மின்தேக்கிகளின் பயன்பாடுகள்
பல்வேறு எலக்ட்ரானிய சுற்றுகளிலும் மின்தேக்கிகள்
பயன்படுத்தப்படுகின்றன. அவற்றுள் சிலவற்றை இங்கு காண்போம்:
(அ) நாம் அனைவரும் அறிந்த ஒன்றுதான் ஒளிப்படக்
கருவி (digital camera). நாம் புகைப்படம் எடுக்கும் போது அதிலிருந்து தெறிப்பொளி (flash
வெளிப்படுவதற்கு தெறிப்பு மின்தேக்கி எனப்படும் ஒருவகை மின்தேக்கியிலிருந்து வெளிவிடப்படும்
ஆற்றலே காரணமாகும். [படம் 1.55(அ)]
(ஆ) இதய நிறுத்தம் (cardiac arrest) ஏற்படும்
போது இதய உதறல் நீக்கி (heart difibrillator) என்ற ஒரு கருவியைப் பயன்படுத்தி திடீரென
அதிகளவிலான மின்னாற்றலை நோயாளியின் நெஞ்சுப் பகுதியில் செலுத்துவதன் மூலம் இதயத்துடிப்பை
இயல்புக்குக் கொண்டு வருவார்கள் [படம் 1.55 (ஆ)].
(இ) தானியங்கி எந்திரங்களின், எரிபொருள் எரியூட்டும்
அமைப்புகளில், தீப்பொறி உருவாவதை தவிர்க்க மின்தேக்கிகள் பயன்படுகின்றன.
(ஈ) மின் வழங்கிகளில் (Power supplies மின்திறன்
ஏற்ற இறக்கத்தைக் குறைப்பதற்கும் மின்திறன் அனுப்பீட்டில் அதன் பயனுறு திறனை அதிகரிக்கச்
செய்யவும் மின்தேக்கிகள் பயன்டுகின்றன.
இருப்பினும், சில குறைபாடுகளும் மின்தேக்கிகளுக்கு உள்ளன. மின்கலனையோ மின்வழங்கியையோ அணைத்த பின்பும் மின்தேக்கியில் தேக்கி வைக்கப்பட்ட மின் துகள்களும் மின்னாற்றலும் சிறிது நேரம் இருக்கும். எடுத்துக்காட்டாக, தொலைக்காட்சிப் பெட்டியை அணைத்த உடன் சற்று நேரம் வரை அதன் பின்பக்கத்தைத் தொடாமல் இருத்தல் அவசியம்.