C++ இல் உள்ள எடுத்துக்காட்டு நிரல்கள் - C++: ஆக்கிகளை அழைத்தல் | 11th Computer Science : Chapter 14 : Classes and objects
ஆக்கிகளை அழைத்தல்
இரண்டு வழிகளில் அளபுருக்களை ஏற்கும் ஆக்கியைப் பயன்படுத்திப் பொருளை உருவாக்கலாம்.
1. உள்ளார்ந்த அழைப்பு (Implicit call)
2. வெளிப்படையான அழைப்பு (Explicit call)
உள்ளார்ந்த அழைப்பு:- (Implicit call)
இந்த முறையில், எப்பொழுதெல்லாம் பொருள் உருவாக்கப்படுகிறதோ அப்பொழுது அளபுருக்களை ஏற்கும் ஆக்கி தானாகவே அழைக்கப்படுகிறது. எடுத்துக்காட்டாக simple s1 (10, 20); இதில் S1 என்ற பொருளை உருவாக்கும்போது அளபுருவை ஏற்கும் ஆக்கி தானாகவே அழைக்கப்படுகிறது.
வெளிப்படையான அழைப்பு :- (Explicit call)
இந்த முறையில் ஆக்கியின் பெயரை வெளிப்படையாக கொடுக்கும்போது அளபுருக்களை ஏற்கும் ஆக்கி அழைக்கப்படுகிறது. அதனால் பொருளை உருவாக்கி தொடங்கி வைக்க முடிகிறது. எடுத்துக்காட்டாக,
simple sl=simple(10,20); //வெளிப்படையான அழைப்பு
வெளிப்படையான அழைப்பு முறை மிகவும் பொருத்தமானது. ஏனென்றால் இதில் தற்காலிக பொருளை உருவாக்குவதால் தரவு இழப்புக்கான வாய்ப்பு ஏற்படாது. தற்காலிக பொருள் கோவையில் பயன்படுத்தும் வரை நினைவகத்தில் இருக்கும். அதன்பிறகு அது அழிந்து விடும்.