இயற்பியல் - காந்தவியல் மற்றும் மின்னோட்டத்தின் காந்தவிளைவுகள்: பாடச்சுருக்கம் | 12th Physics : UNIT 3 : Magnetism and Magnetic Effects of Electric Current
பாடச்சுருக்கம்
• புவி அச்சின் வழியேச் செல்லும் செங்குத்துத்
தளத்திற்கு புவி துருவத்தளம் என்று பெயர்.
• காந்த அச்சின் வழியேச் செல்லும் செங்குத்துத்
தளத்திற்கு காந்த துருவத்தளம் என்று பெயர்.
• புள்ளி ஒன்றில் காந்தத்துருவத்தளத்திற்கும்,
புவிதுருவத்தளத்திற்கும் இடையே உள்ள கோணத்திற்கு சரிவு அல்லது காந்தச் சரிவு என்று
பெயர்.
• புள்ளி ஒன்றில் புவியின் மொத்த காந்தப்புலம் கோந்த துருவத்தளத்தின் கிடைத்தள திசையுடன் ஏற்படும் கோணத்திற்கு, ஒதுக்கம்
அல்லது காந்த ஒதுக்கம் என்று பெயர்.
• ஒரு காந்தத்தின் முனைவலிமை மற்றும் காந்த
நீளத்தின் பெருக்கல் பலனுக்கு , காந்தத்திருப்புத்திறன் என்று பெயர். இது ஒரு வெக்டர்
அளவாகும் இதனை எனக் குறிப்பிடலாம்.
• ஒரு காந்தத்தைச் சுற்றியுள்ள வெளியில் ஓரலகு
வலிமை கொண்ட காந்த முனை உணரக்கூடிய விசைக்கு காந்தப்புலம் என்று பெயர். இது ஒரு வெக்டர்
அளவாகும். இதனை எனக் குறிப்பிடலாம். இதன் அலகு N A-1m-1
ஆகும்.
• ஓரலகு பரப்பின் வழியே செங்குத்தாகக் கடந்து
செல்லும் காந்தப்புலக் கோடுகளின் எண்ணிக்கைக்கு காந்தப்பாயம் என்று பெயர்.
இது ஒரு ஸ்கேலர் அளவாகும். காந்தப்பாயத்தின் SI அலகு வெபர். குறியீடு Wb.
• காந்தவியலின் கூலூம் விதியின்படி இருகாந்த
முனைகளுக்கு இடையே உள்ள ஈர்ப்பு விசை அல்லது விலக்கு விசையானது, அவற்றின் முனைவலிமைகளின்
பெருக்கல் பலனுக்கு நேர்த்தகவிலும், அக்காந்த முனைகளுக்கு இடையே உள்ள தொலைவின் இருமடிக்கு
எதிர்த்தகவிலும் இருக்கும்.
• சீரான காந்தப்புலத்தில் உள்ள காந்த இருமுனை,
திருப்புவிசையை உணரும்.
• மிகக்குறைந்த மின்னோட்டங்களை அளக்கப்பயன்படும்
ஒரு கருவி டேஞ்சன்ட் கால்வனோ மீட்டராகும். இது ஒரு இயங்கு காந்தவகை கால்வனோ மீட்டராகும்.
இது டேஞ்சன்ட் விதியின் அடிப்படையில் இயங்குகிறது. B = BH tan θ.
• பொருள் அல்லது மாதிரி ஒன்றினை காந்தமாக்கப்
பயன்படும் காந்தப்புலத்திற்கு காந்தமாக்குப்புலம் என்று பெயர். இது ஒரு வெக்டர் அளவாகும்.
இதனை என குறிப்பிடலாம். இதன் அலகு Am-1 ஆகும்.
• காந்தப்புலக் கோடுகளை அல்லது காந்தவிசை கோடுகளை
தன்வழியே பாய அனுமதிக்கும் பொருளின் திறமையை அளவிடுவதற்கு காந்த உட்புகுதிறன் என்றுபெயர்.
• பொருளின் ஓரலகு பருமனுக்கான நிகர காந்தத்திருப்புத்திறனே,
காந்தமாகும் செறிவு அல்லது காந்தமாகும் வெக்டர் அல்லது காந்தமாகுதல் என்று பெயர்.
• பொருளின் காந்தமாக்குப்புலத்திற்கும் அக்காந்தமாக்குப்புலத்தினால் பொருளில் தூண்டப்பட்ட காந்தமாகும் செறிவிற்கும் உள்ள தகவு பொருளின் காந்த ஏற்புத்திறன் எனப்படும்.
• காந்தப்பொருட்கள் மூன்று வகைகளாக வகைப்படுத்தப்பட்டுள்ளன
அவை: டயாகாந்தப்பொருட்கள், பாரா காந்தப்பொருட்கள் மற்றும் ஃபெர்ரோ காந்தப்பொருட்கள்
ஆகும்.
• பொருளொன்றை காந்தமாக்கும் சுற்றில், காந்தமாக்கு
புலத்தில் ஏற்படும் மாறுபாட்டிற்கு காந்தப்புலம் பின்தங்கும் நிகழ்ச்சிக்கு
காந்தத் தயக்கம் என்று பெயர்.
• வலதுகை பெருவிரல் விதி : வலதுகையின் பெருவிரல்
கடத்தியின் வழியே பாயும் மின்னோட்டத்தின் திசையைக் காட்டும் வகையில் பிடிக்கும் போது,
கடத்தியைச் சுற்றி பிடித்திருக்கும் மற்ற விரல்கள் கடத்தியைச் சுற்றி உருவாகும் காந்தப்புலக்
கோடுகளின் திசையைக் காட்டும்.
• மேக்ஸ்வெல்லின் வலதுகை திருகுவிதி : வலதுகை
திருகு ஒன்றினை திருகு சுழற்றியால் சுழற்றும் போது, திருகு முன்னேறும் திசையில் மின்னோட்டத்தின்
திசையும், திருகு சுழலும் திசை கடத்தியைச் சுற்றி உருவாகும் காந்தப்புலத்தின் திசையையும்
காட்டும்.
• ஆம்பியரின் சுற்றுவிதி
• வரிச்சுருள் ஒன்றின் உட்புறம் ஏற்படும் காந்தப்புலம்
B = μ0 nl,
இங்கு n என்பது வரிச்சுருளின் ஓரலகு நீளத்திலுள்ள சுற்றுகளின் எண்ணிக்கையாகும்.
• வட்ட வரிச்சுருள் ஒன்றின் உள்ளே ஏற்படும்
காந்தப்புலம் B = μ0 nl,இங்கு
n என்பது வட்ட வரிச்சுருளின் ஓரலகு நீளத்திலுள்ள சுற்றுகளின் எண்ணிக்கையாகும்.
• லாரன்ஸ் விசை:
• சீரான காந்தப்புலத்தில் செல்லும் மின்துகள்
வட்ட இயக்கத்தை மேற்கொள்ளும்.
• பிளெமிங்கின் இடதுகை விதி : இடது கையின்
ஆள்காட்டி விரல், நடுவிரல் மற்றும் பெருவிரல் மூன்றையும் ஒன்றுக்கொன்று செங்குத்ததாக
நீட்டும் போது, ஆள்காட்டி விரல் காந்தப்புலத்தின் திசையையும், நடுவிரல் மின்னோட்டத்தின்
திசையையும் காட்டினால் பெருவிரல் கடத்தியின் மீது செயல்படும் விசையின் திசையைக் காட்டும்.
• வெற்றிடத்தில் ஒரு மீட்டர் இடைவெளியில் பிரித்து
வைக்கப்பட்டுள்ள முடிவிலா நீளம் கொண்ட இரு இணைகடத்திகள் ஒவ்வொன்றின் வழியாகப்பாயும்
மின்னோட்டத்தினால், ஒவ்வொரு கடத்தியும் ஓரலகு நீளத்திற்கு 2 x 10-7N விசையை
உணர்ந்தால், ஒவ்வொரு கடத்தியின் வழியாகவும் பாயும் மின்னோட்டத்தின் அளவு ஒரு ஆம்பியராகும்.
• மின்னோட்டம் பாயும் கம்பிச்சுருள் ஒன்றை
சீரான காந்தப்புலத்தில் வைக்கும் போது அக்கம்பிச் சுருளின் மீது செயல்படும் நிகரவிசை
சுழி. ஆனால் நிகர திருப்புவிசை சுழியல்ல. நிகரத்திருப்பு விசையின் எண்மதிப்பு = NABI sinθ ஆகும்.
• இயங்கு சுருள் கால்வனோ மீட்டரைக் கொண்டு
சிறிய மின்னோட்டங்களைக் கண்டறியவும், அளக்கவும் முடியும்.
• இயங்கு சுருள் கால்வனோ மீட்டரில், கம்பிச்சுருள்
வழியே பாயும் மின்னோட்டம். விலகலுக்கு நேர்விகிதத்தில் இருக்கும். கணிதவியல்படி I
= Gθ. இங்கு
G = K/NAB ஆகும். இதற்கு கால்வனோமீட்டர் மாறிலி அல்லது மின்னோட்ட சுருக்கக் கூற்றெண்
என்று பெயர்.
• ஓரலகு மின்னோட்டத்திற்கு ஏற்படும் விலகலே
மின்னோட்ட உணர்திறன் எனப்படும்.
• கால்வனோமீட்டர் முனைகளுக்கு இடையே அளிக்கப்படும்
ஓரலகு மின்னழுத்த வேறுபாட்டிற்கானவிலகலே, மின்னழுத்த வேறுபாட்டு உணர்திறன் எனப்படும். இங்கு Rg என்பது கால்வனோ மீட்டரின் மின்தடையாகும்.
• மின்சுற்றில் பாயும் மின்னோட்டத்தை அளக்க
பயன்படும் கருவிக்கு அம்மீட்டர் என்று பெயர்.
• ஒரு கால்வனோ மீட்டரை தகுந்த நெடுக்கமுள்ள
அம்மீட்டராக மாற்ற, கால்வனோ மீட்டருடன் பக்க இணைப்பில் குறைந்த மின்தடை S ஒன்றை அதன்
நெடுக்கத்திற்கு ஏற்ப இணைக்க வேண்டும். இக்குறைந்த மின்தடைக்கு இணைதடம் என்று பெயர்.
• ஒரு நல்லியல்பு அம்மீட்டர் சுழி மின்தடையைப்
பெற்றிருக்கும்.
• ஒரு மின்சுற்றில் உள்ள எந்த ஒரு பகுதியின்
மின்னழுத்தத்தையும் அளக்கப்பயன்படும் கருவியே வோல்ட் மீட்டராகும்.
• வோல்ட் மீட்டராக மாற்ற அதனுடன் உயர் மின்தடை
R ஒன்றை நெடுக்கத்திற்கு ஏற்ப தொடராக இணைக்க வேண்டும்.
•
ஒரு நல்லியல்பு வோல்ட் மீட்டர் முடிவிலா மின்தடையைப் பெற்றிருக்கும்.