இரு முனை சந்தி டிரான்சிஸ்டர் (BJT) - டிரான்சிஸ்டர் ஒரு சாவியாகச் செயல்படுதல் | 12th Physics : UNIT 10a : Semiconductor Electronics
டிரான்சிஸ்டர் ஒரு சாவியாகச் செயல்படுதல்
டிரான்சிஸ்டரானது தெவிட்டிய மற்றும் வெட்டு
நிலையில் ஒரு சிறு கட்டுப்படுத்தும் சைகை மூலம் ஒரு மின்சுற்றை மூடி (ON) அல்லது திறக்கும்
(OFF) எலக்ட்ரானியல் சாவியாக செயல்படுகிறது. இது படம் 9.34 இல் காட்டப்பட்டுள்ளது.
படம் 9.34 டிரான்சிஸ்டர் சாவியாக செயல்படுதல்
• உள்ளீடில்
ஒரு dc மின்னழுத்த மூலம் உள்ள போது (தெவிட்டிய பகுதி]
மிக அதிக உள்ளீடு மின்ன ழுத்தம் (Vin
= +5V) அளிக்கப்படும்போது, அடிவாய் மின்னோட்டம் (IB) அதிகரிக்கும். இது
ஏற்பான் மின்னோட்டத்தை (IC) அதிகரிக்கும். இதனால் டிரான்சிஸ்டர் தெவிட்டிய
பகுதிக்குள் நுழையும் (சாவி மூடுதல் - ON)
ஏற்பான் மின்னோட்டத்தில் (IC) ஏற்படும்
உயர்வு, RC இன் குறுக்கே மின்னழுத்த வேறுபாட்டை அதிகரிக்கும். இதனால், வெளியீடு
மின்னழுத்தம் சுழியை நெருங்கும். எனவே, டிரான்சிஸ்டர் மூடிய சாவியாகச் செயல்பட்டு இயங்கு
(ON) நிலைக்குச் சமமானதாக மாறுகிறது.
• உள்ளீடில்
dc மின்னழுத்த மூலம் இல்லாத நிலையில் (வெட்டுப் பகுதி)
மிகக்குறைந்த உள்ளீடு மின்னழுத்தம் (Vin=0V)
அளிக்கப்படும் போது, அடிவாய் மின்னோட்டம் (Ib) குறைந்து அதன்மூலம், ஏற்பான்
மின்னோட்டம் (Ic) குறைக்கப்படும். தற்போது டிரான்சிஸ்டர் Rc
ஆனது வெட்டுப் பகுதிக்குள் நுழையும் (இயங்காதநிலை - OFF) டிரான்சிஸ்டரானது அதிக உள்ளீட்டிற்குக்
குறைந்த வெளியீட்டையும், குறைந்த உள்ளீட்டிற்கு அதிக வெளியீட்டையும் அளிக்கிறது என்பது
இங்கு தெளிவாகிறது. மேலும், வெளியீடு மின்னழுத்தமானது அளிக்கப்பட்ட உள்ளீடு மின்னழுத்தித்திற்கு
எதிராக அமையும். எனவே, டிரான்சிஸ்டரானது கணினி லாஜிக் சுற்றுகளில் புரட்டியாக (NOT
கேட்) பயன்படுத்தப்படுகிறது.