பயன்கள் - உணவுத் தாவரங்கள் - சிறுதானியங்கள் | 12th Botany : Chapter 10 : Economically Useful Plants and Entrepreneurial Botany
12 வது தாவரவியல் : அலகு 10 : பொருளாதாரப் பயனுள்ள தாவரங்களும் தொழில்முனைவுத் தாவரவியலும்
சிறுதானியங்கள்
சிறுதானியங்கள் (Millets)
ஆப்பிரிக்கா மற்றும் ஆசியாவில் பழங்கால மக்களால் முதலில் பயிரிடப்பட்ட சிறிய விதைகள் பலவற்றிற்குச் சிறுதானியங்கள் (Millets) எனும் சொல் பயன்படுத்தப்படுகின்றது. இவை தரச புரச பசையற்ற (குளூட்டன்) குறைவான சர்க்கரை அளவுக் குறியீட்டைக் கொண்ட தானிய வகையாகும்.
கம்பு (Pearl millet)
தாவரவியல்
பெயர்: பெனிசிட்டம் அமெரிக்கானம்.
இது இந்தியாவிலும், ஆப்பிரிக்காவிலும் அறிமுகப்படுத்தப்பட்ட
கம்பு வகைகளில் ஒன்றாகும். இந்தியாவின் பல பகுதிகளிலும், குறிப்பாகக் குஜராத், ராஜஸ்தான்
போன்ற மாநிலங்களில் அதிகமாகப் பயிரிடப்படுகின்றது.
பயன்கள்
இது பொதுவாகத் தட்டை ரொட்டி, தரச புரதப் பசையமற்ற தானிய அடிப்படையிலான பொருட்கள் செய்யப் பயன்படுத்தப்படுகிறது. கம்மங்கூழ், பிஸ்கட், பாஸ்தா மற்றும் பால் தவிர்த்த புரோபயாட்டிக் (Probiotic) பானங்கள் தயாரிக்கப் பயன்படுகின்றது.
கேழ்வரகு (Finger millet)
தாவரவியல்
பெயர்: எல்லுசின் கோரகனா
கேழ்வரகு கிழக்கு ஆப்பிரிக்காவிலிருந்து இந்தியாவிற்கு
வெகு காலத்திற்கு முன்பே அறிமுகப்படுத்தப்பட்ட பயிர் இது கால்சியம் நிறைந்தது.
பயன்கள்
இந்தியாவின் பல தெற்கு மலைப்பகுதிகளில் ஒரு முக்கிய உணவாக இது பயன்படுத்தப்படுகிறது. கேழ்வரகு கஞ்சியாகவோ, கூழாகவோ உண்ண ப்படுகிறது. ராகிமால்ட் (Ragi malt) ஒரு பிரபலமான ஊட்டச்சத்துப் பானமாகும். கேழ்வரகு நொதி பானங்கள் தயாரிப்பில் (Fermented beverages) மூலப்பொருளாகப் பயன்படுகிறது.
சோளம் (Sorghum)
தாவரவியல்
பெயர்: சொர்கம் வல்கேர்
சோளம் ஆப்பிரிக்காவிலிருந்து அறிமுகப்படுத்தப்பட்டது.
உலகின் முக்கிய சிறுதானியங்களில் சோளமும் ஒன்று. கால்சியம் மற்றும் இரும்பு சத்து அதிக
அளவில் உள்ளது
பயன்கள்
கோழி, பறவைகள், பன்றிகள் மற்றும் கால்நடைகளுக்குச்
சோளம் தீவனமாகப் பயன்படுகின்றது. நொதி சாராயப் பானங்களின் மூலப் பொருளாக உள்ளது.
