அணு அமைப்பு | அலகு 12 | 8 ஆம் வகுப்பு அறிவியல் - இணைதிறன் | 8th Science : Chapter 12 : Atomic Structure
இணைதிறன்
இணைதிறனைப் பற்றி முழுமையாகத் தெரிந்து கொள்வதற்கு ரூதர்போர்டு
மற்றும் நீல்ஸ்போரின் அணு மாதிரியைப் பற்றி சிறிது அறிந்து கொள்ள வேண்டியது அவசியம்.
ரூதர்போர்டின் கூற்றுப்படி அணுவானது புரோட்டான், எலக்ட்ரான், நியூட்ரான் போன்ற அணுக்கூறுகளைப்
பெற்றுள்ளது. அவற்றுள் புரோட்டான்கள் மற்றும் நியூட்ரான்கள் அணுவின் மத்தியில் உள்ள
உட்கருவில் காணப்படுகின்றன. எலக்ட்ரான்கள் உட்கருவை வட்டப்பாதையில் சுற்றிவருகின்றன.
இந்த வட்டப்பாதை 'ஆர்பிட்' அல்லது 'எலக்ட்ரான் கூடு எனப்படுகிறது. ஒரு அணுவானது ஒன்று
அல்லது அதற்கு மேற்பட்ட எலக்ட்ரான் கூட்டினைக் கொண்டுள்ளது. அவற்றின் கடைசி எலக்ட்ரான்
கூட்டில் உள்ள எலக்ட்ரான்களே 'இணைதிறன் எலக்ட்ரான்கள்' எனப்படுகின்றன. இக்கூடு 'இணைதிறன்
கூடு' எனப்படுகிறது.
எலக்ட்ரான் கூடுகளில் உள்ள எலக்ட்ரான்களின் ஒருங்கமைவு 'எலக்ட்ரான்
அமைப்பு எனப்படும். அனைத்துத் தனிமங்களின் அணுக்களும் இயல்பாகவே நிலையான எலக்ட்ரான்
அமைப்பைப்பெற விரும்புகின்றன. அதாவது, அனைத்து அணுக்களும் நிலைத்த எலக்ட்ரான் அமைப்பைப்
பெற தங்களது இணைதிறன் கூட்டில் இரண்டு (அ) எலக்ட்ரான்களைப் பெற்றிருக்க வேண்டும். இந்த
எலக்ட்ரான் அமைப்பைப் பெற்றுள்ள மந்த வாயுக்கள் அதிக நிலைப்புத்தன்மை பெற்றவை. உதாரணமாக,
ஹீலியம் தனது இணைதிறன் கூட்டில் இரண்டு எலக்ட்ரான்களையும், நியான் தனது இணைதிறன் கூட்டில்
எட்டு எலக்ட்ரான்களையும் பெற்றிருப்பதால் அவை எந்த வேதிவினையிலும் ஈடுபடுவதில்லை. மேலும்,
அவை அதிக நிலைப்புத்தன்மையையும் கொண்டுள்ளன.
ஒரு அணுவின் இணைதிறன் எலக்ட்ரான்களே வேதிவினையில் பங்குவெறுவதால்,
பங்குபெறுவதால், அவையே அவ்வணுவின் வேதிப் பண்புகளைத் தீர்மானிக்கின்றன. வெவ்வேறு அணுக்கள்
வெவ்வேறு இணையும் திறனைப் பெற்றிருப்பதால் அவை ஒரு குறிப்பிட்ட விகிதத்தில் இணைந்து
மூலக்கூறுகளை உருவாக்குகின்றன. ஒரு அணு வேறொரு அணுவுடன் இணையக்கூடிய திறனே அவ்வணுவின்
இணைதிறன் எனப்படும். ஒரு வேதிவினையின்போது நிலைப்புத் தன்மையை அடைவதற்காக அணுவால் ஏற்றுக்கொள்ளப்பட்ட
அல்லது இழக்கப்பட்ட அல்லது பகிர்ந்து கொள்ளப்பட்ட எலக்ட்ரான்களின் எண்ணிக்கையே அந்த
அணுவின் இணைதிறன்" எனப்படும்.
1. இணைதிறனின்
வகைகள்
நாம் முன்னரே கூறியவாறு அணுக்கள் நிலைத்த தன்மையைப் பெறுவதற்காக
எலக்ட்ரான்களை இழக்கவோ அல்லது ஏற்கவோ செய்கின்றன. ஒரு அணுவின் இணையும் திறனை தெளிவாகப்
புரிந்து கொள்வதற்காக அந்த அணு எலக்ட்ரான்களை இழக்கிறதா அல்லது ஏற்கிறதா என்பதை அடிப்படையாகக்
கொண்டு இணைதிறனானது இரண்டு முறைகளில் விளக்கப்படுகிறது.
பெரும்பாலும் உலோக அணுக்கள் அவற்றின் இணைதிறன் கூட்டில் 1 முதல்
3 எலக்ட்ரான்களைப் பெற்றுள்ளன. வேதிவினையின்போது இந்த அணுக்கள் நிலைத்த தன்மையைப் பெறுவதற்காக
ஒன்று அல்லது அதற்கு மேற்பட்ட எலக்ட்ரான்களை இழந்து நேர்மின்சுமையைப் பெறுகின்றன. எனவே,
இவ்வணுக்கள் 'நேர்மறை இணைதிறன்' (Positive Valency) கொண்டவை எனப்படுகின்றன.
உதாரணமாக, சோடியம் அணுவானது வேதிவினையின்போது தனது இணைதிறன்
கூட்டில் உள்ள ஒரு எலக்ட்ரானை இழந்து நேர்மின்சுமையைப் பெறுகின்றது. எனவே சோடியம் நேர்மறை
இணைதிறனைக் கொண்டதாகும்.
அலோக அணுக்கள் அவற்றின் இணைதிறன் கூட்டில் 4 முதல் 7 எலக்ட்ரான்களைப்
பெற்றுள்ளன. வேதிவினையின்போது இவ்வணுக்கள் நிலைத்த தன்மையைப் பெறுவதற்காக ஒன்று அல்லது
சுதற்கு மேற்பட்ட கலக்ட்ரான்களை ஏற்று எதிர்மின்சுமையைப் பெறுகின்றன. எனவே இவ்வணுக்கள்
'எதிர்மறை இணைதிறன்' (Negative Valency) கொண்டவை எனப்படுகின்றன. உதாரணமாக, குளோரின்
அணுவானது வேதிவினையின்போது ஒரு எலக்ட்ரானை ஏற்று எதிர்மின்சுமையைப் பெறுகின்றது. எனவே,
குளோரின் எதிர்மறை இணைதிறனைக் கொண்டதாகும்.
2. அணுக்களைப்
பொருத்து இணைதிறனைக் கணக்கிடுதல்
பொதுவாக அணுக்களின் இணை திறனானது ஹைட்ரஜன், ஆக்சிஜன் மற்றும்
குளோரின் ஆகிய அணுக்களின் இணைதிறனைப் பொருத்து கணக்கிடப்படுகிறது.
அ. ஹைட்ரஜனைப் பொருத்து இணைதிறனைக் கணக்கிடுதல்
ஹைட்ரஜன் தனது இணைதிறன் கூட்டில் உள்ள ஒரு எலக்ட்ரானை இழப்பதால் அதன் இணைதிறன் ஒன்று ஆகும். இதனை அடிப்படையாக எடுத்துக்கொண்டு பிற தனிமங்களின் இணைதிறன் கணக்கிடப்படுகிறது. ஒரு தனிமத்தின் ஒரு அணுவுடன் இணையக் கூடிய ஹைட்ரஜன்அணுக்களின் எண்ணிக்கையே அத்தனிமத்தின் உதாரணமாக, இணைதிறன் ஹைட்ரஜன் எனப்படும். குளோரைடு மூலக்கூறில் ஒரு ஹைட்ரஜன் அணு ஒரு குளோரின் அணுவுடன் இணைகிறது. எனவே, குளோரினின் இணைதிறன் 1. அதேபோல் நீர் மூலக்கூறில் இரண்டு ஹைட்ரஜன் அணுக்கள் ஒரு ஆக்சிஜன் அணுவுடன் இணைகின்றன. எனவே, ஆக்சிஜனின் இணைதிறன் 2. ஆனால், சில தனிமங்கள் ஹைட்ரஜனுடன் வினைபுரிவதில்லை, எனவே, குளோரின் மற்றும் ஆக்சிஜனைப் பொருத்து அவற்றின் இணை திறன்களைக் கணக்கிடலாம். ஏனெனில் பெரும்பாலான தனிமங்கள் குளோரின் மற்றும் ஆக்சிஜனுடன் வினைபுரிகின்றன.
ஆ. குளோரினைப் பொருத்து இணைதிறனைக் கணக்கிடுதல்
குளோரினின் இணைதிறன் ஒன்று என்பதால், ஒரு தனிமத்தின் ஒரு அணுவுடன்
இணையக் கூடிய குளோரின் அணுக்களின் எண்ணிக்கையே அத்தனிமத்தின் இணை திறன் எனப்படுகிறது.
சோடியம் குளோரைடு (NaCl) மூலக்கூறில், ஒரு குளோரின் அணு ஒரு சோடியம் அணுவுடன் இணைகிறது.
எனவே, சோடியத்தின் இணைதிறன் ஒன்று. மெக்னீசியம் குளோரைடு (MgCl2) மூலக்கூறில் இரண்டு
குளோரின் அணுக்கள் ஒரு மெக்னீசியம் அணுவுடன் இணைவதால் மெக்னீசியத்தின் இணை திறன் 2.
இ ஆக்சிஜனைப் பொருத்து இணைதிறனைக் கணக்கிடுதல்
ஆக்சிஜனின் இணைதிறன் இரண்டு என்பதால், ஒரு தனிமத்தின் ஒரு அணுவுடன்
இணையக்கூடிய ஆக்சிஜன் அணுக்களின் எண்ணிக்கையினை இரண்டால் பெருக்கினால் கிடைப்பதே அத்தனிமத்தின்
இணைதிறன் ஆகும். உதாரணமாக, மெக்னீசியம் ஆக்சைடில் (Mgo) ஒரு மெக்னீசியம் அணு ஒரு ஆக்சிஜன்
அணுவுடன் மெக்னீசியத்தின் இணைதிறன் 2.
3. மாறும்
இணைதிறன்
ஒருசில தனிமங்களின் இணைவதால் அணுக்கள்ஒன்றிணைந்து ஒன்றுக்கு
மேற்பட்ட சேர்மங்களை உருவாக்கும்போது, அவற்றின்சேர்மங்களின்இணையக்கூடிய திறன்கள் ஒரே
மாதிரியாக இருப்பதில்லை. அத்தகைய தனிமங்கள் மாறக்கூடிய இணைதிறன்களைப் பெற்றுள்ளன. உதாரணமாக
தாமிரம், ஆக்சிஜனுடன் க்சிஜனுடன் வினைபுரிந்து வினைபுரிந்து குப்ரஸ் ஆக்சைடு
(Cu,O) மற்றும் குப்ரிக் ஆக்சைடு (CuO) ஆகிய இரண்டு சேர்மங்களை உருவாக்குகிறது. இதில்
குப்ரஸ் ஆக்சைடில் (Cu,O) தாமிரத்தின் இணைதிறன் ஒன்று: குப்ரிக் ஆக்சைடில் (CuO) தாமிரத்தின்
இணைதிறன் இரண்டு ஆகும். இவற்றுள் கரைந்த இணைதிறன் கொண்ட உலோகச் சேர்மத்திற்குப் பெயரிடும்போது
உலோகத்தின் பெயருடன் 'அஸ்' (ous) என்ற பின்னொட்டைச் சேர்க்கவேண்டும். அதுபோலவே, அதிகஇணைதிறன்
கொண்ட உலோகச் சேர்மத்திற்குப் பெயரிடும்போது உலோகத்தின் பெயருடன் 'இக்' (ic) என்ற பின்னொட்டைச்
சேர்க்கவேண்டும். சில நேரங்களில் உரோம எண்களை (I, II, III, IV .....) உலோகத்தின் பெயருடன்
சேர்த்தும் எழுதலாம்.