தகவல்தொடர்பு அமைப்புகள் | இயற்பியல் - பாடச்சுருக்கம், கருத்து வரைபடம் | 12th Physics : UNIT 10b : Communication Systems
பாடச்சுருக்கம்
* நீண்ட
தொலைவுக்கு மின்காந்த அலைகளைப் பயன்படுத்தி ஒரு சைகையை பரப்பவும், ஏற்கவும் தேவையான
அடிப்படை உறுப்புகள் வருமாறு: திறன் மாற்றி, பெருக்கி, ஊர்தி சைகை , பண்பேற்றி, திறன்
பெருக்கி, பரப்புகை ஊடகம், பரப்பும் மற்றும் ஏற்கும் விண்ண லைக்கம்பி, பண்பிறக்கி,
பகுப்பான்.
* நீண்ட
தொலைவு பரப்புகைக்கு அடிக்கற்றை சைகை ஊர்தி அலையுடன் பண்பேற்றம் செய்யப்படுகிறது. அடிக்கற்றை
சைகையின் கணநேர வீச்சிற்கு ஏற்ப ஊர்தி சைகையின் வீச்சு மாற்றப்பட்டால் அது வீச்சுப்
பண்பேற்றம் எனப்படும்.
* அதிர்வெண்
பண்பேற்றத்தில், அடிக்கற்றை சைகையின் கணநேர வீச்சிற்கு ஏற்றாற்போல் ஊர்தி சைகையின்
அதிர்வெண் மாற்றப்படுகிறது.
* கட்டப்
பண்பேற்றத்தில், அடிக்கற்றை சைகையின் கணநேர வீச்சானது ஊர்தி சைகையின் கட்டத்தை மாற்றுகிறது
மற்றும் ஊர்தி அலையின் வீச்சு மற்றும் அதிர்வெண் மாறுவதில்லை.
* பரப்பும்
மற்றும் ஏற்கும் விண்ண லைக்கம்பியின் உயரமானது λ/4 இன்
மடங்குகளாக இருக்க வேண்டும்.
* பரப்பியினால்
பரப்பப்பட்ட மின்காந்த அலைகள் ஏற்பியைச் சென்றடைய புவியின் தரையை தழுவிக்கொண்டு சென்றால்,
இந்தப் பரவல் தரை அலைப் பரவல் எனப்படும்.
* விண்ணலைக்கம்பியிலிருந்து
அதிக கோணத்தில் மேல்நோக்கி பரப்பப்பட்ட மின்காந்த அலைகள் மீண்டும் புவியை நோக்கி அயனிமண்டலத்தால்
எதிரொளிக்கப்படுகின்றன. இந்த வகையான பரப்புகை வான் அலை பரவல் அல்லது அயனி மண்டலப் பரவல்
எனப்படுகிறது.
* தகவல்
சைகையை வெளியின் வழியே அனுப்பும் மற்றும் பெறும் செயல்முறை வெளி அலைப் பரவல் எனப்படும்.
* செயற்கைக்கோள்
தகவல் தொடர்பானது செயற்கைக்கோள் வழியாக பரப்பி மற்றும் ஏற்பி இடையே சைகையைப் பரிமாற்றும்
தகவல்தொடர்பின் ஒரு வகையாகும்.
* ஓரிடத்தில்
இருந்து மற்றொரு இடத்திற்கு ஒளி இழையின் வழியாக, ஒளித்துடிப்புகளின் மூலம் தகவல்களைப்
பரப்பும் முறை ஒளி இழைத் தகவல்தொடர்பு எனப்படும்.
* ரேடார்
(RADAR) என்பது RAdio Detection And Ranging என்ற சொற்றொடரின் சுருக்கமாகும். இது தகவல்தொடர்பு
அமைப்புகளின் பயன்பாடுகளில் முக்கியமான ஒன்றாகும்.
* செல்பேசி
தகவல்தொடர்பானது கம்பிகள் அல்லது கம்பிவடங்கள் போன்ற எந்த இணைப்புக்களும் இன்றி வெவ்வேறு
இடங்களில் உள்ளவர்களுடன் தொடர்பு கொள்ள உதவுகிறது.
* GPS என்பது
Global Positioning System - உலகளாவிய நிலையறியும் அமைப்பு - என்பதன் சுருக்கமாகும்.
இதன்மூலம் புவிக்கு அருகிலோ அல்லது வேறு எந்த இடத்திலோ இருக்கும் GPS ஏற்பிக்கு, புவிசார்
அமைவிடம் மற்றும் காலம் தொடர்பான தகவல்களை வழங்குகிறது.
* தகவல்தொடர்பு
தொழில்நுட்பம் ஆனது, விவசாயம், மீன்வளம் மற்றும் சுரங்கம் ஆகிய துறைகளில் விரிவாகப்
பயன்படுகிறது.