அன்றாட வாழ்வில் தாவரங்கள் | பருவம் 3 அலகு 5 | 6 ஆம் வகுப்பு அறிவியல் - நினைவில் கொள்க | 6th Science : Term 3 Unit 5 : Plants in Daily Life
6 ஆம் வகுப்பு அறிவியல் : பருவம் 3 அலகு 5 : அன்றாட வாழ்வில் தாவரங்கள்
நினைவில் கொள்க
நினைவில் கொள்க
❖ மனிதர்கள் உணவு, உடை, இருப்பிடம்,
மற்றும் மருத்துவம் போன்ற தங்கள் வாழ்வியல் தேவைகளுக்குநேரடியாகவோ அல்லது மறைமுகமாகவோ
தாவரங்களைச் சார்ந்துள்ளனர்.
❖ மனிதர்களுக்கும் தாவரங்களுக்கும் இடையேயான தொடர்பு மற்றும் தாவரங்களின்
பொருளாதாரப் பயன்பாடு ஆகியவற்றைப் பற்றிப் படிக்கும் அறிவியல் பிரிவு பொருளாதாரத் தாவரவியல்
எனப்படுகிறது.
❖ மனிதர்களுக்கு முக்கிய
உணவு ஆதாரமாகத் தாவரங்கள் விளங்குகின்றன. நமக்கு உணவு தரும் தாவரங்களை நாம் உணவுத்
தாவரங்கள் என்கிறோம்.
❖ அவரைக் குடும்பத்தைச் சார்ந்த
உண்ணக்கூடிய விதைகளே பருப்புகள் எனப்படுகின்றன.
❖ நறுமணப் பொருள்கள் உணவிற்குச்
சுவையூட்டவும், நிறமூட்டியாகவும், உணவுப் பொருள்களைப் பாதுகாக்கவும் பயன்படுகின்றன.
❖ சில தாவரங்களில் காணப்படும்
சிலவகையான வேதிக்கூட்டுப்பொருள்கள் பூச்சிகள், பூஞ்சைகள் மற்றும் சில நோய்க்கிருமிகளுக்கு
எதிராக சிறப்பாகச் செயல்படுகின்றன. இத்தகைய தாவரங்கள் மருத்துவ தாவரங்கள் எனப்படுகின்றன.
❖ நார்கள் பயன்பாட்டின் அடிப்படையில்
நெசவு நார்கள், கயிறு நார்கள் மற்றும் நிரப்பும் நார்கள் எனப் பிரிக்கப்படுகின்றன.
❖ வணிகரீதியாகப் மரக்கட்டைகள்
அதன் பயன்படும் வலிமை மற்றும் அடர்த்தியின் அடிப்படையில் வன்கட்டைகள் மற்றும் மென்கட்டைகள்
என் இரண்டு பிரிக்கப்படுகின்றன.
❖ அழகியல் வகைகளாகப் காரணங்களுக்காக
வளர்க்கப்படும் தாவரங்கள் அலங்காரத் தாவரங்கள் எனப்படுகின்றன.
❖ விலங்குகள் மற்றும் தாவரங்களுக்கு
இடையேயான தொடர்புகள் இயற்கையான பாதிப்படையும்போது பொருளாதாரரீதியாகவும் பாதிப்புகள்
ஏற்படுகின்றன.
இணையச்செயல்பாடு
மருந்தா? நஞ்சா?
செயல்பாட்டின்
மூலம் தாவரங்களின் மருத்துவப் பண்பினை அறிவோமா!
படி 1: கீழ்க்காணும் உரலி/ விரைவுக் குறியீட்டைப் பயன்படுத்தி
'Kill? or Cure?' செயல்பாட்டின் பக்கத்திற்குச் செல்லவும்.
படி 2: இச்செயல்பாட்டினைத் தொடங்க 'PLAY' என்னும் பொத்தானை சொடுக்கவும்.
பின்பு 'START' என்பதை சொடுக்கவும்.
படி 3: இப்பொழுது திரையில் தோன்றும் மருத்துவர் உருவம் தரும்
குறிப்புகளைக் கொண்டு சரியான மருந்தினை தரும் தாவரத்தினை கண்டறிய வேண்டும்.
படி 4: கீழே தரப்பட்டுள்ள படங்களில் சுட்டியின் உதவியால் சொடுக்கி
சரியான தாவரத்தினை தேர்ந்தெடுக்கவும், கூடுதல் விவரங்களைப் பெற செயல்பாட்டு சாளரத்தின்
வலது மேற்புரம் உள்ள ''என்னும் குறியீட்டை சொடுக்கவும்.
மருந்தா? நஞ்சா? உரலி:
http://www.rigb.org/education/games/natural-world/kill-or-cure
*படங்கள் அடையாளத்திற்காக மட்டுமே.