மின்கடத்திகள் மற்றும் மின்கடத்தா மின்னியல் - மின்காப்பின் உள்ளே மின்புலம் தூண்டப்படுதல் | 12th Physics : UNIT 1 : Electrostatics
மின்காப்பின் உள்ளே மின்புலம்
தூண்டப்படுதல்
கடத்தியொன்றைப் புற மின்புலத்தில் வைக்கும்போது,
அதிலுள்ள மின் துகள்கள் ஒருங்கமைக்கப்பட்டு, அதனால் உருவாகும் அக மின்புலமானது புற
மின்புலத்தை சமன் செய்யும். ஆனால் மின்காப்பைப் பொருத்தவரை, அதில் கட்டுறா எலக்ட்ரான்கள்
இல்லாததால், புற மின்புலமானது அதிலுள்ள மின் துகள்களை ஒருங்கமைக்கச் செய்தாலும் அதனால்
உருவாகும் அக மின்புலம் புற மின்புலத்தை விடக் குறைவாக இருக்கும். எனவே, மின்காப்பின்
உட்புறம் நிகர மின்புலம் சுழியாவதில்லை; மேலும் புற மின்புலத்தின் திசையிலேயே நிகர
மின்புலம் இருக்கிறது. ஆனால் அதன் எண்மதிப்பு புற மின்புலத்தைவிடக் குறைவாகவே இருக்கும்.
எடுத்துக்காட்டாக, (படம் 1.50) வில் கொடுத்துள்ளபடி (மின்தேக்கி ஒன்றின்) எதிரெதிர்
மின்னூட்டம் பெற்ற இரு தட்டுகளுக்கு இடையே ஒரு செவ்வக வடிவ மின்காப்புப் பாளம் வைக்கப்படுகிறது.
தட்டுகளுக்கு இடையே நிலவும் சீரான மின்புலம்
மின்காப்பிற்கு ஒரு புற மின்புலமாக செயல்பட்டு அதனை முனைவாக்கம் செய்கிறது.
அதன் ஒரு பக்கத்தில் நேர் மின் துகள்களும் மற்றொரு பக்கம் எதிர் மின் துகள்களும் தூண்டப்படுகின்றன.
ஆனால் மின்காப்பின் உட்புறத்திலோ ஒரு சிறு
பருமனில் கூட நிகர மின்னூட்டம் சுழியாக இருக்கின்றது. ஆகவே புற மின்புலத்தில் வைக்கப்பட்டுள்ள
ஒரு மின்காப்பானது மின்னூட்ட பரப்படர்த்தி மற்றும் கொண்ட, எதிரெதிர்
மின்னூட்டம் பெற்ற இரு தட்டுகளுக்கு ஒப்பாகும். இம்மின் துகள்கள் கட்டுண்ட மின்துகள்கள்
(Bound charges) எனப்படும். இவை கடத்தியிலுள்ள கட்டுறா எலக்ட்ரான்களைப் போல்
இவை தடையற்ற இயக்கத்தைப் பெற முடியாது. (படம்
1.52).
எடுத்துக்காட்டாக, உராய்வினால் மின்னூட்டம்
பெற்ற பலூன் ஒன்று சுவற்றில் ஒட்டிக் கொள்கிறது. எதிர்மின்னூட்டம் பெற்ற பலூனை சுவற்றினருகில்
கொண்டு வரும்போது, அது சுவற்றில் வேறின மின்துகள்களைத் தூண்டுவதால் முனைவாக்கம் ஏற்படுகிறது.
இதனாலேயே சுவற்றுடன் பலூன் ஒட்டிக் கொள்கிறது. (படம் 1.51)