கண்ணாடித் தகடுகளைத் தயாரித்தலும், செயல்முறைகளும் - தாவரவியல் செய்முறைகள் - மூடுவிதைத் தாவரச் சூலின் நீள்வெட்டுத் தோற்றம் | 12th Botany : Practicals
கண்ணாடித் தகடுகளைத் தயாரித்தலும், செயல்முறைகளும்
சோதனை எண் 2: மூடுவிதைத் தாவரச்
சூலின் நீள்வெட்டுத் தோற்றம்
நோக்கம் : மூடுவிதைத் தாவரச் சூலின் நீள்வெட்டுத்
தோற்றத்தைக் கண்டறிதல்.
கொள்கை : மலரின் பெண் இனப்பெருக்கப் பகுதியின்
அகன்ற அடிப்பகுதி சூலகப்பை ஆகும். சூல்கள் சூலகப்பையினுள் காணப்படுகின்றன. கருவுறுதலுக்குப்
பின் இவை விதைகளாகின்றன.
தேவையானவை: சூலின் நீள்வெட்டுத் தோற்றம் கொண்ட
நிரந்தரக் கண்ணாடித் தகடு, கூட்டு நுண்ணோக்கி.
• சூல் அல்லது பெருவித்தகம் ஒன்று அல்லது இரு
சூலுறைகளால் பாதுகாக்கப்படுகிறது.
• சூலின் காம்பு சூல்காம்பு எனப்படும்.
•சூல்காம்பு சூலுடன் இணையும் பகுதிக்கு ஹைலம்
என்று பெயர்.
• சூலின் மையப்பகுதியில் காணப்படும் பாரங்கைமா
திசுப் பகுதிக்குச் சூல்திசு என்று பெயர்.
• சூலுறை உருவாக்கும் துளை சூல்துளை என்றும்
சூல்துளைக்கு எதிராக உள்ள பகுதி சலாசா என்றும் அழைக்கப்படுகிறது.
• சூல்திசுவினுள் சூல்துளை அருகில் காணப்படும்
பெரிய, நீள்வட்ட வடிவைப் போன்ற அமைப்பு கருப்பை ஆகும்.
• ஒரு முதிர்ந்த சூலின் கருப்பை 8 உட்கருக்களைக்
கொண்டிருக்கும்.