விளக்கம், சூத்திரங்கள், தீர்க்கப்பட்ட எடுத்துக்காட்டு சிக்கல்கள் - கிர்க்காஃப் இரண்டாவது விதி (மின்னழுத்த வேறுபாட்டு விதி அல்லது சுற்று விதி) | 12th Physics : UNIT 2 : Current Electricity
கிர்க்காஃப் இரண்டாவது விதி
(மின்னழுத்த வேறுபாட்டு விதி அல்லது சுற்று விதி)
இவ்விதியின்படி எந்தவொரு மூடிய சுற்றின் ஒவ்வொரு
பகுதியிலும் உள்ள மின்னோட்டம் மற்றும் மின்தடை ஆகியவற்றின் பெருக்கற்பலன்களின் குறியியல்
கூட்டுத் தொகையானது, அந்த மின்சுற்றில் உள்ள மின்னியக்கு விசைகளின் குறியியல் கூட்டுத்தொகைக்குச்
சமம். இந்த விதி தனித்த அமைப்பின் ஆற்றல் மாறா விதிப்படி அமைகிறது. அதாவது மின்னியக்கு
விசை மூலம் அளிக்கும் ஆற்றலானது எல்லா மின்தடையாக்கிகள் பெறும் ஆற்றல்களின் கூடுதலுக்குச்
சமமாகும். மூடிய சுற்றில் (Closedloop) நாம் செல்லும் திசைவழியேமின்னோட்டம் சென்றால்,
அம்மின்னோட்டம் மற்றும் அப்பாதையில் உள்ள மின்தடை ஆகியவற்றின் பெருக்கற்பலனின் மதிப்பு
நேர்க்குறியாகவும், மூடிய சுற்றில் நாம் செல்லும் திசைக்கு எதிர்த்திசையில் மின்னோட்டம்
சென்றால், அம்மின்னோட்டம் மற்றும் அப்பாதையில் உள்ள மின்தடை ஆகியவற்றின் பெருக்கற்பலன்
மதிப்பு எதிர்க்குறி மதிப்பாகவும் எடுத்துக்கொள்ளப்படும். இது படம் 2.24 (அ) மற்றும்
(ஆ) இல் காட்டப்பட்டுள்ளது. அதேபோல் மூடிய சுற்றில் நாம் செல்லும் திசையின் வழியே மின்கலத்தின்
எதிர்மின் முனையிலிருந்து நேர்மின் முனை வழியாக நாம் செல்லும் போது மின்னியக்கு விசை
நேர்க்குறியாகவும் அதேபோல்
மின்கலத்தின் நேர் மின் முனையிலிருந்து எதிர்மின்
முனை வழியாகச் செல்லும் போது மின்னியக்கு விசை எதிர்க்குறியாகவும் எடுத்துக் கொள்ளப்படுகிறது.
இது படம் 2.24 (இ) மற்றும் (ஈ) காட்டப்படுகிறது.
கிர்க்காஃப் மின்னழுத்த வேறுபாட்டு விதியை
பயன்படுத்தும்போது சுற்றில் உள்ள அனைத்து மின்னோட்டங்களும் நிலையான மதிப்பை பெற வேண்டும்
எனும் நிபந்தனைபின்பற்றப்பட வேண்டும்.
எடுத்துக்காட்டு
2.21
பின்வரும் படத்தில் கடத்திகள் சிக்கலான வலைப்பின்னல்
வடிவத்தில் அமைக்கப்பட்டு EACE மற்றும் ABCA ஆகிய மூடிய சுற்றுகளாகப் பிரிக்கப்பட்டுள்ளது.
இந்த அமைப்பிற்கு கிர்க்காஃப் மின்னழுத்த வேறுபாட்டு
விதியை பயன்படுத்துக.
தீர்வு
EACE என்ற மூடிய சுற்றுக்கு கிர்க்காஃப் மின்னழுத்த
வேறுபாட்டு விதியை பயன்படுத்தினால்
I1R1 + I2R2
+ I3R3 = ε
அதேபோல் ABCA எனும் மூடிய சுற்றுக்கு
I4R4 + I5R5
– I2R2 = 0
எடுத்துக்காட்டு
2.22
பின்வரும் மின்சுற்றில் 1Ω மின்தடையாக்கி
வழியே பாயும் மின்னோட்டத்தை கணக்கிடுக
தீர்வு
9V மின்கலத்திலிருந்து பாயும் மின்னோட்டத்தை
I1 எனக்கொள்வோம். கிர்க்காஃப் மின்னோட்ட விதிப்படி I1 ஆனது
I2 மற்றும் (I1 - I2) என சந்தி E இல் பிரிகிறது.
இதனை படத்தில் காணலாம்.
EFCBE எனும் மூடிய சுற்றில் கிர்க்காஃப் மின்னழுத்த
வேறுபாட்டு விதியை பயன்படுத்த,
1 I2 + 3I1 + 2I1,
= 9
5I1 + I2 =9 (1)
EADFE எனும் மூடிய சுற்றில் கிர்க்காஃப் மின்னழுத்த
வேறுபாட்டு விதி (KVR) யை பயன்படுத்த,
3 (I1 - I2) - 1I2=
6
3I1 - 4I2 = 6 (2)
சமன்பாடு (1) மற்றும் (2) ஆகியவற்றை தீர்க்க,
நமக்கு கிடைப்பது
I1 = 1.83 A மேலும் I2
= -0.13 A
எனவே 1Ω மின்தடையில்
மின்னோட்டம் F லிருந்து E க்கு பாயும்.