோ பயன்படும் அமைப்பு. இது மின்சுற்றின்
எப்பகுதியிலும் இணைக்கப்படலாம்.
அ. திறந்த மின்சுற்று
மின்கலம் சாவி (திறந்த நிலை) ஒளிராத மின் விளக்கு ஒரு மின் சுற்றில்
சாவியானது திறந்த நிலையில் (OFF) இருந்தால் அந்த மின் சுற்றில் மின்னோட்டம் செல்லாது.
அத்தகைய மின் சுற்று திறந்த மின் சுற்று எனப்படும். இதில் மின் விளக்கு ஒளிராது.
ஆ. மூடிய மின்சுற்று
ஒரு மின் சுற்றில் சாவியானது மூடிய (ON) நிலையில் இருப்பின்
அந்தச் சுற்றில் மின்னோட்டம் பாயும். எனவே மின்விளக்கு ஒளிரும். இது மூடிய மின்சுற்று
எனப்படும். உனக்குக் கிடைக்கும் எளிய பொருள்களைக் கொண்டு உன்னால் ஒரு சாவியை
(switch) உருவாக்க முயற்சி செய்.
மின்சுற்றின்
வகைகள்
1. எளிய மின்சுற்று
2. தொடரிணைப்பு
3. பக்க இணைப்பு
1. எளிய மின்சுற்று
ஒரு சாவி, ஒரு மின்கலன் ஒரு மின்விளக்கு மற்றும் இணைப்புக் கம்பி
கொண்டு உருவாக்கப்படும் மின்சுற்று எளிய மின்சுற்று எனப்படும்.
2. தொடர் இணைப்பு மின்சுற்று
ஒன்றுக்கு மேற்பட்ட மின் விளக்குகள் தொடராக இருக்குமாறு சாவி,
மின்கலன் மற்றும் இணைப்புக் கம்பிகள் மூலம் இணைக்கப்படும் மின்சுற்று தொடர் இணைப்பு
மின்சுற்று எனப்படும். இந்த மின்சுற்றில் ஏதேனும் ஒரு மின்விளக்கு பழுதடைந்தாலும் மின்சுற்று
தொடரில் உள்ள அனைத்து விளக்குகளும் அணைந்துவிடும்.
3. பக்க இணைப்பு மின்சுற்று
ஒன்றுக்கு மேற்பட்ட மின் விளக்குகள் இணையாக இருக்குமாறு சாவிகள்,
மின்கலன்மற்றும் இணைப்பு கம்பிகள் கொண்டு உருவாக்கப்படுவது பக்க இணைப்பு மின்சுற்று
எனப்படும். இந்த மின்சுற்றில் ஏதேனும் ஒரு மின்விளக்கு பழுதடைந்தாலும், அந்த இணைப்பில்
மற்ற விளக்குகள் எனவே, வீடுகளில் பக்க இணைப்பு முறையே பின்பற்றப்படுகிறது.
மின் பொருட்களின் குறியீடுகளின் பட்டியல்
மின்சுற்றுகளில் நாம் மின் சாதனங்களின் படங்களைக் குறிப்பிட்டோம்.
மிகப்பெரிய மின்சுற்றுகளைப் படங்களால் குறிப்பிடுவது கடினம். எனவே, அவற்றைக் குறியீடுகளால்
குறிப்பிடுகிறோம். மின்பொருள்களின் குறியீடுகளினால், மிகப் பெரிய மின்சுற்றுகளையும்
மிக எளிதாக நம்மால் புரிந்துகொள்ள முடிகிறது.
ஈல்
என்னும் ஒரு வகை மீன் மின்சாரத்தை உருவாக்கும் திறன் கொண்டது. இவை மின்னதிர்வை வெளியிட்டு
கொள்ளவும், தங்களது உணவைப் பிடிக்கவும் செய்கின்றன.
மேலும்
தெரிந்து கொள்வோம்
அம்மீட்டர்
என்பது ஒரு மின்சுற்றில் பாயும் மின்னோட்டத்தின் அளவை அளவிடும் கருவியாகும். இக்கருவியானது
சுற்றில் தொடரிணைப்பில் இணைக்கப்பட வேண்டும்.