மின்னியல் | பருவம் 2 அலகு 2 | 6 ஆம் வகுப்பு அறிவியல் - மக்களுக்கான விஞ்ஞானி, நினைவில் கொள்க | 6th Science : Term 2 Unit 2 : Electricity
நினைவில் கொள்க
❖ மின்சாரத்தை உருவாக்கும்
மூலங்கள் மின்மூலங்கள் எனப்படும்.
❖ அனல்மின் நிலையங்கள், நீர்மின்
நிலையங்கள், காற்று ஆலைகள், அணு மின் நிலையங்கள் போன்ற பல மின் மூலங்கள் உள்ளன.
❖ வேதி ஆற்றலை மின்னாற்றலாக
மாற்றும் சாதனம் மின்கலன் எனப்படும்.
❖ தொடர்ச்சியாக நீண்டகாலம்
மின்னோட்டத்தை அளிப்பதன் அடிப்படையில், மின்கலன்கள் இரு வகைப்படும்.
❖ ஒரு முறை மட்டுமே பயன்படுத்தக்கூடிய
மின்கலன் முதன்மை மின்கலன் எனப்படும்.
❖ பல முறை மின்னேற்றம் செய்து
தொடர்ந்து பயன்படுத்தக்கூடிய மின்கலன்கள் துணை மின்கலன்கள் எனப்படும்.
❖ இரண்டு அல்லது அதற்கு மேற்பட்ட
மின்கலன்களை இணைத்து உருவாக்கப்படும் அடுக்கு மின்கல அடுக்கு எனப்படும்.
❖ மின்சுற்று என்பது மின்கலத்தின்
எதிர்முனைக்கு நேர்முனையிலிருந்து மின்னூட்டம் செல்லும் தொடர்ச்சியான மூடிய பாதையாகும்.
❖ மின்கலன், சாவி, மின்விளக்கு
மற்றும் இணைப்புக்கம்பி போன்றவற்றின் தொகுப்பு எளிய மின்சுற்று எனப்படும்.
❖ இரண்டு அல்லது அதற்கு மேற்பட்ட
மின்விளக்குகள் தொடரிணைப்பில் இணைக்கப்படும் மின்சுற்று, தொடரிணைப்பு மின்சுற்று எனப்படும்.
❖ இரண்டு அல்லது மேற்பட்ட
மின் விளக்குகள் பக்கஇணைப்பில் இணைக்கப்படும் மின் சுற்று பக்க இணைப்பு மின்சுற்று
எனப்படும்
❖ மின்சாதனங்களை குறியீடுகளால்
குறிப்பதன் மூலம் பெரிய மின் சுற்றுப்படங்களை மிக எளிதாக நம்மால் புரிந்துகொள்ள முடிகிறது.
❖ தன் வழியே மின்னூட்டங்களைச்
செல்ல அனுமதிக்கும் பொருள்கள் மின்கடத்திகள் எனப்படும்.
❖ தன் வழியே மின்னூட்டங்களைச்
செல்ல அனுமதிக்காத பொருள்கள் மின்கடத்தாப் பொருள்கள் எனப்படும்.
இணையச்செயல்பாடு
மின்சாரம்
எளிய
மின் சுற்றுகளைக் கொண்டு விளையாடிப் பார்ப்போமா!
படி 1: கீழ்க்காணும் உரலி / விரைவுக் குறியீட்டைப் பயன்படுத்தி
எளிய மின்சுற்று பக்கத்திற்குச் செல்க.
படி 2 : செயல்பாட்டின் வலப்பக்கத்தில் சில மின்கம்பிகளும், இடப்பக்கத்தில்
மின்கலங்களும், சுவிட்ச் மற்றும் மின் விளக்கும் கொடுக்கப்பட்டிருக்கும்.
படி 3: சுட்டியின் உதவியுடன் மின்கம்பிகளை இழுத்து, மின்கலத்தில்
சரியாகப் பொருத்த வேண்டும். அவ்வாறு சரியாகப் பொருத்திவிட்டால், சுவிட்சை அழுத்தியதும்
மின்விளக்கு ஒளிரும்.
படி 4: இரண்டாவது உரலியைப்
பயன்படுத்தி, தொடர்மற்றும் பக்க மின்சுற்றுகளைக் கொண்டு செயல்பாட்டைத் தொடர்க.
உரலி
Simple
Circuit's
http://www.physics-chemistry-interactive-flash-animation.com/electricity..
electromagnetism_interactive/simple_circuit.htm
Series
and parallel circuits
http://www.physics-chemistry-interactive-flash-
animation.com/electricity_electromagnetism_interactive/
components_circuits_association-series_parallel.htm
*படங்கள் அடையாளத்திற்காக மட்டுமே.