கேள்வி பதில்கள், தீர்வுகள் | வாழ்வியல் கணிதம் | அலகு 4 | 8 ஆம் வகுப்பு கணக்கு - கணக்குகளில் சதவீதத்தின் பயன்பாடுகள் | 8th Maths : Chapter 4 : Life Mathematics
கணக்குகளில் சதவீதத்தின் பயன்பாடுகள்
சதவீதம் என்பது ஒரு நூற்றுக்கு அல்லது ஒரு நூறில் எனப் பொருள்படும் என்பதை நாம் அறிவோம். அது % என்ற குறியீட்டால் குறிக்கப்படும். x% என்பதுஎன்ற பின்னத்தைக் குறிக்கும். அது அளவுகளை எளிதாக ஒப்பிடுவதற்குப் பயன்படுகிறது. கீழே கொடுக்கப்பட்டுள்ள வார்த்தைக் கணக்குகளில் நாம் அதன் பயன்களைக் காணலாம்.
எடுத்துக்காட்டு 4.1
600 இன் x % என்பது 450 எனில், x இன் மதிப்பைக் காண்க.
தீர்வு :
600 இன் x% = 450
எடுத்துக்காட்டு 4.2
ஓர் எண்ணின் மதிப்பை 25% குறைத்தால் 120 கிடைக்கிறது எனில், அந்த எண்ணைக் காண்க.
தீர்வு:
அந்த எண்ணை x என்க .
x = 160
மாற்று முறை:
மேலேயுள்ள சூத்திரத்தைப் பயன்படுத்தி,
உங்களுக்குத் தெரியுமா
நாம் A என்ற அளவைக் கொண்டுத் தொடங்கி, அந்த அளவை x% குறைத்தால், நாம் பெறும் குறைந்த அளவானது,
ஆகும்.
எடுத்துக்காட்டு 4.3
அகிலா ஒரு தேர்வில் 80% மதிப்பெண்களைப் பெற்றாள். அவள் பெற்றது 576 மதிப்பெண்கள் எனில், அந்த தேர்வின் மொத்த மதிப்பெண்களைக் காண்க.
தீர்வு:
தேர்வின் மொத்த மதிப்பெண்களை x என்க.
இங்கு, x இன் 80% = 576
⇒ x = 720
ஆகவே, தேர்வின் மொத்த மதிப்பெண்கள் = 720.
எடுத்துக்காட்டு 4.4
20% விலை உயர்விற்குப் பின் ஒரு கிலோ உளுந்தம் பருப்பின் விலை ₹96 எனில், ஒரு கிலோ உளுந்தம் பருப்பின் அசல் விலையைக் காண்க.
தீர்வு :
ஒரு கிலோ உளுந்தம் பருப்பின் அசல் விலை ₹x என்க.
20% உயர்வுக்கு பின், புதிய விலை =
∴ ஒரு கிலோ உளுந்தம் பருப்பின் அசல் விலை, x = ₹80.
மாற்று முறை:
மேலேயுள்ள சூத்திரத்தைப் பயன்படுத்தி,
⇒ A = ₹80
உங்களுக்குத் தெரியுமா
நாம் A என்ற அளவைக் கொண்டுத் தொடங்கி, அந்த அளவை x% அதிகரித்தால், நாம் பெறும் அதிகரித்த அளவானது,
ஆகும்.
இவற்றை முயல்க
1. ஒரு நாளில் 10 மணி நேரம் என்பது எத்தனை சதவீதம்? 41.66%
2. R என்ற நபர் பெறுவதில் 50% ஐ Q என்ற நபரும், Q பெறுவதில் 50% ஐ P என்ற நபரும் பெறுமாறு P, Q மற்றும் R என்ற மூன்று நபர்களுக்கு ₹350 ஐ பிரிக்கவும். R: ₹200 , Q: ₹100, P: ₹50
சிந்திக்க
ஒரு மாநகரத்தின் போக்குவரத்துக் காவல் ஆணையாளர் பெருமிதத்தோடு, இந்த ஆண்டில் 200% விபத்துகள் குறைந்துள்ளன என அறிவித்துள்ளார். இதனை அவர், சென்ற ஆண்டு 200 இலிருந்து 600 ஆக உயர்ந்த விபத்துகளின் சதவீதம் தெளிவாக 200% ஆகும் எனவும், அது இந்த ஆண்டு 600 இலிருந்து 200 ஆக குறைந்துள்ளது என்பதும் அதே 200% குறைவு ஆகும் என ஒப்பிட்டுக் கூறியுள்ளார். இங்கு 600 இலிருந்து 200 ஆகக் குறைந்துள்ளது என்பது, அவர் அறிவித்துள்ளவாறு அதே 200% ஆகுமா? நியாயப்படுத்துக.
எடுத்துக்காட்டு 4.5
ஒரு நபரின் வருமானம் 10% அதிகரிக்கப்பட்டு பிறகு 10% குறைக்கப்படுகிறது எனில், அவருடைய வருமானத்தில் ஏற்படும் மாற்றத்தைக் காண்க.
குறிப்பு
கொடுக்கப்பட்ட எண்ணானது முதலில் x% அதிகரிக்கப்பட்டு அல்லது குறைக்கப்பட்டு, பிறகு y% அதிகரிக்க அல்லது குறைக்கப்பட்டால், அந்த எண்ணானது அதிகரிக்கும் அல்லது குறையும். குறைவிற்கு '–' குறியீட்டைப் பயன்படுத்தவும். அதேபோல், '–' குறியீடானது விடையில் இருந்தால், அதனைக் குறைவு எனக் கொள்ளவும். இந்தக் குறிப்பைப் பயன்படுத்தி எடுத்துக்காட்டு 4.5 இன் விடையைச் சரிபார்க்கவும்.