சர செயற்குறிகள்

சர செயற்குறிகள்

பைத்தான் பின்வரும் செயற்குறிகளை வழங்குகிறது. இச்செயற்குறிகள் சரங்களை கையாள உதவுகிறது.

1. இணைப்பு (Concatenation +)

இரண்டு அல்லது அதற்கு மேற்பட்ட சரங்களை இணைக்கும் செயல்பாடு சேர்த்தல் இணைத்தல் எனப்படும். கூட்டல் செயற்குறியானது சரங்களை பைத்தானில் இணைத்துக் கொள்ளப் பயன்படுகிறது.

எடுத்துக்காட்டு

>>> "welcome" + "Python"

'welcomePython'

2. சேர்த்தல் (Append +=)

ஏற்கனவே உள்ள சரத்தின் இறுதியில் மேலும் புதிய சரம் அல்லது சரங்களை சேர்க்கும் செயல் சேர்த்தல் எனப்படும்.

+= செயற்குறி ஏற்கனவே உள்ள சரத்தின் இறுதியில் புதிய சரத்தினை சேர்க்க பயன்படுகிறது.

எடுத்துக்காட்டு

>>> strl="Welcome to "

>>> strl+="Learn Python"

>>> print (str1)

Welcome to Learn Python

3. பலமுறை (Repeating (*))

பெருக்கல் செயற்குறி கொடுக்கப்பட்ட சரத்தினை பல தடவைகள் வெளிப்படுத்த பயன்படுகிறது. எடுத்துக்காட்டு

>>> strl="Welcome"

>>> print (str1*4)

Welcome Welcome Welcome Welcome

4. சரத்தை துண்டாக்குதல் (அல்லது) சரத்தை பகுதியாக பிரித்தல்

மூலச்சரத்தில் உள்ள ஒரு துணைச்சரம் (சரத்தின் ஒரு பகுதி) துண்டு (Slice) எனப்படும். மூலச் சரத்திலிருந்து [ ] என்ற செயற்குறி மற்றும் சுட்டு அல்லது கீழ்ஒட்டு மதிப்புகளைக் கொண்டு துணைச் சரம் உருவாக்கப்படும். இதனால் [ ] செயற்குறி துண்டு அல்லது பிரித்தல் செயற்குறி எனப்படும். துண்டு அல்லது பிரித்தல் செயற்குறியை கொண்டு ஒன்று அல்லது அதற்கு மேற்பட்ட துணைச் சரங்களை / (துண்டுகளாக) மூலச் சரத்திலிருந்து பிரிக்க முடியும்.

பிரிப்பதற்கான தொடரியல்

str[start:end]

Start என்பது துவக்க சுட்டு மதிப்பு ஆகும். மேலும் end என்பது சரத்தில் உள்ள இறுதி குறியுருவின் சுட்டு மதிப்பு ஆகும். பைத்தான் குறிப்பிடப்பட்டுள்ள இறுதி சுட்டு எண் மதிப்பிலிருந்து ஒரு மதிப்பை குறைத்து எடுத்துக் கொள்ளும்.

எடுத்துக்காட்டாக, முதல் 4 குறியுருக்களை மட்டும் சரத்திலிருந்து பிரிக்க விரும்பினால் சுட்டு எண் மதிப்பை 0வில் இருந்து 5 என குறிப்பிட வேண்டும். ஏனெனில் பைத்தான் இறுதி மதிப்பிலிருந்து ஒரு மதிப்பை குறைத்து மட்டுமே கருத்தில் கொள்ளும்.(இறுதி மதிப்பு -1)

எடுத்துக்காட்டு 1: சரத்தில் இருந்து ஒரு குறியுருவை மட்டும் பிரித்தல்

>>> str1="THIRUKKURAL"

>>> print (str1[0])

T

எடுத்துக்காட்டு 2: சுட்டு எண் மதிப்பு 0 முதல் 4 வரை உள்ள துணைச் சரத்தை பிரித்தல்

>>> print (str1[0:5])

THIRU

எடுத்துக்காட்டு 3: துவக்க சுட்டு எண் மதிப்பு குறிப்பிடப்படாமல் 0 முதல் 4 வரை சுட்டெண்ணைக் கொண்ட துணைச் சரத்தை பிரித்தல்

>>> print (str1[:5])

THIRU

எடுத்துக்காட்டு 4: இறுதி சுட்டு எண் மதிப்பு குறிப்பிடப்படாமல் 6 முதல் 10 வரை சுட்டெண்களாகக் கொண்ட துணைச் சரத்தை பிரித்தல்

>>> print (str1[6:])

KURAL

எடுத்துக்காட்டு 8.3 for மடக்கை பயன்படுத்தி துணைச் சரத்தை பிரிக்க துண்டாக்கும் நிரல்

strl="COMPUTER"

index=0

for i in strl:

print (str1[:index+1])

index+=1

வெளியீடு

C

CO

COM

COMP

COMPU

COMPUT

COMPUTE

COMPUTER

5. மூன்றாம் அளபுரு (Stride) வைப் பயன்படுத்தி சரத்தை பிரித்தல்

சரத்தினை பிரிக்கும் / துண்டாக்கும் செயல்பாட்டில் மூன்றாவது அளபுருவையும் குறிப்பிட முடியும். சரத்தில் குறிக்கப்பட்டுள்ள முதல் குறியுரு அணுகப்பட்டத்திலிருந்து எத்தனை எண்ணிக்கையிலான குறியுருக்கள் முன்னோக்கி செல்ல வேண்டும் என்பதை குறிக்க மூன்றாம் அளபுரு பயன்படுகிறது. மூன்றாம் அளபுருவின் கொடாநிலை மதிப்பு 1 ஆகும்.

எடுத்துக்காட்டு

>>> strl = "Welcome to learn Python"

>>> print (str1[10:16])

learn

>>> print (str1[10:16:4])

r

>>> print (str1[10:16:2])

er

>>> print (str1[::3])

Wceoenyo

குறிப்பு: பைத்தான் இறுதி சுட்டெண் மதிப்பிலிருந்து ஒரு மதிப்பை குறைத்து எடுத்துக் கொள்ளும் என்பதை நினைவில் கொள்க.

மூன்றாவது அளபுருவில் எதிர்மறை மதிப்பையும் பயன்படுத்த முடியும். எதிர்மறை மதிப்பை குறிப்பிட்டால் சரமானது பின்னோக்கு வரிசையில் அச்சிடப்படும்.

எடுத்துக்காட்டு

>>> strl = "Welcome to learn Python"

>>> print(str1[::-2])

nhy re teolw