குறுகிய விடை தருக.

IV. குறுகிய விடை தருக.

1. அரசியலமைப்பு என்றால் என்ன?

• ஒரு நாட்டின் நிர்வாகமானது எந்த அடிப்படைக் கொள்கைகளைச் சார்ந்து அமைந்துள்ளது என்பதை பிரதிபலிக்கும் அடிப்படைச் சட்டமே அரசியலமைப்பு என்பதாகும்.

• அது ஒரு நாட்டின் முன்னேற்றத்திற்கு அச்சாணி ஆகும்.

2. குடியுரிமை என்பதன் பொருள் என்ன?

• சிட்டிசன் எனும் சொல் சிவில் எனும் இலத்தீன் சொல்லிலிருந்து பெறப்பட்டதாகும்.

• இதன் பொருள் ஒரு ‘நகர அரசில் வசிப்பவர்' என்பதாகும்.

• இந்தியா முழுவதும் ஒரே மாதிரியான ஒற்றை குடியுரிமையை வழங்குகிறது.

3. இந்திய அரசியலமைப்பால் வழங்கப்படும் அடிப்படை உரிமைகளை பட்டியலிடுக.

• சமத்துவ உரிமை

• சுதந்திர உரிமை

• சுரண்டலுக்கெதிரான உரிமை

• சமயச் சார்பு உரிமை

• கல்வி, கலச்சார உரிமை

• அரசியலமைப்புக்குட்பட்டு தீர்வு காணும் உரிமை

4. நீதிப்பேராணை (Writ) என்றால் என்ன?

• நீதிமன்ற முத்திரையுடன், நீதிமன்றத்தால் வெளியிடப்படும் கட்டளை அல்லது ஆணை நீதிப்பேராணை எனப்படும்.

• சில சட்டங்களை நிறைவேற்றாமல்  தடைசெய்யும் நீதிமன்றத்தால் வெளியிடப்படும் ஆணையாகும்.

5. இந்தியாவின் செம்மொழிகள் எவை?

• தமிழ் (2004)

• மலையாளம் (2013)

• தெலுங்கு (2008)

• கன்னடம் (2008)

• சமஸ்கிருதம் (2005)

• ஒடியா (2014)

6. தேசிய அவசரநிலை என்றால் என்ன?

• போர், வெளிநாட்டினர் ஆக்கிரமிப்பு, அல்லது ஆயுதமேந்திய கிளர்ச்சி அல்லது உடனடி ஆபத்து அல்லது அச்சுறுத்தல் காரணமாக இந்தியாவின் பாதுகாப்பிற்கு அச்சுறுத்தல் ஏற்பட்டால், குடியரசுத் தலைவர், அரசியலமைப்புச் சட்டம் பிரிவு 352-ன் கீழ் அவசரநிலையை பிறப்பிப்பது தேசிய அவசர நிலை எனப்படும்.

• போர் அல்லது வெளிநாட்டினர் ஆக்கிரமிப்பின் காரணமாக அவசரநிலை அறிவிக்கப்படும் பொழுது அது ‘வெளிப்புற அவசரநிலை' எனப்படுகிறது.

• ஆயுதமேந்திய கிளர்ச்சிக் காரணமாக அவசர நிலை அறிவிக்கப்படும்பொழுது அது 'உள்நாட்டு அவசர நிலை' எனப்படும்.

7. மத்திய மற்றும் மாநில அரசுகளுக்கு இடையேயான உறவுகளை மூன்று தலைப்புகளில் பட்டியலிடுக.

• சட்டமன்ற உறவுகள்

• நிர்வாக உறவுகள்

• நிதி உறவுகள்