மூன்றாம் பருவம் அலகு 1 | 7ஆம் வகுப்பு கணக்கு - எண்ணியல் | 7th Maths : Term 3 Unit 1 : Number System
அலகு 1
எண்ணியல்
கற்றல் நோக்கங்கள்
• தசம எண்களை முழுமையாக்கத் தெரிந்து கொள்ளுதல்.
• தசம எண்களின் நான்கு அடிப்படை செயல்பாடுகளைப் புரிந்து கொள்ளுதல்.
தசம எண்கள் - மீள் பார்வை
முன் பருவத்தில் தசம எண்களைப் பற்றி நாம் கற்றறிந்தோம். கீழ்க்கண்ட வினாக்களுக்கு விடையளிப்பதன் மூலம் அவற்றை மீண்டும் ஒரு முறை மீள் பார்வை செய்வோம்.
இவற்றை முயல்க
1. 1/4 என்ற பின்னத்தைத் தசம எண்ணாக மாற்றுக.
தீர்வு :
1/4 = [1 × 25] / [4 × 25] = 25 / 100 = 0.25
2. 63.257 இல் 5 இன் இடமதிப்பு என்ன?
தீர்வு :
63.257 இல் 5 இன் இடமதிப்பு நூறில் ஒன்று
3. 75.036 இல் பத்தாம் இடத்திலுள்ள இலக்கத்தினைக் கண்டறிக.
தீர்வு : 0
4, 3.75 என்ற தசம எண்ணைப் பின்னமாக மாற்றுக.
தீர்வு : 3.75 = 375 / 100 = 15 / 4
5. 5 1/5 என்ற கலப்பு பின்னத்தைத் தசம எண்ணாக எழுதுக.
தீர்வு : 5( 1/5) = 26 / 5 = [ 26 × 2 ] / [ 5 × 2 ] = 52 / 10 = 5.2
6. 0.567, 0.576 : இவற்றில் எது பெரிய எண்?
தீர்வு : 0.576 > 0.567
7. 3.30, 3.03 இவற்றை ஒப்பிடுக மேலும் இவற்றில் சிறிய எண்ணைக் கண்டறிக.
தீர்வு : இரண்டு எண்களிலும் முழு எண் சமம்
இப்போது 10வது இடத்தை ஒப்பிட்டு பார்த்தால் நமக்கு 3 > 0 உள்ளது
3.30 < 3.03 சிறிய எண் 3.03
8. சரியான குறியிடுக. (<,>,=)
2.57 _____ 2.570
தீர்வு : 2.57 = 2.570
9. கீழ்க்காணும் தசம எண்களை ஏறுவரிசையில் எழுதுக.
5.14, 5.41, 1.54, 1.45, 4.15, 4.51
ஏறுவரிசை : 1.45, 1.54. 4.15, 4.51, 5.14, 5.41
அறிமுகம்
மணி, காய்கறிகளை வாங்குவதற்காகக் கடைவீதிக்குச் சென்றார். கீழ்க்காணும் அட்டவணையில் உள்ளவாறு ஐந்து விதமான காய்கறிகளின் விலைப்பட்டியல் அளிக்கப்பட்டுள்ளது.
• மேற்காணும் காய்கறிகளின் விலையை மணி முழு எண்களாக மாற்ற விரும்புகிறார்.
• ஒவ்வொரு தசம எண்ணையும் எவ்வாறு முழுதாக்க இயலும்?